Revelation 3:5 - Patamuna New Testament Revised

⁵ Mùkyamlo entaikannan nùssan wepontà màlà tok kasa aimu'nan yak, molopai tok yesek yama uya pen màlà wema'nàtok kaletayi yapai. Ukàipùnù molopai itinchelùyi yamùk yemloto po uponalok kon mùkyamlo te uya màlà.”

Revelation 3:5 ပူးပေါင်းရင်းမြစ်များ

Matthew 10:32

“Ànù'là uponaloppe tùwechi yekamanài ayupo, yekama uya nàlà màlà Ukàipùnù epùn pon yemloto po.

Luke 10:20

Katauchinpatàu àli akkwalù yamùk wechi amaimu kon yawàlà pàk. Tùse atauchinpatàk kon eyesek kon we'menukasak làkku epùn po pàk,” tukaik tok yeikuppù ya.

Luke 12:8

“Tekamayaik àpàkù'nokon, Ànù'là uponalok pe tùwechi yekamanàippù ayupo, yekama màlà, màlà kasa lùppù Kàyik Mumu uya Katù inchelùyi yamùk yemloto po.

Philippians 4:3

Molopai àmàlà nàlà ailon we'wotokoma yakon, pùsamlo nossan yamùk pùikattà auya iche wessaik. Masapùla tok we'wotokomasak man sa'man pe upokon pe Wakù Itekale yekama pàk Clement pokonpe tamùkke. molopai tamù'nawolon kon tùulon kon we'wotokoma yakon non Katù kaletayi, wema'nàtok yapon yau itesek nai'nannùk.

Jude 1:24

Mùkkàlà ewekkawai'ma kon tukaik àku'nài'nokon molopai esuken yà'làlà àli pùla enessai'nàk nokon, molopai tùutauchinpaik àtùnài'nokon wakù takkwayi yemloto pona yapulà nechii.

Revelation 13:8

Tamù'nawolon kon non po tùwemassan uya màlà yapulà, mùkyamlo kappon yamùk itesek imenukasak kon wema'nà kaletayi yau pen. Màlà kaleta màlà Kalinilu Mule iwàsak lùppù non koneka wapiya ponalok.

Revelation 17:8

Àsà ene menpàssai'nùk wechippù màlà molo, tùse molo pùla nen uchi iwechi màlà. Iiyàpù i'nauwon iteuta yapai winàkàik man molopai iità màlà tùmattanùttoppe. Kappon yamùk non po tùwemassan itesek imenukasak kon pen wema'nàtok yapon kaleta yau, non wepyattà motapai, usenumenka kulu màlà tamù'nawàlà, àsà ene yene tùuya'nokon yau. Masapùla nulà iwechippù màlà, tùse nulà pùla nen uchi iwechi, molopai ichenpoika tu'ma màlà.

Revelation 19:8

Iwepontàtoppe ikupùppù màlà wakù linen pe ewechi kuyalikku yapai ikonekasak, tùulenpansen molopai ikopposak pen pon yak.” (Wakù linen pe iwechi kuyalikku wechi màlà Katù ponalok kon kappon yamùk nùkupùppù wakù, yekamanài pe.)

Revelation 2:11

“Tàwà tùpana ke nai'nùk netai, Wakù Akkwalù uya sochi yamùk yelupatok.” “Mùkyamlo entaikan nan nùssan umatta yakon itekkwa pe weli'nàtok ke pen màlà.”

Revelation 2:7

“Tàwà tùpana ke nai'nùk Wakù Akkwalù uya Sochi yamùk yelupatok yetai. Mùkyamlo entaikannannùssan uya, nulà ku'nài kùyali yepelu nattoppe ikupù uya màlà, màlà iwattasak Katù tumà yau,” teppù ya.

Revelation 20:12

Molopai yeneppù uya iwelichak kon lùssan eke ton molopai echikili ton, ekkaichalà, satippe aponnok yemloto po. Kaleta yamùk yakkokasak wechippù, molopai tùulon kaleta yakkokasak wechippù, wema'nàtok kaletayi. Iwelichak kon ittuppù màlà tok nùkupùppù yawàlà imenukasak kaleta yamùk yau pàkàlà.

Revelation 20:15

Ànù'là itesek imenukasak pen wema'nàtok kaletayi yau, yenu'mappù màlà eke kulu apok wettulukasak yak.

Revelation 21:27

Tùse yà'làlà àli là wapùla ikopposak là wewomù pen màlà pata yak, wapùla ànù'là, kuli'manài pe nai'nùk Katù yewanma ton ku'nài molopai kasei pe tùwessen. Tùse mùkyamlo neken, itesek imenukasak kon Kalinilu Mule kaletayi wema'nàtok kaletayi yau wewomù màlà pata yak.

Revelation 22:19

Molopai ànù'là uya yà'làlà mokkasak sàlà Katù Maimu yenpoikannan maimu sàlà kaleta yapai yau, Katù uya wema'nàtok yek yepelu pùkkù pe iwettok, molopai Wakù Pata pùkkù pe iwettok mokka màlà, yekamasak lùppù sàlà kaleta yau.

Revelation 3:12

Mùkkàlà entaikanàippù kupù uya màlà wakapu pe Ukatùyi yùwùk tau, molopai inàntu'ma ya pen màlà. Ukatùyi yesek menuka uya màlà ipàk, molopai Ukatùyi patassek yesek emennak Jerusalem. Màlà nùyàssai'nùk epùn yapai Ukatùyi winàpai. Emennak uyesek menuka uya nàlà màlà ipàk.

Revelation 3:4

Tùse tukkan kon pen Sardis pon kon uya tùpon kon kussak man wakù pe. Upokon pe tok usalà màlà, tùwepontàse aimu'nan yak, masapùla ikasa tùwessan yek pe tok wechi màlà.

Revelation 6:11

Tamù'nawà tok lepappù màlà aimu'nan pon ke. Molopai tok pàk yekamappù tok wàlàkkattoppe malalà tu'ma, tamù'nawolon kon tok tonpa lùssan molopai apyoto ton nùssan tùwàsan pe tùwessan, tùkka, tok tùkkappù kasa ponalà.”