Revelation 3:10 - Patamuna New Testament Revised

¹⁰ Umaimu yawàlà ewessak man pàlikanài pe. Màlàpàk wakù pe nàlà àkupù uya màlà talumattàntok yattai. Nùyàssai'nùk tamù'nawolon non pona tamù'nawà kappon yamùk sàlà non pon kon ittuse.

Revelation 3:10 ပူးပေါင်းရင်းမြစ်များ

Matthew 24:14

Molopai sàlà Wakù Itekale itepulu pe we'nàtok yekale yekama màlà tamù'nawàlà wolù yawàlà pata yamùk yawolon kon pàk, molopai nen uchi iwenukatok uyàpù màlà,” teppù Jesus uya.

Matthew 26:41

“Enpen ettàk, molopai àpùlematàk kon ittuntok yak àutà kon tukaik. Akkwalù ànkuppai man tùse pun attu'mùla man,” teppù ya.

Matthew 6:13

Ina kùsettùtak sa'man ittuntok yak, tùse Ene Makui winàpai làkku ina ikukkà, Masapùla àponalok màlà itepulu pe we'nàtok epùn po, molopai apàikkek, molopai apulàntok tàwàlàlà. Emen, tukaik, teppù Jesus uya.

Mark 14:9

Ailon kulu sàlà, mailàlà Wakù Itekale usekama sàlà wolù yawàlà yau, inkupùppù nàlà usekama màlà. Màlà pàkàlà kappon yamùk usenumenka màlà nossan pàk,” teppù.

Luke 2:1

Màlà yattai Ceasar Augustus uya tùmaimu yeunokoppù màlà tamù'nawolon kon uya tesek kon menuka toppe.

John 17:6

“Eyenpoikasak uya man mùkyamlo wolù yapai ulepatok kon auya yemyak. Àponalok pe tok wechippù màlà, molopai tok ke ulepappù auya. Molopai amaimu yawàlà tok wessak man.

Romans 1:8

Wapiya, tenki tawon Iulà ukàipùnù Katù pàk Jesus Christ yai, tamù'nawàlà àpàkànsau'nokon. Masapùla tamù'nawolon kon wolù yawon kon kappon yamùk uya ailon tetok auya'nokon yekale yetasak pàk.

1 Corinthians 10:13

Tamù'nawolon ittuntok ewinàkàik nùyàssai'nùk màlà tuulon kon kappon yamùk winàkàik tùuyàssen yekkwa. Tùse Katù mùkkàlà ikupù tùuya teppù tùuya lùppù ku'nài. Molopai emeluntàlù yentai kulu là eyittutok uyàttoppe àpona ikupù ya pen màlà. Molopai i'nai kasa là eyittutok yamùk winàpai ewepetok yawà woton yekama ya màlà.

Ephesians 6:13

Màlàpàk uchi Katù winàpaino tamù'nawàlà wepanta'man pon yanùntàk kon sàlà pe! Molopai nen uchi àli weyu uyàpù yau, eyeyaton kon uya panta'mantok yentaika kon pa. Molopai ewepanta'ma kon iwenukapù ponalà tùpo, meluntà pe lùppù ewechi kon pa.

2 Timothy 2:12

yà'làlà pàlika pàk we'nà'nokon iponalok pe yau, itepulu pe nàlà we'nà'nokon màlà ipokonpe. ‘Ittunài pen Iulà,’ te'nokon yau, ‘Eyittunài pen Iulà,’ te ya nàlà màlà.

James 3:12

Utonpa yamùk, fig yek ken na' tùwepetasen Olive pe? Wapùla chi'nak ken na' tùwepetasen fig pe? Kane ku! Màlà tùse pùla ine'nek tuna, molopai ine'nek pen tuna tùuyàssen pen màlà lùppù tuna yen yapai.

1 Peter 4:12

Utonpa yamùk, kesenumenkatàu àsà ituntok mettalumattà yatài'nùk ipàkànsau pàk, yà'làlà tùwekkussen pen wekkupù kasa àpàkù'nokon.

2 Peter 2:9

Màlàpàk Itepulu Jesus mùkkàlà i'nai kasa Katù pùnùnmannan pùikattàtok tùuya tok wettalumattàtok winàpai ittunài, molopai i'nai kasa àli ton kuttok tùuya wettalumattàntok yo'no ittunài Ittuntok Weyu ponalà,

Revelation 1:9

Iulà mùkkàlà John, àtonpa kon, molopai Jesus ponalok Iulà àpokon pan kon, wettalumattàntok yau molopai pàlikantok yau itepulu pe iwettok yau. Pata lùkkwà tuna iwoino Patmos po wechippù màlà masapùla Katù Maimu molopai ailon Jesus nenpoikappù yekamasak uya pàk.

Revelation 11:10

Kappon yamùk non pon kon utauchinpa màlà pùsamlo asa'lon kon welichak pàk. Panappe tok wechi màlà molopai lepantok yeunoko tok uya màlà, mùklà uya tùulon piyak tukaik, masapùla mùkyamlo Katù Maimu yenpoikannan uya eke pe kulu wettalumattàntok nessak non pon kon kappon yamùk pona pàk.

Revelation 13:10

Ànù'là achintok tak tùutàsen yek utà màlà achintok yak. Ànù'là asa'lon yà kasupala ke tùwàsen yeppe nai'nùk wànà màlà asa'lon yà kasupala ke. Sàlà màlà pàlikantok molopai ailon tetok iche tùwessen Katù ponalok kon kappon yamùk pona,” teppù ya.

Revelation 13:14

Tamù'nawolon kon kappon yamùk non po tùwemassan yennakappù ya tensen yekkwa pen kuttok tùuya winà, tùlepatok ikuttoppe tùuya wapiyalok àsà ene yemloto po. Pùsàlà yakon àsà ene uya tamù'nawolon kon kappon yamùk non pon kon pàk yekamappù, wapiyalok àsà ene kasa ikonekatoppe tok uya, yapulà pe mùkkàlà iwàsak lùppù asa'lon yà kasupala ke tùse iwennasak lùppù.

Revelation 13:8

Tamù'nawolon kon non po tùwemassan uya màlà yapulà, mùkyamlo kappon yamùk itesek imenukasak kon wema'nà kaletayi yau pen. Màlà kaleta màlà Kalinilu Mule iwàsak lùppù non koneka wapiya ponalok.

Revelation 14:12

Sàlà màlà pàlikantok iche tùwessen Katù ponalok kon kappon yamùk ponaloppe, mùkyamlo Katù uya enupantok maimu yawàlà tùwessan molopai ailon pe tùwessan Jesus pàk.

Revelation 14:6

Màlàyau tùulon inchelù wainùnsak kau kak yau yeneppù uya. Tàwàlàlà tùwemassen Wakù Itekale yesappe. Inekama non pon kon kappon yamùk pàk, tamù'nawolon kappon yamùk pata yamùk yawolon kon, pata kok molopai tùpatalo'nan mayin yamùk molopai kappon yamùk pàk.

Revelation 16:14

Mùkyamlo wechippù màlà makui yakkwalù yamùk tensen pen ku'nàinan pe. Pùsamlo àsolùwawon kon àli akkwalù yamùk mùkyamlo tùutàsan tamù'nawolon kon kin yamùk non pon kon piyak, tok nesse tamùkke wepanta'mantok ponaloppe Eke wei, tewinan Katù, Mùkkàlà neken Meluntà weyu yattai.

Revelation 17:2

Non pon kon kin yamùk uya àli kupùppù tùwekumase mùkkàlà eke nossan kàyik yamùk yemyak tùwechilanmasen pokonpe, molopai non pon kon kappon yamùk wetùmùppù, màlà wain kàyik yamùk pokonpe iwettok yeuku tinchise,” teppù ya.

Revelation 17:8

Àsà ene menpàssai'nùk wechippù màlà molo, tùse molo pùla nen uchi iwechi màlà. Iiyàpù i'nauwon iteuta yapai winàkàik man molopai iità màlà tùmattanùttoppe. Kappon yamùk non po tùwemassan itesek imenukasak kon pen wema'nàtok yapon kaleta yau, non wepyattà motapai, usenumenka kulu màlà tamù'nawàlà, àsà ene yene tùuya'nokon yau. Masapùla nulà iwechippù màlà, tùse nulà pùla nen uchi iwechi, molopai ichenpoika tu'ma màlà.

Revelation 2:10

“Yà'làlà ewettalumattàtok ike woton pàk kesenalippai! Masa yetakà! Makui uya eyittu màlà àtonpa yamùk tùlù tùuya patikichi tak winà 10 pe wei màlà ewettalumattà. Ailon pe mechiik, ewelikù ponalà, molopai wema'nàtok yalùko ke elepa uya màlà.

Revelation 3:8

Ànkupù tùttuyaik. Manatta yakkokasak uya man eyemloto po, ànù'là uya yakkolo yentai. Emeluntàlù wechi mala lùkkwà tùse enupantok uya kupùppù auya molopai ailon pe ewechippù upàk.

Revelation 6:10

Eke pe tok wentaimeppù, “Meluntà Itepulu Katù, wakù kulu esukenan molopai ailon! Yà'là yattai ken kappon yamùk sàlà non pon kon ittu auya molopai tok talumattà auya ina wàsak tok uya pàk?” tukaik.

Revelation 8:13

Màlàyau uyenu tùlùppù uya, molopai umuchimà wainùnsak kau, màlà wentaime yetappù uya eke pe, “Entuppak man! Entuppak talumattàntok wechi màlà molo! Àsà pe kulu iwechi kupù pe man mùkyamlo tamù'nawolon kon tùwemassan non po pona, mùkyamlo tùulon kon àsolùwawon kon inchelù yamùk uya paka letù walai tùwayi kon tàulùnpa yau!” tukaik.