Revelation 4:10 - Patamuna New Testament Revised

¹⁰ Katù ponalok kon 24 pan kon eke ton wepeimappù non pona mùkkàlà aponnok po chichiu pe tùwessen yemloto pona. Tok uya yapulàppù molopai inamappù mùkkàlà tùwemassen tàwàlàlà molopai tàwàlàlà. Tok uya talùko kon nonkappù aponnok yemloto pona. Molopai,

Revelation 4:10 ပူးပေါင်းရင်းမြစ်များ

Matthew 2:11

Tapùi tak tok wewomùppù màlà molopai mule yeneppù tok uya tùsan Mary pokonpe. Tese'mu kon yok tok wenappù molopai tok uya yapulàppù.Màlàyau tapluli kon yen yakkokappù tok uya. Molopai tùntùlù kon tùlùppù tok uya, kolù, appoi'nan tùpottàsen, frankincence, molopai appoi'nan kalapa itesek myrrh.

Luke 24:52

Tok uya yapulàppù molopai tok wennapoppù Jerusalem pona, eke pe tùutauchinpaik.

1 Corinthians 15:10

Tùse wakù pe Katù wettok winà wessai'nùppe wechi sàlà nai'nùk, molopai wakù pe iwettok wechippù yà'là woton pe pùla là pen màlà. Ànù'là yeunossak kon yentai lùiwa sa'man pe we'wotokomasak man, Iulà pen tùse, tùse wakù pe Katù wettok upàk we'wotokoma nai'nùk.

Revelation 10:6

Molopai suwa wechi màlà teppù ya Katù yesek yau, mùkkàlà tàwàlàlà tùwemassen, mùkkàlà epùn, non, palau, molopai tamù'nawolon màlà yamùk yawon kon, konekanàippù. Inchelù uya wateppù, “Eichilà man iweyu uyàssak man!” teppù ya.

Revelation 11:16

Molopai nen uchi 24 pan kon eke ton tùnamasan, chichiu pe tùwessan tapon kon po Katù yemlotopo wepeimappù tenpata kon po, molopai Katù yapulàppù tok uya,

Revelation 15:4

Ànùk usenalipa pen ken àpàk Itepulu? Molopai ànùk uya ken eyesek yapulàtok nepù? Masapùla àmàlà neken mùkkàlà Wakù esukenan. Tamù'nawolon patassek yamùk yawon kon uyàpù màlà ayapulàse eyemlotopo, masapùla wakù iwalai ànkupù usenpoikasak man,” tukaik.

Revelation 15:7

Asakùlà'nan kon nulànan kon ànùkyan nànan walai tonpa uya 7 pan kon inchelù yamùk lepappù màlà 7 pan kolù pùsau yanùkkapàssak Katù we'naikatok ike, ke. Katù tàwàlàlà molopai tàwàlàlà tùwemassen.

Revelation 19:4

24 pan kon eke ton tùnamasan kappon yamùk molopai asakùlà'nan kon nulànan kon ànùkyan nànan wepeimappù molopai Katù yapulàppù tok uya Mùkkàlà chichiu pe tùwessen aponnok po molopai tok uya, “Emen, Tàwà wa nechii! Tàwà yapulà nechii!” teppù.

Revelation 4:2

Màlà yattai là Wakù Akkwalù yau wechippù. Molo epùn po aponnok wechippù. Molopai ànù'lànan wechippù ipo chichiu pe.

Revelation 4:4

Sàlà aponnok woi 24 pe tùulon kon aponnok yamùk wechippù. Màlà yamùk po 24 pan kon eke ton tùnamasan wechippù chichiu pe. Tok wepontàsak aimu'nan yak, molopai kolù alok yau'ne tok wechippù.

Revelation 4:9

Mùkkàlà chichiu pe tùwessen, tùwemassen tàwàlàlà molopai tàwàlàlà, ponaloppe asakùlà'nan kon nulànan kon ànùkyan nànan uya apulàntok, namantok molopai tenki tetok yelenka ipàk kaichalà,

Revelation 5:14

Asakùlà'nan kon nulànan kon ànùkyan nànan uya yeikuppù, “ Emen,” tukaik. Molopai eke ton tùnamasan wepeimappù molopai yapulàppù tok uya.

Revelation 5:8

Kaleta yekkwassak ya yau, asakùlà'nan kon nulànan kon ànùkyan nànan molopai 24 pan eke ton tùnamasan wepeimappù Kalinilu Mule yemloto po. Tùkaichalà' ne'nokon tùwayi ke'ne tok wechippù. Molopai kolù pùsau yamùk appoi'nan tùpottàsen ke yanùkkasak yesappe'ne. Sàlà yamùk màlà Katù munkà yamùk wàpùlematok.

Revelation 7:11

Tamù'nawà inchelù yamùk wechippù màlà aponnok woi, 24 pan kon eke ton tùnamasan woi, molopai asakùlà'nan kon nulànan kon ànùkyan nànan woi satippe. Tok wepeimappù tenpata kon po aponnok yemlotopona molopai Katù yapulàppù tok uya,