Revelation 4:5 - Patamuna New Testament Revised

⁵ Aponnok winàpai pata wekamlipù yakkwayi uyàpùppù màlà, wala'napi wettoippàtùppù, molopai mayin yamùk usetàppù. 7 pan lanppu yamùk pottàsak uyatùppù aponnok yemloto po, sàlà wechippù màlà 7 pan kon akkwalù yamùk Katù winàpaino kon pe.

Revelation 4:5 ပူးပေါင်းရင်းမြစ်များ

Matthew 25:1

“Màlà yattai itepulu pe we'nàtok epùn po wechi màlà sàlà kasa. Molo 10 pan kon ema'nomichi yamùk wechippù màlà, tùlanpuyi kon yanùnnàinan molopai iitàsak kon umoine tùwemali'ma woton wakkàse.

Matthew 3:11

Eyenpataukanài'nokon Iulà tuna ke, amakuyi kon winàpai ewelattàsak kon pàk. Tùse mùkkàlà uye'mappù pàk tùuyàssen uya màlà eyenpatauka kon Wakù Akkwalù ke molopai apok ke. Eke mùkkàlà uyentaino, ichapattuyi yalà uya yentaino.

Yeunossak kon Wotokoyi 2:3

Màlàyau apok walai non ani yamùk uyàpù tùwepantakapàtù pe tùpona'nokon yeneppù tok uya, molopai tamù'nawolon kon pona iweleutappù tewin pàk.

Revelation 1:4

John winàpaino 7 pan sochi yamùk pata Asia yawolon kon piyak: Tàwà wakù Katù nùkupù molopai echitonpa pe we'nàtok Katù winàpaino apyau'nokon nechii. Mùkkàlà sàlà pe nai'nùk, iwechippù nai'nùk molopai tùuyàpù woton pe nai'nùk winàpaino apyau'nokon nechii, molopai 7 pan kon akkwalù yamùk Katù yapon yemloto po tùwessan winàpaino.

Revelation 10:3

Molopai iwentaimeppù eke pe palauya tàwù useta kasa. Iwentaime tùpo, 7 pan kon wala'napi yamùk uya yeikuppù.

Revelation 11:19

Katù yùwùk epùn pon utakkokasak wechippù, molopai wakù ikupù tùuya tetok Katù uya yen useneppù Katù yùwùk tau. Màlàyau pata wekamlipù yakkwayi wechippù molo, yà'làlànan tàwù, wala'napi wettoippàtù, tùlùpùnù molopai tukke eme'nek ton tuna pun.

Revelation 3:1

“ Sardis pon Sochi inchelùyi piyak sàlà imenukakà: “Sàlàichi màlà itekale mùkkàlà 7 pan akkwalù yamùk Katù winàpaino molopai 7 pan chilùkà yamùk yesak winàpaino. Ànkupù tùttuyaik, nulà kappon yamùk uya eyittu tùse, ewelichak man.”

Revelation 5:6

Màlàyau Kalinilu Mule yeneppù uya màlà satippe aponnok yakkletau, asakùlà'nan kon nulànan kon ànùkyan nànan molopai eke ton tùnamasan wechippù iwoi. Kalinilu Mule useneppù iwàsa'lùppù kasa. 7 pe iletù wechippù, molopai 7 pe itenu, sàlà yamùk wechippù màlà 7 pan kon akkwalù yamùk Katù winàpaino pe yeunossak kon nùssan tamù'nawolon non pona.

Revelation 8:5

Molopai nen uchi inchelù uya appoi'nan tùpottàsen yen yanùmùppù molopai yanùkkappù ya apok ke tùpottàsen pottàtok yapon pon ke, molopai yenu'mappù ya non pona. Molo wala'napi wetoippàtùppù màlà, pata wekamlippàtùppù àsà pe molopai tùlùpùnù utàppù.