Revelation 6:8 - Patamuna New Testament Revised

⁸ Uyenu tùlùppù uya, màlàyau tenkoloimu'nan kawale wechippù molo. Ipo tùwessen yesettàsak wechippù Weli'nàtok pe, molopai iwelichak kon patassek wechippù màlà ite'mappù pàk mei pùla. Apàikkek ke tok lepasak wechippù màlà ipùkkù pe là (1/4 pe) non yepoi, wàntoppe wepanta'mantok yai, iwan ke, palan ke, molopai àsà ton kamo yamùk non pon kon ke.

Revelation 6:8 ပူးပေါင်းရင်းမြစ်များ

Matthew 11:23

Amyamlo nen, Capernaum pon kon! Anama kon peichi mekamayatàu? Eyenu'ma kon màlà i'nawon aiko yak! Masapùla tensan yekkwa ton pen ikussak lùppù àkklottau'nokon kussak Sodom po yau, molo sàlà iwechippù eppaino sàlà tepose!

Matthew 24:7

Tewinan pata wepanta'ma màlà tùulon pata pokonpe, tùulon itepulu pe we'nàtok wepanta'ma màlà tùulon itepulu pe we'nàtok pokonpe. Iwan wechi màlà molo, molopai tùlùpùnù.

1 Corinthians 15:55

“I'nailà entaikantok auya nai, Weli'nàtok? I'nailà chippontok auya nai, Weli'nàtok?”

Revelation 1:18

“Nulà nan Iulà! Welikùppù màlà, tùse yenkà, nulà wessaik tàwàlàlà molopai tàwàlàlà. Tapàikketù ke wechi nai'nùk weli'nàtok yepoi molopai iwelichak kon patassek yepoi.

Revelation 12:4

Taukù ke itonpa pe chilùkà yamùk pàlàkappù ya kak poi 1/3 pe, molopai icholokappù ya non pona. Nossan mule ke iwentu winàkài'no yemlotopo iwechippù, imle yantoppe tùuya iwentukapù pe.

Revelation 9:15

Asakùlà'nan kon inchelù yamùk nonkappù màlà, tok wekonekasak wechippù màlà sàlà ponaloppe, sàlà pata weyu yattai, sàlà kapùi yattai, molopai sàlà kilichimochi pàk, itonpa pe kappon yamùk wàtoppe tùuya'nokon 1/3 pe tamù'nawolon kon kùlottapai.

Revelation 9:18

Tamù'nawolon kon kappon yamùk kùlottapai (1/3) pe tok tonpa yamùk tùkkappù màlà, àsolùwawon matta'nùnàtok ke, apok, ikelechin molopai kulupala walai ikà'nùnsak tawon wepakka kawale yamùk mùta yapai ke.