Romans 1:17 - Patamuna New Testament Revised

¹⁷ Masapùla Wakù Itekale màlà Katù uya kappon yamùk yanùmù ikasa tùpokon pe yekamanài. Ailon tetok yawolon neken màlà, iwepyattàtok motapai iwenukapù ponalà. Katù Maimu uya, “Mùkkàlà iwekonekasak lùppù ikasa Katù pokonpe ailon tetok yai wemapù màlà,” te kasa. {Hab 2.4}

Romans 1:17 ပူးပေါင်းရင်းမြစ်များ

John 3:36

Ànù'là Imu pàk ailon tawon uya, tàwàlàlà wema'nàtok yepolo màlà. Tùse ànù'là Imu nulunpanài uya wema'nàtok yene pen màlà, tùse Katù we'naikatok wechi ipo tàwàlàlà.

Romans 10:3

Yà'là uya là Katù nanùmù yeppe kappon kupù ikasa ipokonpe ittusak tok uya pùla iwechippù, molopai tùyiwalà'nokon ikasa ekonekapai tok wechippù. Màlàpàk uchi tà Katù uya ikasa kappon yamùk kuttok yawà yanùmù tok uya pen.

Romans 3:21

Tùse sàlà pe ikasa we'nàtok Katù winàpaino, yekamasak màlà Law winà pùla. Tùse Law molopai Katù Maimu yenpoikannan nùssan nekamappù.

Romans 3:22

Sàlà ikasa we'nàtok màlà Katù winàpai tùuyàssen Jesus Christ pàk ailon tetok yai tamù'nawolon kon ailon tawonnan piyak, masapùla tùpatalà we'nàtok pùla kulu iwechi màlà.

Romans 3:3

Yà'là pe ken iwechi tok tonpa yamùk wechi ailon pe pùla yau? Sàlà uya ka' Katù wechi ailon pe pùla te pe iwechi màlà lù?

Romans 9:30

Yà'là te'nokon ken uchi? Jew yamùk pen ikasa tùwettùlùiche tùwessan Katù pokonpe pen, yanùmùppù màlà ikasa Katù pokonpe. Sàlà wekkussak wechippù màlà ailon tesak tok uya pàk.

2 Corinthians 3:9

Law kappon yamùk talumatàtok iwinà wechippù màlà tùnamasen pe, tùnamasen peiwa wotoko iwalai ne'nài wechi màlà!

2 Corinthians 5:21

Mùkkàlà imakuyi pùn kupùppù Katù uya màlà kùmakuyi kon yepeppe tùtùsen pe. Iwinà nen uchi Katù wettok ikasa pùkkù pe we'nàtok kon pe.

Galatians 3:11

Ailon màlà ànù'là kappon yanùmù ikasa Katù pokonpe pen, Law yawà iwechi winà. Masapùla Katù Maimu uya, “Mùkkàlà ikasa tùwessen wemapù màlà ailon tetok tùuya winà,” tesak pàk. {Hab 2.4}

Philippians 3:9

Molopai iponaloppe wechi ittu uya. Law winà wakù pe ikasa wettok pàkànsau Katù uya uyanùmùppù pen màlà. Sàlà pe nen uchi wakù pe we'nàtok, ikasa, Katù winàpai teposen ailon tetok Christ pàk yai yesappe wessaik.

Hebrews 10:38

Uponalok ikasa tùwessen wemapù màlà ailon tettok tùuya winà, tùse iwennapposak uwinàpai yau, utauchinpa pen màlà ipàk,” te kasa.