Romans 1:16 - Patamuna New Testament Revised

¹⁶ Masapùla wekkuli'ma pùla man Wakù Itekale pàk. Masapùla Katù yapàikketù màlà tamù'nawolon kon ailon tawonnan tùpàk pùikattànài, wapiya Jew yamùk molopai nàlà Jew yamùk pen.

Romans 1:16 ပူးပေါင်းရင်းမြစ်များ

Mark 8:38

Ànù'là upàk tùwekuli'masen molopai umaimu pàk nàlà sàlà pe nai'nannùk àliton kappon yamùk kùlottau, mùkkàlà pàk nàlà, Kàyik Mumu wekuli'ma màlà, tùkàipùnù yakkwayi yau tùuyàpù, wakù ton tùyinchelùyi yamùk pokonpe tùuyàpù yau,” teppù Jesus uya.

Luke 9:26

Ànù'là kappon wekkuli'masak upàk yau molopai umaimu pàk yau, Kàyik Mumu wekkuli'ma nàlà màlà ipàk tùuyàssak yau, takkwayi, tùkàipùnù yakkwayi, molopai Inchelù yamùk yakkwayi tawon yau yattai.

John 7:35

Jew yamùk usekamappopàtùppù tùyiwalà'nokon, “I'nai motak ken uchi pùsàlà kàyik utà pe iwechi màlà, tepolo pùla iwettoppe, kùtonpa kon ka' Jew yamùk Greek yamùk kùlottak iwetta'nùssak kon kùlottak lù, Greek yamùk yenupaik?

Yeunossak kon Wotokoyi 3:26

Màlàpàk Katù uya wapiya tapyoto wuluukappù weli'nàtok yapai molopai yeunokoppù apyakù'nokon, àpùlemase' nokon, tewinpà'ne ewelattà kon pa àli kuttok auya'nokon winàpai,” teppù Peter uya.

Romans 10:17

Màlàpàk uchi ailon tetok màlà tùuyàssen itekale yeta winà, molopai itekale tùuyàssen Christ yekama yai.

Romans 15:19

Sàlà kupùppù uya yensappe pùla nai'nùk wapiya, enumenkanài molopai usenalippantoppe ku'nài meluntàlù winà, molopai Wakù Akkwalù meluntàlù winà. Màlàpàk mei pai Jerusalem poi Illyricum pùkkù yak, Wakù Itekale yekamasak uya man tamù'nawàlà, Christ yekale.

Romans 15:29

molopai tùttuyaik uyàpù apyakù'nokon yau, uyàpù tamù'nawolon Christ winàpaino wakù pokonpe.

Romans 2:9

Àsà pe wettalumattàntok molopai eke pe usewankono'mantok wechi màlà molo àli ku'nàinan winàkàik, Jew yamùk winàkàik wapiya molopai nàlà Jew yamùk pen winàkàik.

Romans 4:11

Màlà ye'mappùtak yattàppù màlà, molopai sàlà kupùppù màlà yentok ipàkàlà pe. Masapùla ailontetok Abraham uya pàk Katù uya yanùmùppù ikasa tùwessen pe yattà wapiya yekamanài. Màlàpàk Abraham mùkkàlà tamù'nawolon kon ailon tawonnan Katù pàk kàipùnù, tok yattàsak Jew yamùk yeselu yawàlà pùla lànen tùse. Mùkyamlo yanùnsak kon kàipùnù pe.

1 Corinthians 15:2

Sàlàichi Wakù Itekale winà ewepùikattàsak kon màlà, itekale unekamappù lùppù pàk meluntà pe autachi kon yau, màlà kasa pùla iwechi yau iwoton pe pùla ailon tesak auya'nokon pe iwechi màlà.

1 Corinthians 2:2

Masapùla wekkussak wechippù màlà yà'làlà ittutok uya pùla apyau'nokon wechi yau, tùse Jesus Christ molopai ipukapàttok pulusuk po neken kulu.

1 Corinthians 2:4

Uselupatok molopai uyekale unekama wechi kappon pukketù nùkupù yawà pùn, tùse Katù winàpaino Wakù Akkwalù meluntàlù yenpoika pe iwekkussak màlà.

1 Corinthians 9:12

Molopai ewinàpai'nokon tùwepùikattàtok kon yeponnan pe tùulon kon wechi, wechi ikasa yau, màlà yentai palà ken na' yeponnan yeppe pùla ina wechi màlà? Tùse sàlà kussak ina uya pùla man. Tùse làkku ina uya tamù'nawolon yà'làlà pàlikasak man Christ yekale wakkàtù ina uya tukaik.

1 Corinthians 9:18

Yà'là yekkwa ken uchi e'mantok yepolo uya? Wakù Itekale yekamanài Iulà Itepulu Jesus pàk itepeppù tennaik pùla, unepolo yek tepose pùla.

2 Corinthians 2:12

Troas pona welepansak Christ yekale yekamase yau, Itepulu uya asanta yakkokasak uponaloppe yepoloppù uya màlà.

2 Corinthians 4:4

Sàlà wolù yepulu uya ailon tawonnan pen usenumenkatok yewalumankasak màlà. Wakù Itekale yakkwayi Christ winàpaino yene tok uya tukaik, mùkkàlà uchi Katù usentok.

2 Corinthians 9:13

Sàlà kupù auya'nokon yau kappon yamùk uya Katù yapulà màlà ailon tetok auya'nokon molopai Christ yekale maimu yawàlà ewettok kon winà. Molopai eke pe tok lepasak auya'nokon pàk molopai tamù'nawolon kon nàlà lepasak auya'nokon pàk Katù yapulà tok uya.

Galatians 1:7

Itekale pen kulu màlà. Tùse tùulon kon kappon yamùk utaimelunpantok yak àtùyatàu molopai Christ yekale mùyakanmaiche tok man.

1 Thessalonians 2:13

Molopai sàlà pàkànsau tàwàlàlà, tenki te màlà ina uya Katù pàk. Katù Maimu nessak ina uya apyakù'nokon yau, metatantàu molopai manùntantàu, kappon yamùk winàpaino pe là tùkusse pùla tùse Katù Maimu pe nen tùkusse itekale manùntantàu. Katù Maimu nen nai'nùk. Masapùla Katù we'wotokoma nai'nùk amyamlo ailon tawonnan tùpàk kùlottau.

1 Timothy 1:11

Màlàichi màlà enupantok yeposak itekale yau, uyemyak intùlùppù yekamatoppe uya, Wakù kulu Itekale Eke Katù winàpaino.

2 Timothy 1:12

molopai sàlà yamùk pàkànsau uchi màlà wettalumatàppù. Tùse wekuli'ma pùla man ipàk, masapùla mùkkàlà ailon teppù uya lùppù ipàk ittu uya pàk, molopai tùttuyaik kulu màlà untùlùssan lùppù itemyak kupù ya màlà Wei Ittuntok yattai ponalà.

2 Timothy 1:16

Tàwà Itepulu Jesus usentupantok yenpoikai Onesiphorus yùwùk tawon kon pàk, masapùla umeluntàpasak ya pàk echipalà. Iwekuli'mappù pen yachichak pe wechi pàk,

2 Timothy 1:8

Kekkuli'mai uchi, yekama pàk Kùyepulu Jesus ponaloppe; wapùla upàk kekkuli'mai yachisappe wechi iponaloppe wenai. Tùse làkku, ewettalumattàtok yanùnkà Wakù Itekale ponaloppe, Katù uya elepa meluntà ke kaichalà.

Hebrews 4:12

Masapùla Katù Maimu màlà nulànan molopai meluntà. Yàkek, asa'lon yà kasupala yentaino. Tùutàsen màlà i'nak esak molopai akkwalù wessepotok tepose, molopai àppù yese'mu, molopai àppù pùnawon wessepotok tepose. Katù Maimu màlà kappon yamùk yewan wettok iche molopai ichenumenkatok ittunài kulu.

1 Peter 4:16

Tùse ànù'là wettalumattà Christ ponaloppe yau, kùsekuli'matak, tùse tàwà tenki nùkai Katù pàk Christ ponaloppe tùwechi pàk.