Revelation 5:6 - Patamuna New Testament Revised

⁶ Màlàyau Kalinilu Mule yeneppù uya màlà satippe aponnok yakkletau, asakùlà'nan kon nulànan kon ànùkyan nànan molopai eke ton tùnamasan wechippù iwoi. Kalinilu Mule useneppù iwàsa'lùppù kasa. 7 pe iletù wechippù, molopai 7 pe itenu, sàlà yamùk wechippù màlà 7 pan kon akkwalù yamùk Katù winàpaino pe yeunossak kon nùssan tamù'nawolon non pona.

Revelation 5:6 ပူးပေါင်းရင်းမြစ်များ

Luke 1:69

Meluntà pùikattàn woton yeunossak ya man kùponalok kon pe, tapyoto David pa pe.

John 1:29

Iwemassak yau John uya Jesus uyàpù tùpyak yeneppù. “Masa yentàk kon! Katù winàpaino mùkkàlà kalinilu mule sàlà wolù yawon kon kappon yamùk makuyi mokkanài.

John 1:36

Jesus utà yene tùuya yau, “Masa yenkà! Katù winàpaino mùkkàlà, Kalinilu Mule!” teppù ya.

Yeunossak kon Wotokoyi 8:32

Màlà Katù Maimu inene wechippù màlà sà kasa, “Iwàtoppe yasak kalinilu kasa iwechippù, kalinilu mule kasa eppana tùwessen tùppok yattà tùse iwechippù. Ichelupappù pen.

Revelation 1:4

John winàpaino 7 pan sochi yamùk pata Asia yawolon kon piyak: Tàwà wakù Katù nùkupù molopai echitonpa pe we'nàtok Katù winàpaino apyau'nokon nechii. Mùkkàlà sàlà pe nai'nùk, iwechippù nai'nùk molopai tùuyàpù woton pe nai'nùk winàpaino apyau'nokon nechii, molopai 7 pan kon akkwalù yamùk Katù yapon yemloto po tùwessan winàpaino.

Revelation 12:11

“Tok uya yentaikasak man Kalinilu Mule mùnù winà, molopai ailon tùnekamappù kon Katù yekale winà, tok uya tùwemattok kon pùnùmappù pen màlàpàk tùwelikù kon pàk tok usenalippa pùla iwechippù.

Revelation 13:8

Tamù'nawolon kon non po tùwemassan uya màlà yapulà, mùkyamlo kappon yamùk itesek imenukasak kon wema'nà kaletayi yau pen. Màlà kaleta màlà Kalinilu Mule iwàsak lùppù non koneka wapiya ponalok.

Revelation 14:1

Màlàyau uyenu tùlùppù uya màlà, molopai uyemlotopo iwechippù Kalinilu Mule satippe Zion Tùpù po, ipyau tukkan kon kappon yamùk wechippù, 144,000 pe, itesek yesak ton molopai Ikàipùnù yesek menukasak ipeyeppà pàk ton.

Revelation 17:14

Tok wepanta'ma màlà Kalinilu Mule winàkàik, tùse Kalinilu Mule molopai inkà'massan, inanùmùssan molopai ailon pe iwessak kon ya'lon kon uya tok yentaika màlà, masapùla itepulu yamùk Yepulu mùkkàlà molopai kin yamùk Kinù,” teppù ya.

Revelation 21:22

Katù yùwùk yeneppù uya pata yau pen màlà, masapùla Imàlà là Mùkkàlà Itùwùk, Itepulu Katù, Mùkkàlà neken Meluntà, molopai Kalinilu Mule.

Revelation 21:23

Pata wechi wei wapùla kapùi iche pen màlà tùweyuttàtoppe ya, masapùla Katù yakkwayi là màlà iweyuttànài, molopai Kalinilu Mule Mùkkàlà ilanppuyi.

Revelation 22:1

Inchelù uya nàlà yenpoikappù upàk, tuna wema'nàtok palu crystal ulenpansak kasa tùusensen, Katù yapon molopai Kalinilu Mule winàpai tùuyàssen.

Revelation 22:3

Yà'làlà Katù uya pa'nù'nàtok wessepotukka pen nen uchi màlà pata yau. Katù yapon molopai Kalinilu Mule yapon wechi màlà pata yau, molopai itapyoto yamùk uya yapulà màlà.

Revelation 4:8

Tamù'nawàlà asakùlà'nan kon nulànan kon ànùkyan nànan wechippù 6 pe'ne yapàli, molopai en yamùk wechippù tok polo, tok yapàli yo'nolo nàlà. Tùuselenpatok kon yeleutanùpùppù tok uya pen weinai wapùla ewalupàttau. “Wakù esukenan, Wakù esukenan, Wakù esukenan Itepulu Katù, Mùkkàlà neken Meluntà, iwechippù nai'nùk, sàlà pe nai'nùk, molopai tùuyàpù woton,” tukaik.

Revelation 5:11

Uyenu tùtukkappù uya molopai tukkan kon inchelù yamùk yetappù uya. Tukke kulu tok wechippù tok ittu yentai. Aponnok woi sattippe, molopai nulànan kon ànùkyan nànan, molopai eke ton tùnamasan woi. (1000s molopai1000s molopai 10,000 x10,000.)

Revelation 5:12

Tok uselenpappù eke pe: “Mùkkàlà Kalinilu Mule iwàsak lùppù wakù pe man apàikkek, mamin, pukkeppe we'nàtok, meluntà yanùnnài yeppe man. Apulàntok molopai namantok yanùnnài yeppe nàlà!” tukaik.

Revelation 5:13

Molopai tamù'nawolon kon epùn pon kon, non pon kon, non yo'non kon, tamù'nawolon palau pon kon. Tamù'nawàlà nulànan kon uselenpa yetappù uya, “Tàwà mùkkàlà chichiu pe tùwessen aponnok po molopai Kalinilu Mule piyak apulàntok, namantok, molopai meluntà pe we'nàtok nechii, tàwàlàlà molopai tàwàlalà!” tukaik.

Revelation 5:14

Asakùlà'nan kon nulànan kon ànùkyan nànan uya yeikuppù, “ Emen,” tukaik. Molopai eke ton tùnamasan wepeimappù molopai yapulàppù tok uya.

Revelation 6:16

Wùk yamùk molopai tàk yamùk pàk tok uya, “Ina pona epukatàk kon, molopai ina yonantàk kon aponnok po chichiu pe nai'nùk yenu winàpai, molopai Kalinilu Mule we'naikatok winàpai!