Revelation 4:2 - Patamuna New Testament Revised

² Màlà yattai là Wakù Akkwalù yau wechippù. Molo epùn po aponnok wechippù. Molopai ànù'lànan wechippù ipo chichiu pe.

Revelation 4:2 ပူးပေါင်းရင်းမြစ်များ

Matthew 22:43

“Yà'là pe ken uchi iwechi pàk Wakù Akkwalù uya David kupùppù màlà, Uyepulu tukaik yesattoppe ya?” tukaik Jesus uya tok yekamapoppù. “Masapùla David uya, ‘Itepulu uya Uyepulu pàk, ‘Chichiu pe ekkà ulaitanù yau, eyeyaton non tùlù uya atta yokkoik ponalà,’ teppù màlà. {Psa 110.1}

Hebrews 8:1

Sàlàichi màlà ina wettok yekama iche. Pùsàlà, eke kulu paatele, yesappe we'nà'nokon man. Mùkkàlà chichiu pe tùwessen kamik pen winà Katù eke pe tùwessen yapon piyau epùn po.

Revelation 1:10

Itepulu Weyu yattai Wakù Akkwalù wenappù uyesappe màlà molopai, eke mayin yetappù uya màlà ichelupa umpoi winà wai tàwù kasa.

Revelation 12:5

Màlàyau iwentuppù walawoppe, tamù'nawolon pata yamùk yepoi itepulu pe tùwechi woton ke, sa'man ayanpun tekessen ke. Tùse mule yanùmùppù màlà molopai yalàppù Katù piyak molopai yapon piyak.

Revelation 17:3

Wakù Akkwalù uya uyachippù màlà, molopai inchelù uya uyalàppù wontaik yak. Molo nossan yeneppù uya chichiu pe, ichuweyu àsà ene po, molopai mùkkàlà wechippù 7 pe ippai molopai 10 pe iletù, àli ton esek yamùk menukasak Katù talumattà pe wechippù ipolo.

Revelation 19:4

24 pan kon eke ton tùnamasan kappon yamùk molopai asakùlà'nan kon nulànan kon ànùkyan nànan wepeimappù molopai Katù yapulàppù tok uya Mùkkàlà chichiu pe tùwessen aponnok po molopai tok uya, “Emen, Tàwà wa nechii! Tàwà yapulà nechii!” teppù.

Revelation 20:11

Màlàyau eke aimu'nan aponnok yeneppù uya molopai ipo chichiu pe tùwessen. Non molopai kak tawon wepeppù iwinàpai molopai ichentu'mappù pen.

Revelation 21:10

Molopai inchelù uya uyalàppù eke, kawon kulu wùk nakatta pona Wakù Akkwalù yau. Jerusalem, Wakù esukenan eke pata, uttà epùn poi Katù piyapai yenpoikappù ya upàk.

Revelation 21:5

Màlàyau mùkkàlà chichiu pe tùwessen aponnok po uya, “Molopai nen uchi sàlà pe tamù'nawolon koneka uya sàlà emennappe!” “Sàlà imenukakà, masapùla sàlà mayin màlà ailon molopai ailon tetok ipàk,” teppù ya nàlà.

Revelation 3:21

Mùkyamlo àli yentaikannan nùssan kupù uya màlà upyau tok weleuta toppe uyapon po. Àli yentaikasak uya molopai sàlà pe weleutasak Ukàipùnù piyau yapon po kasa làma.

Revelation 4:10

Katù ponalok kon 24 pan kon eke ton wepeimappù non pona mùkkàlà aponnok po chichiu pe tùwessen yemloto pona. Tok uya yapulàppù molopai inamappù mùkkàlà tùwemassen tàwàlàlà molopai tàwàlàlà. Tok uya talùko kon nonkappù aponnok yemloto pona. Molopai,

Revelation 4:5

Aponnok winàpai pata wekamlipù yakkwayi uyàpùppù màlà, wala'napi wettoippàtùppù, molopai mayin yamùk usetàppù. 7 pan lanppu yamùk pottàsak uyatùppù aponnok yemloto po, sàlà wechippù màlà 7 pan kon akkwalù yamùk Katù winàpaino kon pe.

Revelation 4:9

Mùkkàlà chichiu pe tùwessen, tùwemassen tàwàlàlà molopai tàwàlàlà, ponaloppe asakùlà'nan kon nulànan kon ànùkyan nànan uya apulàntok, namantok molopai tenki tetok yelenka ipàk kaichalà,

Revelation 5:1

Kaleta yeneppù uya màlà mùkkàlà aponnok po chichiu pe tùwessen yemyatù kamik pen yau, imenukasak wechippù ese'latoi pàk, molopai iki'nàmasak wechippù màlà 7 pan yachittok ke.

Revelation 5:13

Molopai tamù'nawolon kon epùn pon kon, non pon kon, non yo'non kon, tamù'nawolon palau pon kon. Tamù'nawàlà nulànan kon uselenpa yetappù uya, “Tàwà mùkkàlà chichiu pe tùwessen aponnok po molopai Kalinilu Mule piyak apulàntok, namantok, molopai meluntà pe we'nàtok nechii, tàwàlàlà molopai tàwàlalà!” tukaik.

Revelation 6:16

Wùk yamùk molopai tàk yamùk pàk tok uya, “Ina pona epukatàk kon, molopai ina yonantàk kon aponnok po chichiu pe nai'nùk yenu winàpai, molopai Kalinilu Mule we'naikatok winàpai!