Romans 1:20 - Patamuna New Testament Revised

²⁰ Tùwenukassen pen màlà Katù yapàikketù molopai iteselu tùusensen pen. Tùse wolù konekappù motapai, Katù uya yà'là kasa là sàlà yamùk wechi yenpoikasak màlà tamù'nawolon tùnkonekappù winà. Màlàpàk mùkyamlo kappon yamùk we'waputàtok pùla iwechi màlà.

Romans 1:20 ပူးပေါင်းရင်းမြစ်များ

Matthew 5:45

Sàlà kussak auya'nokon yau, àkàipùnù kon epùn pon munkà pe ewena kon màlà. Masapùla tùponalok wei ku'nài mùkkàlà iilenpantoppe, àli ton molopai wakù ton weyu pe ekkaichalà, molopai konok yeuno'nài wakù ku'nài nan ponaloppe molopai àli ku'nài nan ponaloppe.

Mark 10:6

Tùse sàlà pata non wepyattàppù motapai, ‘Katù uya màlà walawok molopai ulichan konekappù Katù Maimu uya yekamasak kasa

John 1:18

Ànùk uya là Katù yensak pùla man. Tùse Imu mùkkàlà tewinan neken tùkàipùnù yenau nai'nùk uya yenpoikappù màlà ittutoppe.

John 15:22

Tok yelupaik uyàpù pùla iwessak yau, àli pe tùmakuyi ke tok uchittuppù pen sàlà eppaino. Tùse sàlà pe tùmakuyi kon waputtàtok tok uya pùla iwechi màlà.

Yeunossak kon Wotokoyi 17:29

Imunkà yamùk pe we'nà'nokon pàk, Katù wechi kolù wapùla chilùpa, wapùla tàk là, kappon nùkonekappù tùnùttu yawàlà kasa iwechi pe yekama'nokon kùsettak.

Yeunossak kon Wotokoyi 22:1

“Utonpa yamùk, Ukàipùnù yamùk, sàlà pe uwenai uselupa yetatàk kon!” tukaik.

Romans 1:19

Tùttusen yeppe Katù yekale yekamasak màlà kappon yamùk pàk. Katù uya màlà yenpoikasak tok pàk.

Romans 16:26

Tùse sàlà pe nen uchi, sàlà itekale yekamasak man molopai tàwàlàlà tùwemassen Katù uya tùmaimu yenpoikannan yapyontàppù màlà wakù itekale menukatoppe tok uya, tamù'nawolon kon kappon yamùk uya ailon tetoppe molopai imaimu yawàlà tok wettoppe.

Romans 2:1

Màlàpàk uchi ewe'waputtàtok ike pùla iwechi màlà, masapùla tùulon kon pàk, “Suwa iwechi,” tawon àmàlà, àpàk wa te auya pe iwechi màlà masapùla màlà lùppù tok nùkussai'nùk kupù auya pàk.

Romans 2:15

Sàlà uyaichi màlà, Law wechi tok yewan yau yekama. Molopai tok usenumenkatok uya nàlà tùulon yattai ikasa tok wechi molopai ikasa pùla tok wechi yekama.

1 Corinthians 1:20

Màlàpàk uchi, i'nailà mùkkàlà pukkek kappon? Wapùla tùusenuppasen? Wapùla pukkeppe tùuselupasen sàlà yattai? Katù uya sàlà wolù pukketù wechi wo'mattantok pe yenpoikasak màlà!

Colossians 1:15

Christ wechi màlà ànùk yekkwa pe Katù tùusensen pen wechi yenpoikanài pe. Iwentusak lùppù wapiyalok pe, tamù'nawolon kon ikonekasak kon yentaino mùkkàlà.

Colossians 2:9

Masapùla tamù'nawolon Katù yau nai'nùk wechi màlà Christ yau.

1 Timothy 1:17

Tàwàlàlà Kin pe tùwessen, tùumatta woton pen molopai yensak pen, tewinan Katù piyak, namantok molopai apulàntok tùlù màlà tàwàlà molopai tàwàlàlà! Emen.

1 Timothy 6:16

Mùkkàlà neken tewinan tàwàlàlà tùwemassen. Tùwemassen mùkkàlà akkwa ànù'là nepolo itenpatau pen. Ànù'là uya yensak pùla iwechi màlà, molopai ànù'là uya yene pen màlà. Tàwà mùkkàlà ponaloppe namantok molopai tàwàlàlà apàikkek pe we'nàtok nechii! Emen.

Hebrews 11:27

Ailon tetok winà Moses uya Egypt nàmàppù tùusenalippaik pùla kin we'naikatok pàk, masapùla tensen pen Katù yensak tùuya pàk sa'man pàlikappù ya.

Hebrews 9:14

Màlà yentai Christ mùnù wechi màlà apàikkeppe! Tàwàlàlà tùwemassen Wakù Akkwalù yai iwettùlùppù màlà wakù kulu imattakù pùn tùtùsen pe Katù yemyak, kùmakuyi kon yepeppe. Imùnù uya usenumenkantok kù'nokon ma màlà wakù pe tapulàsen pen wotoko winàpai, tàwàlàlà tùwemassen Katù ponaloppe we'wotokoman toppe.