Revelation 6:16 - Patamuna New Testament Revised

¹⁶ Wùk yamùk molopai tàk yamùk pàk tok uya, “Ina pona epukatàk kon, molopai ina yonantàk kon aponnok po chichiu pe nai'nùk yenu winàpai, molopai Kalinilu Mule we'naikatok winàpai!

Revelation 6:16 ပူးပေါင်းရင်းမြစ်များ

Matthew 26:64

Jesus uya yeikuppù, “Wa mùkayatàik làkku tà. Tùse tekamayaik àpàkù'nokon, sàlà motapai yene auya'nokon màlà Kàyik Mumu wechi chichiu pe apàikeppe tùwessen kamikù pen winà, molopai iyàpù katuppluk po epùn poi!” tukaik.

Mark 3:5

Jesus we'naikasak wechippù màlà tok yenei'ma, tùse ichentupappù masapùla sa'man pe tok yewan wechi pàk molopai tok wechi ikasa pùla pàk. Màlàyau nen uchi kàyik pàk, “Eyemyatù yenkakà,” teppù ya. Temyatù yenkappù ya màlàyau itemyatù umeluntàtappù.

Luke 23:30

Màlà yattai uchi kappon yamùk uya màlà wùk yamùk pàk, ‘Ettùlùkkwakà ina pona!’ te, molopai ikklù yamùk pàk, ‘Ina iwaputtàkà!’ te màlà.

Revelation 10:6

Molopai suwa wechi màlà teppù ya Katù yesek yau, mùkkàlà tàwàlàlà tùwemassen, mùkkàlà epùn, non, palau, molopai tamù'nawolon màlà yamùk yawon kon, konekanàippù. Inchelù uya wateppù, “Eichilà man iweyu uyàssak man!” teppù ya.

Revelation 19:15

Yàkek asa'lon yà kasupala wepakkappù intapai, màlà ke eke pata yamùk non pon kon yentaika ya màlà. Meluntà ke itepulu pe iwechi màlà tok yepoi, molopai so'li tinchisen Tewinan, mùkkàlà neken Meluntà Katù we'naikatok àsà pe yeuku kakklà ya màlà mulu yai.

Revelation 20:11

Màlàyau eke aimu'nan aponnok yeneppù uya molopai ipo chichiu pe tùwessen. Non molopai kak tawon wepeppù iwinàpai molopai ichentu'mappù pen.

Revelation 4:2

Màlà yattai là Wakù Akkwalù yau wechippù. Molo epùn po aponnok wechippù. Molopai ànù'lànan wechippù ipo chichiu pe.

Revelation 4:5

Aponnok winàpai pata wekamlipù yakkwayi uyàpùppù màlà, wala'napi wettoippàtùppù, molopai mayin yamùk usetàppù. 7 pan lanppu yamùk pottàsak uyatùppù aponnok yemloto po, sàlà wechippù màlà 7 pan kon akkwalù yamùk Katù winàpaino kon pe.

Revelation 4:9

Mùkkàlà chichiu pe tùwessen, tùwemassen tàwàlàlà molopai tàwàlàlà, ponaloppe asakùlà'nan kon nulànan kon ànùkyan nànan uya apulàntok, namantok molopai tenki tetok yelenka ipàk kaichalà,

Revelation 5:1

Kaleta yeneppù uya màlà mùkkàlà aponnok po chichiu pe tùwessen yemyatù kamik pen yau, imenukasak wechippù ese'latoi pàk, molopai iki'nàmasak wechippù màlà 7 pan yachittok ke.

Revelation 6:10

Eke pe tok wentaimeppù, “Meluntà Itepulu Katù, wakù kulu esukenan molopai ailon! Yà'là yattai ken kappon yamùk sàlà non pon kon ittu auya molopai tok talumattà auya ina wàsak tok uya pàk?” tukaik.

Revelation 9:6

Màlà yattai mùkyamlo kappon yamùk uya weli'nàtok iwa màlà, tùse tok uya yepolo pen. Elippai tok wechi màlà, tùse weli'nàtok wepe màlà tok winàpai.