Revelation 8:2 - Patamuna New Testament Revised

² Màlàyau 7 pan kon inchelù yamùk Katù yemloto po satippe tùwessan yeneppù uya, tok lepasak wechippù 7 pan paka letù lùppù walai wai ke.

Revelation 8:2 ပူးပေါင်းရင်းမြစ်များ

Matthew 18:10

“Tùttuik mettàik pùsamlo echikili ton kupù auya'nokon eyewanmakonpe tukaik. Tekamayaik àpàkù'nokon, tùyinchelùyi kenan kon mùkyamlo epùn po, tok inchelùyi yamùk mùkyamlo tàwàlà Ukàipùnù yenpata yennàinan epùn po.

Matthew 24:31

Eke paka letù walai wai tàwù màlà, molopai tùyinchelùyi yamùk yeunoko ya màlà asakùlà'nan non pana'mu yawà. Molopai mùkyamlo uya iponalok kon inanùmùssan pilipù màlà tamù'nawàlà wolù yapai,” teppù Jesus uya.

Luke 1:19

“Gabriel mà Iulà tà,” tukaik inchelù uya yeikuppù. “Katù yemloto po tùwessen Iulà, uyeunossak ya sàlà eyelupase, sàlà wakù itekale yekamase àpàk.

Luke 21:36

Enpen ettàk kon molopai àpùlematàk kon tàwàlà, meluntà pe ewechi kon pa sàlà yamùk wekkupù yawàlà àutà kon yau, molopai Kàyik Mumu yemloto po àwà'mùssakka kon pa,” teppù Jesus uya.

1 Corinthians 15:52

Asse'ne kulu pikiu te kasa, àkàmlà'no paka letù walai wai tàwù yau. Masapùla itàwù yau, iwelichak kon we'wuluuka màlà tùukàtasan pe pùla molopai tamù'nawàlà kùmyamlo wemyakanma màlà.

1 Thessalonians 4:16

Eke wentaimentok wechi màlà molo meluntà pe kan, inchelù yepotolù maimu useta màlà, Katù wayi tàwù màlà molopai nen uchi Itepulu uttù màlà epùn poi! Mùkyamlo iwelichak kon ailon tei'ma Christ pàk we'wuluuka màlà wapiya.

Revelation 1:4

John winàpaino 7 pan sochi yamùk pata Asia yawolon kon piyak: Tàwà wakù Katù nùkupù molopai echitonpa pe we'nàtok Katù winàpaino apyau'nokon nechii. Mùkkàlà sàlà pe nai'nùk, iwechippù nai'nùk molopai tùuyàpù woton pe nai'nùk winàpaino apyau'nokon nechii, molopai 7 pan kon akkwalù yamùk Katù yapon yemloto po tùwessan winàpaino.

Revelation 11:15

Màlàyau 7 pe iku'nài inchelù uya tùwayi tàulùnpappù, molopai eke pe mayin yamùk uya epùn poi, “Itepulu pe we'nàtok non pon kon yepoi Kùyepulu kon Katù molopai ineunokoppù Christ ponaloppe nen uchi man, molopai itepulu pe iwechi màlà tàwàlàlà molopai tàwàlàlà!” teppù.

Revelation 15:1

Màlàyau tùulon eke molopai enumenkanài, tensan yekkwa pen yeneppù uya màlà epùn yau, 7 pe inchelù yamùk wechippù màlà, 7 pan talumattàntok pokon pan kon. Sàlà yamùk màlà tewinanùppù talumattàntok, masapùla màlà yamùk ke Katù we'naikatok wenukapù màlà.

Revelation 16:1

Màlàyau eke mayin uselupa Katù yùwùk tapai 7 pan kon inchelù yamùk pokonpe yetappù uya, “Itàtàk kon molopai 7 pan pùsau yawon Katù we'naikatok ikkwantantàk non pona!” tukaik.

Revelation 8:13

Màlàyau uyenu tùlùppù uya, molopai umuchimà wainùnsak kau, màlà wentaime yetappù uya eke pe, “Entuppak man! Entuppak talumattàntok wechi màlà molo! Àsà pe kulu iwechi kupù pe man mùkyamlo tamù'nawolon kon tùwemassan non po pona, mùkyamlo tùulon kon àsolùwawon kon inchelù yamùk uya paka letù walai tùwayi kon tàulùnpa yau!” tukaik.

Revelation 8:6

Màlàyau 7 pan kon inchelù yamùk wekonekappù 7 pan paka letù walainon wai yamùk tàulùnpa pàk.

Revelation 9:1

Màlàyau 5 pe tok ku'nài uya tùwayi tàulùnpappù. Chilùkà iwepukasak kak poi non pona yeneppù uya, ilepasak wechippù i'nawon iteuta kiyikkatok ke.