Romans 1:13 - Patamuna New Testament Revised

¹³ Sàlà mùttutàik utonpa yamùk, tukke itekkwa akakklanpa kon uya tepàssak uya man. Tùse utàtoppe pùla yà'làlà uwakkà'nài. Àkklottau'nokon kappon yamùk ànpùikattàpai wechippù tok uya nàlà ailon tetoppe, tùulon kon Jew yamùk pen kùlottau ikupùppù uya kasa.

Romans 1:13 ပူးပေါင်းရင်းမြစ်များ

John 12:24

Ailon kulu sàlà, tewin nùkkwà a'naik wepukasak non pona yau tewin nùppù iwechi màlà tùse iwelichak yau, iwata molopai iwepeta tukke.

John 15:16

Amyamlo uya uyanùnsak pen màlà, tùse Iulà uya ayanùnsak kon. Àutà kon pa epetaik, tachinpe molo tùwessen epelu ke. Màlà yattai yà'làlà yekamapposak auya'nokon Ukàipùnù pàk uyesek yai yau, elepa kon ya màlà.

John 4:36

Mùkkàlà ipili'nài uya tepeppù yepolo màlà, molopai kùyali pilipù ya tàwàlàlà wema'nàtok ponaloppe. Mùkyamlo ipànnài molopai ipili'nài tawonnan utauchinpa màlà tamùkke.

Yeunossak kon Wotokoyi 1:15

Màlà yattai ailon tawonnan wepilipùppù. 120 pe tok wechippù màlà tamù'nawàlà molopai Peter wà'mùssakkappù eselupase.

Yeunossak kon Wotokoyi 14:27

Tùwelepansak kon Antioch pona yau, tok uya sochi tawon kon pilipùppù molopai tok uya tamù'nawàlà Katù nùkupùppù tùpokon pe'nokon yekamappù tok pàk, molopai Katù uya asanta yakkokasak Jew yamùk pen uya ailon te toppe, yekamappù nàlà tok uya.

Yeunossak kon Wotokoyi 15:12

Tamù'nawolon kon wechippù màlà eppana Barnabas molopai Paul tawonnan uya tamù'nawàlà tensan yekkwa ton pen enumenkan nan, kupùppù Katù uya tai'nokon Jew yamùk pen kùlottau, yekama yeta tùuya'nokon yau.

Yeunossak kon Wotokoyi 19:21

Sàlà wekkupù tùpo Paul wekkupùppù tùutà pàk Wakù Akkwalù yau Macedonia molopai Achaia polo molopai miya Jerusalem pona. “Màlà motak utà tùpo Rome yense nàlà utà màlà,” teppù ya.

Yeunossak kon Wotokoyi 21:19

Paul uya, “Talà là na' messatàu?” teppù, molopai tamù'nawàlà tewin pàk Katù nùkupùppù Jew yamùk pen kùlottau tùwotokoyi yai yekamappù ya.

Yeunossak kon Wotokoyi 28:14

Molo ailon tawonnan yepoloppù ina uya, molopai tok wechippù molo ina uko'mamù iche tewin suntayakka. Molopai wa là ina uyàpùppù Rome pona.

Romans 1:12

Suwa te uya nai'nùk, asak essattai amyamlo molopai Iulà tukaik we'meluntàpantok kon pe ekkaichalà, ailon tetok uya winà molopai ailon tetok auya'nokon winà.

Romans 11:25

Tùttusen pen ailon molo man, utonpa yamùk, ittu auya'nokon iche wettok. Pukkeppe ewechi kon pe yekama auya'nokon tukaik àkupù kon ya màlà. Sàlà uchi màlà kappon yamùk Israel pon kon wettok sa'man pe itewan wechi tàwàlà tùwessen pe pùla. Tùse iche we'nàtok kaichalà Jew yamùk pen kùlottapai wessepolo Katù piyak ponalà neken iwechi.

Romans 7:1

Mùttuyatàik kulu utonpa yamùk uselupa sàlà pe masapùla law yeselu ittunnan amyamlo. Law yeselu wechi kappon yepulu pe màlà iwemapù pàkàlà neken.

1 Corinthians 1:10

Apawanattàyatàu Iulà utonpa yamùk, Kùyepulu kon Jesus Christ yesek yau, tamù'nawàlà tewin ichenumenkatok ewechi kon pa wepantakantok wechi molo àkklottau'nokon tukaik, echitonpa pe ettàk kon tewin neken ichenumenkatok.

1 Corinthians 10:1

Ittu auya'nokon iche wessaik utonpa yamùk, kùtamo kon yamùk wechippù màlà tamù'nawàlà katuppluk yo'no molopai tamù'nawàlà tok utàppù palau yawà.

1 Corinthians 12:1

Màlà yamùk Akkwalù winàpaino kon pàk, ittunnan pen kasa ewechi kon iche pùla wessaik utonpa yamùk.

1 Corinthians 14:20

Utonpa yamùk, mule yamùk lùkkwà mùkyamlo àli ittunnan pen. Tok kasa ettàk kon tùse eusenumenkatok kon yau tok kasa kettàu, tùse kàyippe ettàk kon eusenumenkatok kon yau.

1 Corinthians 14:26

Yà'là te uya ken sàlà, utonpa yamùk? Katù yapulàse ewepilichak kon yau, tamù'nawolon kon wechi telemu ke, wapùla enupantok yesappe, tenpoikasen yesappe, wapùla itekale tùulon mayin yau, wapùla yà'là tesak lùppù yekamatok yesappe. Tamù'nawàlà sàlà yamùk wechi màlà Katù ponalok kon meluntàlùtanù'nài pe tùkussen pe.

1 Corinthians 9:2

Yeunossappe tùulon kon uya uyanùmù pùla lànen tùse, ailon ukayaik uyanùmù auya'nokon pàk! Masapùla amyamlo mùkyamlo, ewemattok kon Itepulu Jesus yau pàkàlà yeunossappe wechi yekamannan.

2 Corinthians 1:8

Ina wettalumattàppù Asia po ittu auya'nokon iche ina man utonpa yamùk. Eke pe kulu wettalumattàntok wechippù ina po, ipàlika ina uya yentai, màlàpàk tùwelikù kon pe ina uya ittuppù.

2 Corinthians 2:14

Tùse tàwà tenki tetok Katù pàk molo nechii! Masapùla Katù uya ina yalà màlà entaikantok yak Christ yai. Katù uya ina yai tekale yeunoko màttawàlà tùkà'nùnsen kà'nùmù i'nailàlà kasa.

Galatians 3:15

Utonpa yamùk, kappon yeselu yapulà uya sàlà yentok ipàkàlà pe. Ànù'là uya kappon uya ewaik tàwà wa nechii tetok mùyakanma wapùla itonpattà pen màlà ikukkassak tùse, màlà kasa sàlà wechi màlà.

Galatians 6:18

Kùyepulu kon Jesus Christ wettok wakù pe ayakkwalù kon yesappe nechii, utonpa yamùk. Emen.

Philippians 1:22

Tùse wemapù yau wotoko kupù uya màlà eke peiwa, màlà pàk i'nai kulu là yanùmù uya ittu uya pùla man.

Philippians 4:17

Lepantok yamùk neken nà enekkwappai wechi pàk pùla. Tùse làkku àntùlùppù kon pàkàlà itepeppù wekassak enenpai wechi pàk, sàlà yamùk lepantok tùsak auya'nokon pàk.

Colossians 1:10

Màlàyau nen uchi Itepulu Katù wettok iche kasa tùwemassan pe ewechi kon màlà. Molopai yauchinpanài pe nai'nùk kupù auya'nokon. Ewemattok kon wechi nen uchi tepelu ke màlà, wakù ton yà'là yekkwa là wotoko kupù auya'nokon yau. Molopai Katù ittutok auya'nokon yau eusemokka kon.

1 Thessalonians 2:18

Apyakù’nokon ennappo tu’ma pai ina wechippù Iulà, Paul, wechippù wennappo iche kulu tewin itekkwa neken nà pùla, tùse Settan uya ina utàtoppe ina kupù pùn.

1 Thessalonians 4:13

Ina tonpa yamùk, iwelichak kon yekale, ailon kulu, ittu sa' auya'nokon iche kulu ina man, eusewankono'ma kon tukaik, mùkyamlo enpen iwettok ipàk pùnon kasa là.

2 Thessalonians 2:7

Tùttusan pen Katù yeyaton non yesak yapàikketù tùwe'wotokoma pàk man, tùse tùwekkupù woton wekkupù pen màlà mùkkàlà iwakkà'nài yama ponalà.

2 Timothy 4:17

Tùse Itepulu upyau nettai molopai ulepatai meluntà ke, tamù'nawàlà itekale yekama toppe uya kappon yamùk Jew yamùk pen uya yeta toppe; molopai Itepulu uya upùikattàppù “Palauya mùtapai.”