Revelation 8:7 - Patamuna New Testament Revised

⁷ Wapiyalok inchelù uya tùwayi tàulùnpappù. Tuna pun molopai apok, mùn ke yoi'masak, uyàpùppù tùwekkwamù pe non pona. Non pùkkù uyassak wechippù 1/3 pe, yuk yamùk pùkkù uyassak wechippù 1/3 pe, molopai tamù'nawàlà lola wanak uyassak wechippù.

Revelation 8:7 ပူးပေါင်းရင်းမြစ်များ

James 1:11

Wei tùwepakkasen molopai tùwa'mintasen a'neppe molopai tùwattasen yaipùtanù'nài; itùpùlù tùwessolokasen molopai wakù pe iwettok tùumattasen. Màlà kasa làma temamin kenan kappon umatta màlà tùusemaminnùttà pe yekama ya tùse.

1 Peter 1:24

Masapùla, “Tamù'nawolon kon kappon yamùk mùkyamlo wanak walainon, molopai tamù'nawolon tok yapulàtok màlà wanak yùpùlù walainon; wanak tùwelichen molopai itùpùlù tùwessolokasen,

Revelation 12:4

Taukù ke itonpa pe chilùkà yamùk pàlàkappù ya kak poi 1/3 pe, molopai icholokappù ya non pona. Nossan mule ke iwentu winàkài'no yemlotopo iwechippù, imle yantoppe tùuya iwentukapù pe.

Revelation 16:2

Wapiyalok inchelù utàppù molopai tùssawù yawon ikkwamùppù ya non pona. Àsà molopai e'nek sukkwek yamùk usenpoikappù mùkyamlo àsà ene uya pattàntok yesak ton molopai ikasa ikonekasak yapulà pe iwepeimasak kon pàk.

Revelation 16:21

Eke ton tàk tuna usa'mansak, 100 pounds pan iteme'netù, wepukappù kaupai kappon yamùk pona. Molopai kappon yamùk uya Katù pa'nùpùppù màlà, tuna usa'mansak ke talumattàntok wenai, masapùla àsà pe kulu talumattàntok wechippù màlà.

Revelation 6:8

Uyenu tùlùppù uya, màlàyau tenkoloimu'nan kawale wechippù molo. Ipo tùwessen yesettàsak wechippù Weli'nàtok pe, molopai iwelichak kon patassek wechippù màlà ite'mappù pàk mei pùla. Apàikkek ke tok lepasak wechippù màlà ipùkkù pe là (1/4 pe) non yepoi, wàntoppe wepanta'mantok yai, iwan ke, palan ke, molopai àsà ton kamo yamùk non pon kon ke.

Revelation 7:1

Sàlà ye'mappùtak asakùlà'nan kon inchelù yamùk yeneppù uya satippe asakùlà'nan non pana'mu yau. Tok uya asakùlà'nan assetun non pon yachippù, yà'là yekkwa là assetun utasse'ma non po, wapùla tuna po, wapùla yà'là yekwa là yei pàk tukaik.

Revelation 9:15

Asakùlà'nan kon inchelù yamùk nonkappù màlà, tok wekonekasak wechippù màlà sàlà ponaloppe, sàlà pata weyu yattai, sàlà kapùi yattai, molopai sàlà kilichimochi pàk, itonpa pe kappon yamùk wàtoppe tùuya'nokon 1/3 pe tamù'nawolon kon kùlottapai.

Revelation 9:18

Tamù'nawolon kon kappon yamùk kùlottapai (1/3) pe tok tonpa yamùk tùkkappù màlà, àsolùwawon matta'nùnàtok ke, apok, ikelechin molopai kulupala walai ikà'nùnsak tawon wepakka kawale yamùk mùta yapai ke.

Revelation 9:4

Wanak mattanùpù tok uya tukaik yekamappù màlà, wapùla yuk, wapùla yà'là yekkwa là yei molopai yà'là yek là. Mùkyamlo kappon yamùk ipattàsak kon Katù winàpaino tok yentok ipàkàlà ke tok peyeppà pàk pùnon neken mattanùttoppe tok uya.