Revelation 6:1 - Patamuna New Testament Revised

¹ Màlàyau Kalinilu Mule uya wapiyalok 7 pan kaleta yachittok tonpa ikkwàtù takkokase yeneppù uya. Màlàyau yetappù uya asakùlà'nan kon nulànan kon ànùkyan nànan tonpa uya: “Àikkà!” te, wala'napi kasa Imaimu usetappù.

Revelation 6:1 ပူးပေါင်းရင်းမြစ်များ

John 1:29

Iwemassak yau John uya Jesus uyàpù tùpyak yeneppù. “Masa yentàk kon! Katù winàpaino mùkkàlà kalinilu mule sàlà wolù yawon kon kappon yamùk makuyi mokkanài.

Yeunossak kon Wotokoyi 4:20

Masapùla ina weleuta tùuselupa kon tùneneppù kon molopai tùnetappù kon pàk yeselùk pùla man,” tukaik.

Revelation 11:19

Katù yùwùk epùn pon utakkokasak wechippù, molopai wakù ikupù tùuya tetok Katù uya yen useneppù Katù yùwùk tau. Màlàyau pata wekamlipù yakkwayi wechippù molo, yà'làlànan tàwù, wala'napi wettoippàtù, tùlùpùnù molopai tukke eme'nek ton tuna pun.

Revelation 13:8

Tamù'nawolon kon non po tùwemassan uya màlà yapulà, mùkyamlo kappon yamùk itesek imenukasak kon wema'nà kaletayi yau pen. Màlà kaleta màlà Kalinilu Mule iwàsak lùppù non koneka wapiya ponalok.

Revelation 14:2

Yà'làlànan tàwù yetappù uya màlà epùn poi eke tuna melu tàwù kasa tùusetasen, molopai wala'napi wettoikkwa kasa. Màlà itàwù uneta usetappù màlà kappon yamùk uya tewa ke'nan tùwayi kon tàulùnpa kasa.

Revelation 19:6

Màlàyau yetappù uya eke pe ilinà kappon yamùk maimu kasa tùusetasen, eke tuna melu tàwù kasa, wala'napi wettoippàtù kasa. “Katù yapulàpai. Masapùla Itepulu tewinan, Mùkkàlà neken Meluntà kùkatùyi kon mùkkàlà Kin,” te tok uya.

Revelation 4:8

Tamù'nawàlà asakùlà'nan kon nulànan kon ànùkyan nànan wechippù 6 pe'ne yapàli, molopai en yamùk wechippù tok polo, tok yapàli yo'nolo nàlà. Tùuselenpatok kon yeleutanùpùppù tok uya pen weinai wapùla ewalupàttau. “Wakù esukenan, Wakù esukenan, Wakù esukenan Itepulu Katù, Mùkkàlà neken Meluntà, iwechippù nai'nùk, sàlà pe nai'nùk, molopai tùuyàpù woton,” tukaik.

Revelation 5:1

Kaleta yeneppù uya màlà mùkkàlà aponnok po chichiu pe tùwessen yemyatù kamik pen yau, imenukasak wechippù ese'latoi pàk, molopai iki'nàmasak wechippù màlà 7 pan yachittok ke.

Revelation 5:12

Tok uselenpappù eke pe: “Mùkkàlà Kalinilu Mule iwàsak lùppù wakù pe man apàikkek, mamin, pukkeppe we'nàtok, meluntà yanùnnài yeppe man. Apulàntok molopai namantok yanùnnài yeppe nàlà!” tukaik.

Revelation 5:8

Kaleta yekkwassak ya yau, asakùlà'nan kon nulànan kon ànùkyan nànan molopai 24 pan eke ton tùnamasan wepeimappù Kalinilu Mule yemloto po. Tùkaichalà' ne'nokon tùwayi ke'ne tok wechippù. Molopai kolù pùsau yamùk appoi'nan tùpottàsen ke yanùkkasak yesappe'ne. Sàlà yamùk màlà Katù munkà yamùk wàpùlematok.

Revelation 6:3

Màlàyau Kalinilu Mule uya yakon yachittok ikkwàtùppù takkokase. Molopai yakon nulà nan kamo uya, “Àikkà,” te, yetappù uya.

Revelation 6:5

Màlà tùpo Kalinilu Mule uya icholùwano yachittok ikkwàtùppù takkokase, molopai icholùwano nulà nan ànù'lànan uya, “Àikkà!” te, yetappù uya. Uyenu tùlùppù uya, màlàyau ikklùn kawale wechippù molo. Ipo tùwessen wechippù wemantok ike itemyau.

Revelation 6:7

Màlàyau Kalinilu Mule uya ichakùlà'no yachittok ikkwàtùppù takkokase, ichakùlà'no nulà nan ànu'lànan uya, “Àikkà!” te yetappù uya.

Revelation 8:1

Kalinilu Mule uya 7 pe iku'nài yachittok ikkwàssak takkokase yau, eppana iwechippù epùn po tachin pe kulu pùla.