Revelation 3:21 - Patamuna New Testament Revised

²¹ Mùkyamlo àli yentaikannan nùssan kupù uya màlà upyau tok weleuta toppe uyapon po. Àli yentaikasak uya molopai sàlà pe weleutasak Ukàipùnù piyau yapon po kasa làma.

Revelation 3:21 ပူးပေါင်းရင်းမြစ်များ

Matthew 19:28

Jesus uya tok pàk, “Ailon kulu sàlà, Kàyik Mumu wechi chichiu pe wakù tapon po emennak pata weyu yattai yau, amyamlo 12 pan kon unenupassan wechi nàlà màlà chichiu pe aponnok yamùk po, 12 pan kon Israel mumu yamùk munkà yamùk ittutoppe auya'nokon.

Matthew 25:21

‘Wakù kussak auya man, wakù molopai ailon uyapyoto! Ailon pe ewessak man malalon nùkkwà pùlayatta pilipù pàk, màlàpàk àtùlù uya màlà eke yesappe ewechi pa. Àikkà utauchinpa tonpa pe ewechi pa!’ teppù itepulu uya.

Matthew 28:18

Jesus uyàpùppù màlà mei pùla molopai tok pàk, “Ulepasak man tamù'nawolon apàikkek ke epùn yau molopai non po.

Luke 22:30

Auta'lettà kon molopai àwukukon inchi auya'nokon màlà Itepulu pe wettok patassek yau, molopai aponnok yamùk po ewechi kon màlà 12 pan kon Israel kok yamùk ittu kon pa,” teppù Jesus uya.

John 13:32

Katù yapulàtok usenpoikasak yai yau, Katù uya nàlà màlà tùmu yapulàtok yenpoika tùmàlà yau. Molopai tewinanpa ikupù ya màlà.

John 16:33

Sàlà yamùk yekamappù uya màlà àpàkù'nokon, àwàlàkatok kon yesappe ewechi kon pa uyau. Sàlà wolù yau ewettalumattà kon màlà. Tùse emeluntàtatàk kon! Wolù yentaikasak uya man,” teppù Jesus uya.

2 Timothy 2:12

yà'làlà pàlika pàk we'nà'nokon iponalok pe yau, itepulu pe nàlà we'nà'nokon màlà ipokonpe. ‘Ittunài pen Iulà,’ te'nokon yau, ‘Eyittunài pen Iulà,’ te ya nàlà màlà.

Revelation 1:6

Molopai kùkonekasak kon ya màlà pata yepulu pe tùkàipùnù ponaloppe, molopai tùkatùyi ponaloppe molopai paatele yamùk pe nàlà. Jesus Christ ponalok peichi namantok molopai apulàntok molopai meluntà nechii tàwàlàlà molopai tàwàlàlà. Emen.

Revelation 12:11

“Tok uya yentaikasak man Kalinilu Mule mùnù winà, molopai ailon tùnekamappù kon Katù yekale winà, tok uya tùwemattok kon pùnùmappù pen màlàpàk tùwelikù kon pàk tok usenalippa pùla iwechippù.

Revelation 17:14

Tok wepanta'ma màlà Kalinilu Mule winàkàik, tùse Kalinilu Mule molopai inkà'massan, inanùmùssan molopai ailon pe iwessak kon ya'lon kon uya tok yentaika màlà, masapùla itepulu yamùk Yepulu mùkkàlà molopai kin yamùk Kinù,” teppù ya.

Revelation 2:7

“Tàwà tùpana ke nai'nùk Wakù Akkwalù uya Sochi yamùk yelupatok yetai. Mùkyamlo entaikannannùssan uya, nulà ku'nài kùyali yepelu nattoppe ikupù uya màlà, màlà iwattasak Katù tumà yau,” teppù ya.

Revelation 20:4

Màlàyau aponnok yamùk yeneppù uya, molopai mùkyamlo chichiu pe ipo tùwessan, tok lepasak wechippù meluntà ke ittuntoppe tok uya. I'mùlùkàssak kon yakkwalùppù yamùk yeneppù uya màlà masapùla ailon Jesus nenpoikappù molopai Katù Maimu yekamasak tok uya pàk. Àsà ene wapùla ikasa ikonekasak yapulànnanùssan pe pùla tok wechippù màlà wapùla àsà ene uya pattàntok yeposak tok uya pùla iwechippù tùpeyeppà kon pàk wapùla temyatù kon pàk. Tok wemapùppù molopai kin yamùk pe tok wechippù Christ pokonpe 1000 pe kilichimochi.

Revelation 20:6

Tùutauchinpasan molopai esukenan kon mùkyamlo wapiyalok weli'nàsak wuluukatok pùkkù pe tùwessan. Yakon itekkwa pe weli'nàtok meluntàlù pùla iwechi màlà tok yepoi, paatele yamùk pe tok wechi màlà Katù ponaloppe molopai Christ ponaloppe nàlà. Molopai tok wechi itepulu pe màlà ipokonpe 1000 pe kilichimochi.

Revelation 5:10

Katù wettok itepulu pe yau, paatele yamùk pe tok kussak auya man, Katù ponaloppe tok we'wotokomatoppe, molopai non po itepulu pe tok wechi màlà,” tukaik.

Revelation 6:2

Uyenu tùlùppù uya, màlàyau aimu'nan kawale wechippù molo. Ipo tùwessen uya ulapa yachippù, molopai alok ke ilepasak wechippù. Entaikantok yau iitàppù màlà entaikanse tùmeluntàlù ke.

Revelation 7:17

Masapùla Kalinilu Mule aponnok yakkletau nai'nùk, wechi nen uchi màlà yesappe, molopai tuna tàwàlàlà tùwemassen, tùwa'munasen pen motak tok yalà ya màlà. Molopai Katù uya tamù'nawàlà tok yenu palu ya'munakka màlà tok yenu poi,” tukaik.