Revelation 7:17 - Patamuna New Testament Revised

¹⁷ Masapùla Kalinilu Mule aponnok yakkletau nai'nùk, wechi nen uchi màlà yesappe, molopai tuna tàwàlàlà tùwemassen, tùwa'munasen pen motak tok yalà ya màlà. Molopai Katù uya tamù'nawàlà tok yenu palu ya'munakka màlà tok yenu poi,” tukaik.

Revelation 7:17 ပူးပေါင်းရင်းမြစ်များ

Matthew 2:6

‘Àmàlà Bethlehem, pata Judea yau nai'nùk, yà'là kasa là Judah yawon kon eke ton ennàinan kùlottau tok ma'lan pen àmàlà. Masapùla ayapai itepulu usenpoika màlà uponalok kon Israel yamùk yanài woton,’ tawon,” teppù tok uya. {Micah 5.2}

Matthew 5:4

“Tùutauchinpasan mùkyamlo tùusewankono'masan. Katù uya tok yewan ipittà màlà!

John 10:11

“Iulà mùkkàlà wakù kalinilu yamùk yesak. Wakù kalinilu yamùk yesak tùwemattok tùnài kalinilu yamùk ponaloppe.

John 10:14

Iulà mùkkàlà wakù kalinilu yamùk yesak. Uyùkùnnon tùttuyaik molopai uyittunnan mùkyamlo.

John 4:10

Jesus uya ipàk, “Katù uya lepantok ittu auya yau, molopai ànùk uya tùwuku woton yenna iitu auya yau, ‘Kùwoppakà,’ làkkunne, te auya eppaino. Molopai elepatoppe ya wema'nà tunakkwa ke,” teppù.

John 4:11

Nossan uya ipàk, “uyepulu, yanùntok auya yai pùla kunaik molopai nàlà i'nau tuna yen naikko. I'nai motau ken uchi wema'nà tunakkwa yepolo auya?

John 4:14

Tùse ànù'là sàlà tuna untùlù inchinài we'nakklipa tu'ma pen màlà. Tùse i'nakkwa pe yau iwena, tàwàlàlà iwu'ma molopai tàwàlàlà iwemattok ke ilepa ya,” tukaik.

Yeunossak kon Wotokoyi 20:28

Amyamlo pe esentàk kon molopai tamù'nawàlà kalinilu yamùk anmainanpa kon pe Wakù Akkwalù nùtùlùssan yentàk kon. Kalinilu yesan kasa, Katù sochiyi tawon kon yewettàk kon, tùponaloppe ine'massan tùmu mùnù yai.

1 Peter 5:2

Kalinilu yesan kasa ettàk kon, mùkyamlo Katù uya elepatok kon ike mainanpa kon pa, molopai tok imainanpatàk kon alikyek pe, Katù wettok ikupù auya'nokon iche kasa. Àwotokoyi kon ikuttàk kon e'mantoppe neken pùla, tùse pùikak pe eppai we'nàtok yapai.

Revelation 14:4

Pùsamlo mùkyamlo kàyik yamùk esuken iwekkusak kon, ulichan yamùk là pokonpe iwessak kon pen. Tok uya Kalinilu Mule wenaima màlà i'nailàlà iità yau, tok ye'masak wechippù màlà kappon yamùk kùlottapai molopai wapiya tùtùsen Katù molopai nen uchi Kalinilu Mule yemyak pe tok wechippù.

Revelation 21:22

Katù yùwùk yeneppù uya pata yau pen màlà, masapùla Imàlà là Mùkkàlà Itùwùk, Itepulu Katù, Mùkkàlà neken Meluntà, molopai Kalinilu Mule.

Revelation 21:23

Pata wechi wei wapùla kapùi iche pen màlà tùweyuttàtoppe ya, masapùla Katù yakkwayi là màlà iweyuttànài, molopai Kalinilu Mule Mùkkàlà ilanppuyi.

Revelation 21:4

Tamù'nawàlà tok yenu palu ya'munakka ya màlà tok yenu poi. Weli'nàtok pùla nen uchi iwechi màlà, usewankono'mantok pùla iwechi, kalannàtok wapùla i'ninàtok pùla. Masapùla penalok kon waliwomùppù man,” tukaik.

Revelation 21:6

Molopai upàk, “Nenukappàssan! Iulà mùkkàlà Alpha molopai Omega iweppyattàtok molopai iwenukattok. Ànù'là iwe'nakklipasak nai'nùk lepa uya màlà epe'mùn tuna ke wema'nàtok palu yapai.

Revelation 22:1

Inchelù uya nàlà yenpoikappù upàk, tuna wema'nàtok palu crystal ulenpansak kasa tùusensen, Katù yapon molopai Kalinilu Mule winàpai tùuyàssen.

Revelation 4:11

“Ina Yepulu molopai ina Katùyi! Àmàlà mùkkàlà wakù. Àponalok màlà apulàntok, namantok molopai apàikkek. Masapùla tamù'nawolon yà'làlà konekappù auya, molopai eyeselu winà tamù'nawolon wechi màlà molo,” tei'ma.

Revelation 5:6

Màlàyau Kalinilu Mule yeneppù uya màlà satippe aponnok yakkletau, asakùlà'nan kon nulànan kon ànùkyan nànan molopai eke ton tùnamasan wechippù iwoi. Kalinilu Mule useneppù iwàsa'lùppù kasa. 7 pe iletù wechippù, molopai 7 pe itenu, sàlà yamùk wechippù màlà 7 pan kon akkwalù yamùk Katù winàpaino pe yeunossak kon nùssan tamù'nawolon non pona.