Revelation 4:1 - Patamuna New Testament Revised

¹ Sàlà yamùk tùpo tùulon we'neppà'nàtok walai yeneppù uya, manatta utakkokasak epùn po. Molopai mayin, paka letù walai wai tàwù kasa uyelupa ya unetappù wapiya uya, “Àikkà, enukkà upyak sàlà motak molopai yekama uya màlà àpàk sàlà ye'mappùtak tùwekkupù woton,” teppù.

Revelation 4:1 ပူးပေါင်းရင်းမြစ်များ

Matthew 3:16

Asse'ne tenpataukasak yau, Jesus wepalùkappù màlà tuna kapai. Màlà yattai kulu epùn utakkokappù màlà. Molopai Wakù Akkwalù uttà wakokkwa kasa yeneppù ya màlà molopai iweleutappù ipona.

Mark 1:10

Tuna kapai tùwepalùka pe, epùn utakkokasak yeneppù ya, molopai Wakù Akkwalù uttàppù ipona wakokkwa kasa.

Luke 3:21

Tamù'nawàlà kappon yamùk usenpatauka tùpo Jesus usenpataukappù nàlà. Jesus wàpùlema tùse kak utakkokappù màlà.

John 16:13

Tùse mùkkàlà Ailon Akkwalù uyàssak yau, ayalà kon ya màlà tamù'nawolon ailon yawàlà. Tùyiwalà ichelupa pen màlà, tùse yà'làlà tùneta yekama ya màlà. Molopai yà'làlà tùuyàpù woton yekama ya màlà àpàkù'nokon.

Yeunossak kon Wotokoyi 10:11

Epùn utakkokasak yeneppù ya molopai yà'là lànan eke lùmà assan walai iichensak nuttà asakùlà'nan ipana'mu pàk non pona.

Yeunossak kon Wotokoyi 7:56

“Yentàk kon! Epùn utakkokasak tenyaik molopai Kàyik Mumu satippe man kamik pen Katù yemyatù winà!” teppù ya.

Revelation 1:10

Itepulu Weyu yattai Wakù Akkwalù wenappù uyesappe màlà molopai, eke mayin yetappù uya màlà ichelupa umpoi winà wai tàwù kasa.

Revelation 1:12

Welattàppù màlà ànù'là uya uyelupa yense. Molopai yeneppù uya 7 pan kolù yapai ikonekasak lanppu yapon yamùk.

Revelation 1:19

Enene yamùk uchi imenukakà, asakklàma sàlà pe nai'nùk molopai màlà yamùk tùwekkupù woton kon àkàmlàk,” teppù ya nàlà.

Revelation 11:12

Màlàyau asa'lon kon Katù Maimu yenpoikannan uya eke mayin yetappù epùn poi tùpàkù'nokon wate ya, “Enuttàk kon sàlà motak!” teya. Teyaton kon uya yene tùse tok wenukuppù katuppluk yau epùn pona.

Revelation 11:19

Katù yùwùk epùn pon utakkokasak wechippù, molopai wakù ikupù tùuya tetok Katù uya yen useneppù Katù yùwùk tau. Màlàyau pata wekamlipù yakkwayi wechippù molo, yà'làlànan tàwù, wala'napi wettoippàtù, tùlùpùnù molopai tukke eme'nek ton tuna pun.

Revelation 16:17

Màlàyau 7 pe iku'nài uya tùssawù yawon ikkwamùppù kakàik. Eke mayin uyàpùppù aponnok Katù yùwùk tawon winàpai, “Nenukapàssan!” tukaik.

Revelation 19:11

Màlàyau epùn utakkokasak yeneppù uya, molopai molo iwechippù aimu'nan kawale. Ipo tùwessen yesattok wechippù Tùusetakkasen pen molopai Ailon, ikasa we'nàtok ke kappon yamùk ittunài mùkkàlà molopai ikasa tùwepanta'masen.

Revelation 22:6

Màlàyau inchelù uya upàk, “Sàlà mayin yamùk màlà ailon molopai ailon tetok ipàk. Molopai Itepulu Katù, mùkkàlà Takkwalù tùnài tùmaimu yenpoikannan piyak uya tùyinchelùyi yeunokoppù tapyoto yamùk pàk sàlà pe'ne là tùwekkupù woton yekamase,” teppù.