Revelation 9:21 - Patamuna New Testament Revised

²¹ Wàntok tùuya'nokon nonkappù tok uya pen nàlà, tipiyassanù kon nà, àli imakuyippù kuttok tùuya'nokon tesak kon ke nossan yamùk pokonpe wapùla kàyik yamùk pokonpe, wapùla amappe tùwettok kon nonkappù tok uya pen.

Revelation 9:21 ပူးပေါင်းရင်းမြစ်များ

Matthew 15:19

Masapùla itewan yapai àli pe usenumenkantok uyàpù màlà, wàntoppe ya iku'nài, tùulon noppù pokonpe iwettoppe, molopai tùulon kon àli ton imakuyichan kuttoppe ya tesak ke, amappe iwettoppe, molopai kasei pe molopai àli pe ichelupatoppe tùulon kon pàk.

2 Corinthians 12:21

Usenalipayaik uyàttumasak yau Ukatùyi uya ukuli'ma yeselùkek iwechi pàk eyemloto kon po. Ukalawù màlà tukkan kon, mùkkyamlo iwemakuimasak kon nùssan pena molopai iwelattàsak kon àli ton winàpai pen wenai, àli pe tùwemattok kon yau tùwessan, tesak kon ke àli pe tùwessan molopai esak wettok ànkuppai ku'nàinan.

Galatians 5:20

ikonekasak katù yemloto po wepeimantok, molopai meluntà àli akkwalù winàpai yeposak yapulàtok, tùulon kon yewanma'làtok, wakù pe tonpa pokonpe we'nà pùla we'nàtok, kùlùmàppe we'nàtok, we'naikantok, molopai amleppe we'nàtok. Tùusàulàmaik we'nàtok, iwepantapàssak pe'ne,

Revelation 13:13

Yakon ene uya eke ton tensen yekkwa pen kupùppù. Apok uttà toppe kaupai non pona ikupùppù ya, kappon yamùk uya yene tùse.

Revelation 13:15

Yakon àsà ene lepasak wechippù apàikkek ke we'netukkantok tùtoppe ya wapiyalok àsà ene kasa ikonekasak yak iichelupatoppe molopai tamù'nawolon kon tapulànnan pen wàtoppe ya.

Revelation 13:7

Katù ponalok kon kappon yamùk pokonpe iwepanta'matoppe ikussak wechippù molopai tok yentaikatoppe ya. Apàikkek ke ilepasak wechippù tamù'nawàlà tùpatalo'nan ikkok yamùk, tùpatalon kon kappon yamùk, tùpatalo'nan mayin molopai kappon yamùk pata yamùk non pon yawolon kon yepoi.

Revelation 14:8

Yakon inchelù uyàpùppù ite'mappù pàk, “Iwekkawai'masak man! Eke Babylon wekkawai'masak man! Meluntà tùwuku inchitoppe tamù'nawolon pata yamùk yawon kon kappon yamùk uya ikupùppù ya. Sàlàichi wechippù màlà meluntà tinchisen àli pe tùtayappù pen pokonpe iwettok yeuku!” tei'ma.

Revelation 16:6

Katù ponalok kon kappon yamùk molopai imaimu yenpoikannan mùnù ikkwamùppù tok uya, màlàpàk tok lepasak auya man mùn ke tok uya inchitoppe. Tepeppù kon yepoyan tok,” teppù ya.

Revelation 17:2

Non pon kon kin yamùk uya àli kupùppù tùwekumase mùkkàlà eke nossan kàyik yamùk yemyak tùwechilanmasen pokonpe, molopai non pon kon kappon yamùk wetùmùppù, màlà wain kàyik yamùk pokonpe iwettok yeuku tinchise,” teppù ya.

Revelation 17:4

Nossan wepontàsak wechippù tùtalilen molopai ichuweyu yak, ipolo kolù wechippù, wakù ton tàk yamùk, molopai pearl yamùk. Temyau kolù kok yachisak ya wechippù yanùkkasak àli ton Katù yewanma ton ke, kàyik yamùk pokonpe tùwesse àli pe inoi'mappù.

Revelation 17:5

Ipeyeppà pàk esek menukasak wechippù tùttusen pen, “Eke Babylon, tamù'nawolon kon kàyik yamùk yemyak tùwechilanmasan molopai àli ku'nàinan non pon kon yan,” tawon.

Revelation 18:3

Masapùla tamù'nawolon kon kappon yamùk pata yamùk non pon yawolon kon uya àli italumayippù pe iwettok yeuku inchippù màlà. Meluntà, àli pe eppai iwettok tesak ke yeuku. Non pon kon kin yamùk uya àli kussak man ipokonpe itayappù pe pùla echii'ma. Molopai kàyik yamùk mamin chilanmannan molopai ye'mannan non pon kon wenasak man eke pe mamin yesappe, tùuseka'nonkaik àli kuttok ya winàpai,” tukaik.

Revelation 19:2

“Ailon molopai iwalai màlà ittutok ya! Masapùla eke nossan kàyik yamùk yemyak tùwechilanmasen talumattàsak ya man, mùkkàlà non mattanù'nàippù lùppù àli kuttok tùuya kàyik yamùk pokonpe tùwettok ke. Katù uya ye'masak man, masapùla tapyoto yamùk wàsak ya pàk,” tukaik.

Revelation 21:8

Tùse tùusenalippasan molopai ailon tawonnan pen, mùkkyamlo àli pe tùwessan, wànnan, tesak ke àli ku'nàinan, mùkyamlo piyassan yeselu ku'nàinan molopai ikonekasak katù yapulànnan, molopai tamù'nawàlà kasei ton uya tùnepolo kon yepolo màlà eke kulu apok tùuyassen patassek molopai kulupala kasa tùkà'nùnsen yau, màlà yakon itekkwa pe weli'nàtok,” teppù ya nàlà.

Revelation 22:15

Tùse polopo màlà a'a yamùk wechi, mùkyamlo piyassan yeselu ku'nàinan, molopai àli ku'nàinan tesak kon ke, wànnan, Katù pen ikonekasak yemlotopo tùwepeimasan, molopai mùkyamlo tamù'nawàlà kasei ton asakklàma tùuselupatok kon yau molopai tùwelaikatok kon yau.

Revelation 9:20

Tok tonpassan apok, ikelechin molopai sulfur ke iwàsak kon pen, welattàppù pen màlà tùnkonekappù kon winàpai. Àli akkwalù pàk, molopai ikonekasak kon katù yamùk, kolù yapai, chilùpa, kalukuli walai, tàk, molopai yei yapai. Yà'làlà yennài nan pen, wapùla yà'làlà yetan nan pen, wapùla tùusasan pen pàk tùwepeimatok kon yeleutanùpùppù tok uya pen.