Revelation 3:17 - Patamuna New Testament Revised

¹⁷ ‘Tukkan, itemamin Iulà, molopai italumayippù pen, tamù'nawàlà iche wettok yesak,’ te là auya. Tùse entuppak sa'ne ewechi ittu auya pùla man! Yà'là pùla italumayippù pe messaik, ipon pùla molopai enpùla.

Revelation 3:17 ပူးပေါင်းရင်းမြစ်များ

Matthew 5:3

“Tùutauchinpasan mùkyamlo italumayippù pe tùwechi kon tewan kon yau ittunnan. Tok yepulu pe Katù wechi màlà!

Matthew 9:12

Jesus uya tok yetappù màlà molopai tok yeikuppù ya, “Kappon yamùk pàli'yawon kon mùkyamlo ipittànài iche tùwessan pen, tùse mùkyamlo e'neppe tùwessan neken.

Luke 1:53

Iwan ton yewetùppù ya wakù ton ke molopai tukkan itemamin ton yeunokoppù ya itemyawon pùla.

Luke 6:24

“Tùse àsà àpo'nokon man, amyamlo, italumayippù pe pùla temamin ke nai'nan nùk sàlà pe, masapùla wakù pe talà ewemassak kon pàk!

Romans 11:20

Sàlà màlà ailon. Iitakitukkappù màlà masapùla ailon te tok uya pùla iwechi pàk, molo lùppù apatassek kon yau ewechi kon tùse ailon tesak auya'nokon pàk. Tùse katapulàtàu, tùse esenalippatàk kon làkkù.

Romans 11:25

Tùttusen pen ailon molo man, utonpa yamùk, ittu auya'nokon iche wettok. Pukkeppe ewechi kon pe yekama auya'nokon tukaik àkupù kon ya màlà. Sàlà uchi màlà kappon yamùk Israel pon kon wettok sa'man pe itewan wechi tàwàlà tùwessen pe pùla. Tùse iche we'nàtok kaichalà Jew yamùk pen kùlottapai wessepolo Katù piyak ponalà neken iwechi.

Romans 12:3

Masapùla Katù uya ulepatok wakù pàkànsau eyelupa kon uya sàlà. Ànù'là yentai ewechi kon pe kùsekamatàu. Tùse esenumenkatàk kon kulu molopai echittutàk kon esentàk ailon tetok auya'nokon Katù uya elepappù kon ike yawàlà.

Romans 7:24

Tùusewankono'masen sa'ne Iulà kappon! Ànùk uya ken upùikattà sàlà uyesak uyayai'nùk weli'nàtok yak winàpai?

2 Peter 1:9

Tùse sàlà yamùk pùla nai'nùk wechi màlà enpùla molopai mei yene ya pùla, molopai àli tùnkupùssan kukappù puttàka'nùssak ya.

Revelation 16:15

“Yentàk kon! Uyàssaik amak kasa! Tùutauchinpasen mùkkàlà kappon tùwe'nùnsen pen molopai tùpon mainanpanài, ipon pùla tùusalà molopai tùwekuli'ma ayupo kappon yamùk yemloto po tukaik!” teppù ya nàlà.

Revelation 2:9

Atalumattàtok molopai entuppak ewechi tùttuyaik. Tùse itemaminkek kulu àmàlà. Àli ton uselupantok kon ewinàkàik tùttuyaik Jew yamùk pe tùusesassan winà tùse Jew yamùk pe pùla echii'ma. Settan ponalok kon mùkyamlo.”

Revelation 3:16

Tùse masapùla tùkuile, a'neppe pùla wapùla i'nàkken pùla ewechi pàk, untapai eyikkwamù pàk wekkussaik.