Revelation 6:12 - Patamuna New Testament Revised

¹² Molopai Kalinilu Mule uya 6 pe iku'nài ikkwàtùppù takkokase. Àsà pe kulu tùlùpùnù wechippù molo, molopai wei wenappù ikklùn pe, ichin kuyalikku kasa, kapùi wenappù tamù'nawà ichuweyu pe mùn kasa.

Revelation 6:12 ပူးပေါင်းရင်းမြစ်များ

Matthew 11:21

“Àsà pe iwechi màlà àpona, Korazin pon kon! Àsà pe nàlà iwechi màlà àpona, Bethsaida pon kon! Masapùla tensan pen kussak Tyre pon kon molopai Sidon pon kon ponaloppe ayau'nokon iwekussak lùppù wekkussak yau, pena nen sàlà àlichi wonpù yak tok wepontàppù eppaino, molopai ulumlàppà sululukkappù tok uya eppaino tùpona'nokon tùmakuyi kon winàpai tùwelattàsak kon yekama pe!

Matthew 24:29

“Tachin pe pùla utaimelunpantok kon weyu tùpo, ‘wei wena màlà ewalupà pe, kapùi ulenpamù pen nen uchi màlà, chilùkà yamùk wessoloka màlà kaupai, molopai kak yawon kon apàikkek ton yenu'ma màlà tok patassek yapai.’ {Isa 13.10; 34.4}

Matthew 24:7

Tewinan pata wepanta'ma màlà tùulon pata pokonpe, tùulon itepulu pe we'nàtok wepanta'ma màlà tùulon itepulu pe we'nàtok pokonpe. Iwan wechi màlà molo, molopai tùlùpùnù.

Matthew 27:45

Inakattapailà wei tùse tamù'nawàlà pata wenappù màlà ewalupà pe, wei wetteilettà ponalà.

Matthew 27:54

Soicha yamùk yepulu, soicha yamùk pokonpe Jesus yelasu pe tùwessan uya tùlùpùnù molopai tamù'nawolon tùwekkussan yeneppù, tok wettalipasak wechippù màlà molopai, “Katù Mumu pe kulu iwechippù man!” teppù tok uya.

Matthew 28:2

Màlà yattai meluntà pe tùlùpùnù wechippù molo. Itepulu inchelùyi uttàppù màlà epùn poi, tàk pelenkappù ya uluwaik mùta poi, molopai iweleutappù ipona.

Mark 15:33

Molopai inakatapailà wei wenasak yattai tamù'nawàlà pata wewalumamùppù wei wetteilettà ponalà.

Revelation 11:13

Màlà yattai là àsà pe kulu tùlùpùnù wechippù molo, ipùkkù pe là 1/10 pe pata umattappù màlà, molopai tamù'nawàlà tùlùpùnù nùtùkkassan kappon yamùk wechippù 7,000 pe. Tok tonpassan wettalipasak wechippù kulu molopai epùn pon Katù wettok eke pe yapulàppù tok uya.

Revelation 16:18

Pata wekamlippàtùppù, eke pe, wala'napi wettoippàtùppù, molopai àsà pe kulu tùlùpùnù wechippù molo. Màlà yekkwa tùlùpùnù pùla iwechippù màlà kappon konekappù motapai. Sàlà tùlùpùnù wechippù màlà àsà pe kulu.

Revelation 16:8

Màlàyau ichakùlà'no inchelù uya tùssawù yawon ikkwamùppù wei pona, molopai meluntà ke wei lepappù màlà kappon yamùk pottàtoppe ya a'neppe kulu tùwettok ke.

Revelation 8:12

Màlàyau ichakùlà'no inchelù uya tùwayi tàulùnpappù. Wei pùkkù wànàppù 1/3 pe molopai kapùi pùkkù 1/3 pe, molopai chilùkà yamùk tonpa yamùk nàlà 1/3 pe, màlàpàk ipùkkù pe tok yakkwayi usà'nùpùppù, akkwa pe pùla iwechippù weinai 1/3 pe, molopai ewalupà pe kulu nàlà ewalupàttau 1/3 pe.

Revelation 8:5

Molopai nen uchi inchelù uya appoi'nan tùpottàsen yen yanùmùppù molopai yanùkkappù ya apok ke tùpottàsen pottàtok yapon pon ke, molopai yenu'mappù ya non pona. Molo wala'napi wetoippàtùppù màlà, pata wekamlippàtùppù àsà pe molopai tùlùpùnù utàppù.