Revelation 4:8 - Patamuna New Testament Revised

⁸ Tamù'nawàlà asakùlà'nan kon nulànan kon ànùkyan nànan wechippù 6 pe'ne yapàli, molopai en yamùk wechippù tok polo, tok yapàli yo'nolo nàlà. Tùuselenpatok kon yeleutanùpùppù tok uya pen weinai wapùla ewalupàttau. “Wakù esukenan, Wakù esukenan, Wakù esukenan Itepulu Katù, Mùkkàlà neken Meluntà, iwechippù nai'nùk, sàlà pe nai'nùk, molopai tùuyàpù woton,” tukaik.

Revelation 4:8 ပူးပေါင်းရင်းမြစ်များ

Yeunossak kon Wotokoyi 20:31

Enpen uchi ettàk kon, molopai ittutàk kon eke pe uyenu palu pokonpe, weinai molopai ewalupàttawàlà, tamù'nawàlà tewinpàk eyenupatantàu Iulà àsolùwau kilichimochi.

2 Corinthians 6:18

“Àkàipùnù kon pe wechi màlà, molopai umu yamùk pe molopai uyenchi ton pe ewechi kon, te Itepulu Katù Mùkkàlà neken Meluntà uya màlà.” {Sam 7.14; 2 Sam 7.8}

1 Thessalonians 2:9

Ewaik, mùttuyatàik, ina tonpa yamùk, sa'man pe ina we’wotokomappù. Ina we'wotokomappù wei kaichalà molopai ewalupàttawàlà, awanittàpa kon nà ina uya tukaik Wakù Itekale Katù winàpaino yekama tùuya’nokon yawàlà.

1 Timothy 4:16

Tùttuik emakkà molopai kappon yamùk yenupatok auya ike yenkà wakù pe. Sàlà yamùk kupù pàk ekkà, masapùla ikupù auya yau ewepùikattà màlà àmàlà molopai eyetannan nàlà.

2 Timothy 4:2

Katù Maimu yekamakà, yekama pàk kulu ekkà, yekamatok yattai wechi ikasa tùse wapùla ikasa pùla tùse molopai tok imeluntàpakà, molopai tok makuyi yekamakà. Tùse nàlà tok yauchinpakà molopai tok panama auya yau kesemittàpai.

Hebrews 13:8

Jesus Christ mùkkàlà walai lùppù, ko'manyak, sàlà pe molopai tàwàlàlà.

Revelation 1:4

John winàpaino 7 pan sochi yamùk pata Asia yawolon kon piyak: Tàwà wakù Katù nùkupù molopai echitonpa pe we'nàtok Katù winàpaino apyau'nokon nechii. Mùkkàlà sàlà pe nai'nùk, iwechippù nai'nùk molopai tùuyàpù woton pe nai'nùk winàpaino apyau'nokon nechii, molopai 7 pan kon akkwalù yamùk Katù yapon yemloto po tùwessan winàpaino.

Revelation 1:8

“Alpha Iulà molopai Omega iweppyattàtok molopai iwenukattok,” tawon mùkkàlà Itepulu Katù, sàlà pe nai'nùk, iwechippù nai'nùk, molopai tùuyàpù woton, Mùkkàlà neken Meluntà.

Revelation 11:17

“Tenki nùkayan ina àpàk Itepulu Katù Meluntà, Mùkkàlà sàlà pe nai'nùk molopai iwechippù nai'nùk! Masapùla eke emeluntàlù yapulàsak auya pàk, molopai ewepyattàsak man itepulu pe ewechi pàk!

Revelation 14:11

“Tok talumattàtok apok kelechin wechi màlà tùwenuku pàk tàwàlàlà molopai tàwàlàlà. Wàlàkka'nàtok pùla iwechi màlà weinai wapùla ewalupàttau, mùkyamlo àsà ene molopai ikasa ikonekasak yapulà pàk iwessak kon, molopai ànù'là itesek ke ipattàsak lùppù ponaloppe,” teppù ya nàlà.

Revelation 14:3

Satippe tok wechippù màlà aponnok yemloto po, asakùlà'nan kon nulànan kon ànùkyan nànan molopai Katù ponalok kon wapiyalok kon kappon yamùk 24 pan kon yemlotopo. Molopai emennak elen yelenpappù tok uya ànù'là usenupatok ipàk pen tùse mùkyamlo 144,000 pan kon neken ye'masak kon non poi.

Revelation 15:3

Moses, Katù yapyoto, yelemu pàk tok uselenpappù, molopai Kalinilu Mule yelemu, “Itepulu Katù, Mùkkàlà neken Meluntà, eke pe molopai wakù kulu kupùppù auya man! Tamù'nawolon pata yamùk Kinù, ikasa molopai ailon pe eyeselu man!

Revelation 15:7

Asakùlà'nan kon nulànan kon ànùkyan nànan walai tonpa uya 7 pan kon inchelù yamùk lepappù màlà 7 pan kolù pùsau yanùkkapàssak Katù we'naikatok ike, ke. Katù tàwàlàlà molopai tàwàlàlà tùwemassen.

Revelation 16:14

Mùkyamlo wechippù màlà makui yakkwalù yamùk tensen pen ku'nàinan pe. Pùsamlo àsolùwawon kon àli akkwalù yamùk mùkyamlo tùutàsan tamù'nawolon kon kin yamùk non pon kon piyak, tok nesse tamùkke wepanta'mantok ponaloppe Eke wei, tewinan Katù, Mùkkàlà neken Meluntà weyu yattai.

Revelation 16:7

Màlàyau mayin Katù ponalok pottà patassek winàpaino yetappù uya, “ Ewaik, Itepulu tewinan Katù, Mùkkàlà neken Meluntà! Ailon molopai iwalai màlà talumattàntok auya!” te ya.

Revelation 19:15

Yàkek asa'lon yà kasupala wepakkappù intapai, màlà ke eke pata yamùk non pon kon yentaika ya màlà. Meluntà ke itepulu pe iwechi màlà tok yepoi, molopai so'li tinchisen Tewinan, mùkkàlà neken Meluntà Katù we'naikatok àsà pe yeuku kakklà ya màlà mulu yai.

Revelation 19:4

24 pan kon eke ton tùnamasan kappon yamùk molopai asakùlà'nan kon nulànan kon ànùkyan nànan wepeimappù molopai Katù yapulàppù tok uya Mùkkàlà chichiu pe tùwessen aponnok po molopai tok uya, “Emen, Tàwà wa nechii! Tàwà yapulà nechii!” teppù.

Revelation 21:22

Katù yùwùk yeneppù uya pata yau pen màlà, masapùla Imàlà là Mùkkàlà Itùwùk, Itepulu Katù, Mùkkàlà neken Meluntà, molopai Kalinilu Mule.

Revelation 3:7

“ Philadelphia pon Sochi inchelùyi piyak sàlà imenukakà: “Sàlàichi màlà itekale mùkkàlà wakù esukenan molopai ailon winàpaino. Mùkkàlà David ponalok ki yachinài, yakkokanài mùkkàlà ànù'là uya inakkokappù yakkolo pen. Yakkonài mùkkàlà, ànù'là uya inakkoloppù yakkoka pen.

Revelation 4:4

Sàlà aponnok woi 24 pe tùulon kon aponnok yamùk wechippù. Màlà yamùk po 24 pan kon eke ton tùnamasan wechippù chichiu pe. Tok wepontàsak aimu'nan yak, molopai kolù alok yau'ne tok wechippù.

Revelation 4:6

Aponnok yemloto po wanamali walai palau useneppù awai'ne crystal kasa. Aponnok woi ilatoi winà'ne, asakùlà'nan kon nulànan kon ànùkyan nànan wechippù en yamùk ipolon kon tok yemloto polo molopai tok mùpoi polo.

Revelation 4:9

Mùkkàlà chichiu pe tùwessen, tùwemassen tàwàlàlà molopai tàwàlàlà, ponaloppe asakùlà'nan kon nulànan kon ànùkyan nànan uya apulàntok, namantok molopai tenki tetok yelenka ipàk kaichalà,

Revelation 5:6

Màlàyau Kalinilu Mule yeneppù uya màlà satippe aponnok yakkletau, asakùlà'nan kon nulànan kon ànùkyan nànan molopai eke ton tùnamasan wechippù iwoi. Kalinilu Mule useneppù iwàsa'lùppù kasa. 7 pe iletù wechippù, molopai 7 pe itenu, sàlà yamùk wechippù màlà 7 pan kon akkwalù yamùk Katù winàpaino pe yeunossak kon nùssan tamù'nawolon non pona.

Revelation 6:1

Màlàyau Kalinilu Mule uya wapiyalok 7 pan kaleta yachittok tonpa ikkwàtù takkokase yeneppù uya. Màlàyau yetappù uya asakùlà'nan kon nulànan kon ànùkyan nànan tonpa uya: “Àikkà!” te, wala'napi kasa Imaimu usetappù.

Revelation 6:6

Mayin uyàpù yetappù uya asakùlà'nan kon nulànan kon ànùkyan nànan winàpai kasa. Màlàyau mayin uya, “Tewinan pùsau paali, àlichi walai wechi màlà tewin wei we'wotokomantok yepeppù pe, molopai àsolùwawon pùsau paali walai wheat, wechi màlà tewin wei we'wotokomantok yepeppù pe. Tùse olive yek molopai chi'nak grape yek kù'mattanùpùi,” teppù.

Revelation 7:11

Tamù'nawà inchelù yamùk wechippù màlà aponnok woi, 24 pan kon eke ton tùnamasan woi, molopai asakùlà'nan kon nulànan kon ànùkyan nànan woi satippe. Tok wepeimappù tenpata kon po aponnok yemlotopona molopai Katù yapulàppù tok uya,

Revelation 7:15

Màlàpàk Katù yapon yemlotopo satippe tok wechi màlà nai'nùk molopai iponaloppe tok we'wotokoma weinai molopai ewalupàttau tukaik itùwùk tau. Mùkkàlà chichiu pe nai'nùk tapon po wechi tok yelasu pe màlà molo tùwechi ke.