Revelation 3:18 - Patamuna New Testament Revised

¹⁸ Eyekamappoyan Iulà, Kolù ye'ma pa uwinàpai, apok ke tùpottàik ikonekasak kolù, temamin ke ewechi pa. Aimu'nan pon nàlà ye'makà ewepontà pa yak, molopai eyesak iwapu pùn kuli'manài iwaputtàkà. En yipik nàlà ye'makà eyenu yipippe, wakù pe pata yene pa.

Revelation 3:18 ပူးပေါင်းရင်းမြစ်များ

Matthew 13:44

“Sàlà kasaichi Itepulu pe we'nàtok epùn po wechi màlà. Wakù mamin yonansak umà yau kasa. Kàyik uya là yepolo, màlàyau iwaputtà tu'ma ya. Tùutauchinpase kulu tùutàsen mùkkàlà tamù'nawolon itesappe tùwettok chilanmase, molopai nen uchi tùwennapposen molopai umà ye'manài,” teppù Jesus uya.

Matthew 25:9

‘Kane, ina ponaloppe neken nen man molopai àponalok kon woton kulu pùla. Itàtàk kon eyiwalà'nokon ichilanma yùwùk tak ye'mase,’ teppù pukkek ton uya.

Luke 12:21

“Sàlà kasaichi mùkyamlo sàlà motau mamin pilichai'nan nùk tùponalok kon pe wechi màlà, Katù yenu yau itemamin pùla,” teppù Jesus uya.

2 Corinthians 5:3

Masapùla wepontànsak kù'nokon yau, ipon pùla kùyepolo kon pen màlà.

2 Corinthians 8:9

Masapùla mùttuyatàik wakù kùyepulu Jesus Christ nùkupùppù tamù'nawolon yesappe lànen tùwechi tùse, àpàkànsau'nokon yà'làlà pùla iwenappù, yà'là pùla iwenatok winà nen uchi tamù'nawolon yesappe ewena kon pa.

1 Timothy 6:18

Wakù kuttoppe tok uya yekamakà, eke pe tùutauchinpaik tok wettoppe tùnkupù kon yau, alikyek pe tùwe'lepaik tok wettoppe ànù'là pokonpe.

James 2:5

Yetatàk kon, utonpa yamùk! Katù uya entuppa'nokon, yà'là pùnon kappon yamùk sàlà wolù yawon kon yanùnsak màlà eke pe ailon tetok yesappe tùwessan pe molopai Katù wettok itepulu pe yesappe tok wettoppe itùlù tùuya tù'nùnmannan yemyak teppù ya lùppù.

1 Peter 1:7

Sàlà màlà meluntà pe ailon tetok auya'nokon wechi ittunài. Kolù, tùumattasen pe lànen nai'nùk màlà ittusak lùppù apok ke; màlàpàk uchi ailon tetok auya'nokon, wakù kolù yentai nai'nùk, ittu nàlà màlà meluntà pe iwettoppe. Màlàyau apulàntok wakù pe itekale we'nàtok molopai namantok yepolo auya'nokon màlà màlà Wei yattai Jesus Christ usenpoikasak yau.

Revelation 16:15

“Yentàk kon! Uyàssaik amak kasa! Tùutauchinpasen mùkkàlà kappon tùwe'nùnsen pen molopai tùpon mainanpanài, ipon pùla tùusalà molopai tùwekuli'ma ayupo kappon yamùk yemloto po tukaik!” teppù ya nàlà.

Revelation 19:8

Iwepontàtoppe ikupùppù màlà wakù linen pe ewechi kuyalikku yapai ikonekasak, tùulenpansen molopai ikopposak pen pon yak.” (Wakù linen pe iwechi kuyalikku wechi màlà Katù ponalok kon kappon yamùk nùkupùppù wakù, yekamanài pe.)

Revelation 2:9

Atalumattàtok molopai entuppak ewechi tùttuyaik. Tùse itemaminkek kulu àmàlà. Àli ton uselupantok kon ewinàkàik tùttuyaik Jew yamùk pe tùusesassan winà tùse Jew yamùk pe pùla echii'ma. Settan ponalok kon mùkyamlo.”

Revelation 3:17

‘Tukkan, itemamin Iulà, molopai italumayippù pen, tamù'nawàlà iche wettok yesak,’ te là auya. Tùse entuppak sa'ne ewechi ittu auya pùla man! Yà'là pùla italumayippù pe messaik, ipon pùla molopai enpùla.

Revelation 4:4

Sàlà aponnok woi 24 pe tùulon kon aponnok yamùk wechippù. Màlà yamùk po 24 pan kon eke ton tùnamasan wechippù chichiu pe. Tok wepontàsak aimu'nan yak, molopai kolù alok yau'ne tok wechippù.

Revelation 7:13

Eke ton tùnamasan tonpa uya uyekamappoppù, “Ànùkyan ken mùkyamlo kappon yamùk, iwepontàsak nai'nannùk aimu'nan pon yak, molopai i'nailà pai ken iyàssak kon mùkyamlo?” tukaik.