Revelation 3:1 - Patamuna New Testament Revised

¹ “ Sardis pon Sochi inchelùyi piyak sàlà imenukakà: “Sàlàichi màlà itekale mùkkàlà 7 pan akkwalù yamùk Katù winàpaino molopai 7 pan chilùkà yamùk yesak winàpaino. Ànkupù tùttuyaik, nulà kappon yamùk uya eyittu tùse, ewelichak man.”

Revelation 3:1 ပူးပေါင်းရင်းမြစ်များ

Luke 15:24

Masapùla pùsàlà umu welichak wechippù màlà, tùse nen uchi sàlà pe pàli'yau man. Iitassak wechippù màlà tùse iwesseposak man!’ teppù ikàipùnù uya. Màlà yau nen uchi tok wessa'molùkappù màlà tùuta'lettà kon pàk.

Luke 15:32

Tùse uta'lettàn uchi sàlà molopai utauchinpan. Masapùla ayakon welichak wechippù màlà, tùse nen uchi sàlà pe pàli'yau man. Iitassak wechippù màlà tùse sàlà pe iwesseposak man,’ teppù ya,” teppù Jesus uya.

John 1:16

Eke pe kulu wakù pe iwettok winà, tamù'nawàlà pùlemantok yepoloppù' nokon man esse'mappù pàk.

John 1:33

Mùkkàlà pe ittu uya pùla tùse, tuna ke enpataukantoppe uya uyeuno'nàippù uya upàk, ‘Akkwalù uttà yene auya màlà kàyik pona molopai molo ipo iwechi, mùkkàlàichi mùkkàlà Wakù Akkwalù ke enpataukanài,’ teppù.

John 20:22

Wa te kapù tùpo, iwe'netukkappù tok pona, molopai tok pàk, “Wakù Akkwalù yepotàk kon,” teppù ya.

John 3:34

Mùkkàlà Katù neunokoppù uya màlà Katù Maimu yekama, masapùla ipùkkù pùn Wakù Akkwalù ke Katù uya ilepasak màlà.

Yeunossak kon Wotokoyi 2:33

Iwuluukappù màlà kamik pen Katù yemyatù yak. Molopai Wakù Akkwalù yanùmùppù ya iwinàpai. Sàlà pe menyatài'nùk molopai metayatài'nùk màlà ilepatok ya eke pe.

Ephesians 2:1

Pena ewelichak kon wechippù màlà, Katù Maimu yawàlà pùla ewettok kon molopai amakuyi kon pàkàlà.

Ephesians 2:5

Weli'nàsak wechippù mayin yawàlà pùla we'nàtok yau tùse kùnepùppù ya màlà nulà we'nàtok yak Christ wuluuka tùuya winà. Katù wettok wakù pe winà mà ewepùikattàsak kon màlà tà.

Colossians 2:13

Ewelichak kon wechippù màlà masapùla tùmakuyi ke ewechi kon pàk, molopai Katù ponalok kon pe pùla ewechi kon pàk. Tùse Katù uya pàli'yau amasak kon màlà Christ pokonpe! Katù usentupasak màlà tamù'nawolon kùmakuyi kon pàk.

1 Timothy 5:6

Tùse mùkkàlà itayappù iwelichak lùppù iche tùwettok kasa tùwemassen, welikkassak màlà, nulà lànen tùse.

James 2:26

Màlàpàk kappon, yakkwalù pùn, wechi ekek pe, kasa làma nàlà ailon tetok wechi màlà nulù pùla, iwelaikatok pùla iwechi yau.

1 Peter 1:11

Tok wechippù yà'là yattai iweyu wechi ittuiche molopai atta iyàpù ittuiche. Masapùla Wakù Akkwalù Christ winàpaino wechi tok yau uya sàlà yekamappù, wettalumattàntok Christ nùpàlika woton yekama tùuya'nokon yau, molopai yapulàtok ite'mappù pàk tùuyàssen.

Jude 1:12

Pùsamlo ku mùkyamlo echitonpa pe tamùkke tùwepiliche auta'letàtok kon yau, kuli'manài nan tùuta'letà kon yau. Tùpàkù'nokon neken tùusenumenkasan. Assetun uya katuppluk yalà konok pùla walainon mùkyamlo. Yei itepelu pùnon walainon mùkyamlo kùyali yemeikatok yattai; yei yamùk ikalakasak kon molopai iwaipùtakassak walai non.

Revelation 1:11

“Enene imenukakà, molopai kaleta yeunokkà 7 pan pata yamùk yawon kon sochi yamùk piyak: Ephesus, Smyrna, Pergamum, Thyatira, Sardis, Philadelphia molopai Laodicea pon kon yemyak,” teppù ya.

Revelation 1:16

7 pan chilùkà yamùk yachippù ya kamik pen temyatù yau, molopai yàkek asa'lon yà kasupala wepakkappù intapai. Itenpata wechippù màlà akkwa pe inakatapailà wei wechi yakkwayi kasa.

Revelation 1:20

“7 pan chilùkà yamùk kamik pen uyemyatù yau menyai'nùk molopai 7 pan kolù yapai ikonekasak lanppu yapon nekama màlà sà tonantau nai'nùk. 7 pan kon chilùkà yamùk mùkyamlo inchelù yamùk 7 pan sochi yamùk inchelùyi yamùk, molopai 7 pan kolù yapai ikonekasak lanppu yapon yamùk màlà 7pan sochi yamùk,” teppù ya nàlà.

Revelation 1:4

John winàpaino 7 pan sochi yamùk pata Asia yawolon kon piyak: Tàwà wakù Katù nùkupù molopai echitonpa pe we'nàtok Katù winàpaino apyau'nokon nechii. Mùkkàlà sàlà pe nai'nùk, iwechippù nai'nùk molopai tùuyàpù woton pe nai'nùk winàpaino apyau'nokon nechii, molopai 7 pan kon akkwalù yamùk Katù yapon yemloto po tùwessan winàpaino.

Revelation 2:13

“Ewemattok yau tùttuyaik, molo Settan yapon wettok imotau. Ailon pe lùppù messaik uyesek pàk, molopai ailon tetok auya upàk nonka auya pùn, Antipas yattai, ailon kulu upàk tùuselupasen iwàsak lùppù apata yau, molo Settan wemattok motau.

Revelation 2:19

“Ànkupù tùttuyaik. Pùnùnmantok auya, ailon tetok auya, ewe'wotokomatok molopai pàlikanài pe ewettok. Wakù peiwa ikupù auya tùttuyaik sàlà pe wapiya ikupùppù auya yentai lùiwa.

Revelation 2:2

“Ànkupùppù tùttuyaik sa'man pe ewe'wotokomappù molopai pàlikanài pe ewechippù. Àliton kappon yamùk pàlika auya pùla iwechi tùttuyaik. Molopai mùkyamlo tùusesassan yeunossak kon pe yeunossak kon pe pùla echii'ma ittuppù auya. Kasei pe tok wechi ittuppù auya.

Revelation 2:9

Atalumattàtok molopai entuppak ewechi tùttuyaik. Tùse itemaminkek kulu àmàlà. Àli ton uselupantok kon ewinàkàik tùttuyaik Jew yamùk pe tùusesassan winà tùse Jew yamùk pe pùla echii'ma. Settan ponalok kon mùkyamlo.”

Revelation 3:15

“Ànkupùppù tùttuyaik. A'neppe pùla molopai i'nàkken pùla ewechi. A'neppe wapùla i'nàkken eyiche wechi eppai tùse!

Revelation 3:2

“Màlàpàk uchi apakakà, molopai iwà'nànsak lùppù ayau imeluntàtanùkkà iwelikkapù wapiya. Masapùla yeposak uya man ànkupùppù wechi wakù pe kulu pùla Ukatùyi yenu yau.

Revelation 3:8

Ànkupù tùttuyaik. Manatta yakkokasak uya man eyemloto po, ànù'là uya yakkolo yentai. Emeluntàlù wechi mala lùkkwà tùse enupantok uya kupùppù auya molopai ailon pe ewechippù upàk.

Revelation 4:5

Aponnok winàpai pata wekamlipù yakkwayi uyàpùppù màlà, wala'napi wettoippàtùppù, molopai mayin yamùk usetàppù. 7 pan lanppu yamùk pottàsak uyatùppù aponnok yemloto po, sàlà wechippù màlà 7 pan kon akkwalù yamùk Katù winàpaino kon pe.

Revelation 5:6

Màlàyau Kalinilu Mule yeneppù uya màlà satippe aponnok yakkletau, asakùlà'nan kon nulànan kon ànùkyan nànan molopai eke ton tùnamasan wechippù iwoi. Kalinilu Mule useneppù iwàsa'lùppù kasa. 7 pe iletù wechippù, molopai 7 pe itenu, sàlà yamùk wechippù màlà 7 pan kon akkwalù yamùk Katù winàpaino pe yeunossak kon nùssan tamù'nawolon non pona.