Revelation 8:10 - Patamuna New Testament Revised

¹⁰ Màlàyau icholùwano inchelù uya tùwayi tàulùnpappù. Eke chilùkà ulenpansak apok uyatù kasa wepukappù kaupai, molopai iwepukappù tuna yamùk pùkkù molopai non yapai tùwepakkasan tuna kak 1/3 pe.

Revelation 8:10 ပူးပေါင်းရင်းမြစ်များ

Matthew 25:1

“Màlà yattai itepulu pe we'nàtok epùn po wechi màlà sàlà kasa. Molo 10 pan kon ema'nomichi yamùk wechippù màlà, tùlanpuyi kon yanùnnàinan molopai iitàsak kon umoine tùwemali'ma woton wakkàse.

Luke 10:18

Jesus uya tok yeikuppù, “Settan wepuka tentai pata wekamlippù kasa Epùn poi.

Jude 1:13

Palau pon àsà chipachipa walainon mùkyamlo, kuli'manàinan teselu kon pokonpe tùusenpoika kon ke yaklon kasa. Tùutamasan chilùkà walainon mùkyamlo, Katù uya tok pata woton kussak màlà ewalupàttau we'nàtok tàwàlàlà yau.

Revelation 1:20

“7 pan chilùkà yamùk kamik pen uyemyatù yau menyai'nùk molopai 7 pan kolù yapai ikonekasak lanppu yapon nekama màlà sà tonantau nai'nùk. 7 pan kon chilùkà yamùk mùkyamlo inchelù yamùk 7 pan sochi yamùk inchelùyi yamùk, molopai 7 pan kolù yapai ikonekasak lanppu yapon yamùk màlà 7pan sochi yamùk,” teppù ya nàlà.

Revelation 12:4

Taukù ke itonpa pe chilùkà yamùk pàlàkappù ya kak poi 1/3 pe, molopai icholokappù ya non pona. Nossan mule ke iwentu winàkài'no yemlotopo iwechippù, imle yantoppe tùuya iwentukapù pe.

Revelation 14:7

Eke pe wateppù ya, “Katù inamatàk kon, molopai eke pe iwettok yapulàtàk kon! Masapùla kappon yamùk ittutok ya yattai uyàssak man. Molopai epùn, kak, non, palau, molopai non yapai tùwepakkasan tuna yamùk konekanàippù yapulàtàk kon!” teppù ya.

Revelation 16:4

Molopai nàlà icholùwano inchelù uya tùssawù yawon ikkwamùppù tuna yamùk kak molopai non yapai tùwepakkasan tuna kak, molopai mùn pe tok wenappù.

Revelation 6:13

Chilùkà yamùk wessolokappù non pona kak poi, akkla ton fig yepelu wessoloka tek poi meluntà assetun uya talo'ma yau kasa.

Revelation 8:7

Wapiyalok inchelù uya tùwayi tàulùnpappù. Tuna pun molopai apok, mùn ke yoi'masak, uyàpùppù tùwekkwamù pe non pona. Non pùkkù uyassak wechippù 1/3 pe, yuk yamùk pùkkù uyassak wechippù 1/3 pe, molopai tamù'nawàlà lola wanak uyassak wechippù.

Revelation 9:1

Màlàyau 5 pe tok ku'nài uya tùwayi tàulùnpappù. Chilùkà iwepukasak kak poi non pona yeneppù uya, ilepasak wechippù i'nawon iteuta kiyikkatok ke.

Revelation 9:15

Asakùlà'nan kon inchelù yamùk nonkappù màlà, tok wekonekasak wechippù màlà sàlà ponaloppe, sàlà pata weyu yattai, sàlà kapùi yattai, molopai sàlà kilichimochi pàk, itonpa pe kappon yamùk wàtoppe tùuya'nokon 1/3 pe tamù'nawolon kon kùlottapai.

Revelation 9:18

Tamù'nawolon kon kappon yamùk kùlottapai (1/3) pe tok tonpa yamùk tùkkappù màlà, àsolùwawon matta'nùnàtok ke, apok, ikelechin molopai kulupala walai ikà'nùnsak tawon wepakka kawale yamùk mùta yapai ke.