Revelation 7:10 - Patamuna New Testament Revised

¹⁰ Tok wentaimeppù eke pe. “Ina wepùikattàtok màlà tùuyàssen Ina Katùyi winàpai. Mùkkàlà aponnok po chichiu pe tùwessen, molopai Kalinilu Mule winàpai,” tukaik.

Revelation 7:10 ပူးပေါင်းရင်းမြစ်များ

Luke 3:6

Molopai tamù'nawolon kon kappon yamùk uya Katù uya pùikattàntok yene màlà!’ ” teppù Isaiah uya. {ISA 40.3-5}

John 1:29

Iwemassak yau John uya Jesus uyàpù tùpyak yeneppù. “Masa yentàk kon! Katù winàpaino mùkkàlà kalinilu mule sàlà wolù yawon kon kappon yamùk makuyi mokkanài.

John 1:36

Jesus utà yene tùuya yau, “Masa yenkà! Katù winàpaino mùkkàlà, Kalinilu Mule!” teppù ya.

John 4:22

Amyamlo Samaria kok yamùk mùkyamlo inama pe anapulà kon ittunnan pen, tùse inama pe tùnapulà kon ittunnan ina, masapùla wepùikattàntok uyàssak màlà Jew yamùk winàpai.

Ephesians 2:8

Masapùla Katù wettok wakù pe winà ewepùikattàsak kon màlà ailon tetok auya'nokon yai. Eyiwalà'nokon ànkupùppù kon pen màlà tùse Katù uya lepantok.

Revelation 12:10

Màlàyau nen uchi eke mayin yetappù uya epùn po. “Sàlà pe Katù winàpaino wepùikattàntok molopai meluntà uyàssak man! Molopai Kùkatùyi wettok Itepulu pe! Molopai Kùlaik, ineunokoppù wettok apàikkeppe! Masapùla kùtonpa kon yamùk winàkàik àli pe ichelupasak kon Katù yemloto po wei kaichalà molopai ewalupà kaichalà, yenu'mappù man epùn yapai,” te ya.

Revelation 19:1

Sàlà yamùk tùpo eke pe tukkan kon kappon yamùk maimu kasa tùusetasen yetappù uya epùn po, “Katù yapulà! Wepùikattàntok, apulàntok molopai meluntà màlà kùkatùyi kon ponalok!” tukaik.

Revelation 21:5

Màlàyau mùkkàlà chichiu pe tùwessen aponnok po uya, “Molopai nen uchi sàlà pe tamù'nawolon koneka uya sàlà emennappe!” “Sàlà imenukakà, masapùla sàlà mayin màlà ailon molopai ailon tetok ipàk,” teppù ya nàlà.

Revelation 22:3

Yà'làlà Katù uya pa'nù'nàtok wessepotukka pen nen uchi màlà pata yau. Katù yapon molopai Kalinilu Mule yapon wechi màlà pata yau, molopai itapyoto yamùk uya yapulà màlà.

Revelation 4:6

Aponnok yemloto po wanamali walai palau useneppù awai'ne crystal kasa. Aponnok woi ilatoi winà'ne, asakùlà'nan kon nulànan kon ànùkyan nànan wechippù en yamùk ipolon kon tok yemloto polo molopai tok mùpoi polo.

Revelation 5:7

Kalinilu Mule uyàpùppù molopai kaleta yekkwatùppù ya mùkkàlà chichiu pe tùwessen aponnok po yemyatù kamik pen yapai.