Revelation 9:2 - Patamuna New Testament Revised

² Chilùkà uya i'nawon iteuta kiyikkasak yau ikelechin wepakkappù màlà yapai, eke apok patassek yapai apok kelechin kasa. Wei yakkwayi molopai kak wewalumamùppù ewalupà pe apok kelechin i'nawon iteuta yapaino ke.

Revelation 9:2 ပူးပေါင်းရင်းမြစ်များ

Yeunossak kon Wotokoyi 2:19

Tensen yekkwa pen kupù uya màlà kak yau, molopai yà'làlà enumenkanài kupù uya màlà non po. Mùn wechi màlà molo, molopai apok molopai ichin pe ikelechin.

Revelation 14:11

“Tok talumattàtok apok kelechin wechi màlà tùwenuku pàk tàwàlàlà molopai tàwàlàlà. Wàlàkka'nàtok pùla iwechi màlà weinai wapùla ewalupàttau, mùkyamlo àsà ene molopai ikasa ikonekasak yapulà pàk iwessak kon, molopai ànù'là itesek ke ipattàsak lùppù ponaloppe,” teppù ya nàlà.

Revelation 16:10

Màlàyau 5 pe iku'nài inchelù uya tùssawù yawon ikkwamùppù àsà ene yapon pona. Ewalupà wechippù màlà itepulu pe iwettok patassek po. Molopai kappon yamùk uya tani kon ikkapàtùppù ti'nimù kon pàk.

Revelation 8:12

Màlàyau ichakùlà'no inchelù uya tùwayi tàulùnpappù. Wei pùkkù wànàppù 1/3 pe molopai kapùi pùkkù 1/3 pe, molopai chilùkà yamùk tonpa yamùk nàlà 1/3 pe, màlàpàk ipùkkù pe tok yakkwayi usà'nùpùppù, akkwa pe pùla iwechippù weinai 1/3 pe, molopai ewalupà pe kulu nàlà ewalupàttau 1/3 pe.

Revelation 9:1

Màlàyau 5 pe tok ku'nài uya tùwayi tàulùnpappù. Chilùkà iwepukasak kak poi non pona yeneppù uya, ilepasak wechippù i'nawon iteuta kiyikkatok ke.

Revelation 9:11

Eke kin yesappe tok wechippù tepoi'nokon, mùkkàlà inchelù i'nauwon iteuta yennài. Hebrew maimu yau itesek màlà Abaddon, Greek maimu yau Apollyon, (“Mattanù'nài” teya pe iwechi).

Revelation 9:17

Molopai we'neppàtok walai yau kawale yamùk molopai tok pon kon yeneppù uya. Tok pùlopo wapu wechippù ichuweyu pe apok kasa, tùtalilen tàk epekkek sapphire kasa, molopai kalakkwappan sulfur kasa. Kawale yamùk ippai wechippù màlà palauya ippai kasa. Tok mùta yapai apok wepakkappù, ikelechin, molopai sulfur.