Revelation 22:6 - Patamuna New Testament Revised

⁶ Màlàyau inchelù uya upàk, “Sàlà mayin yamùk màlà ailon molopai ailon tetok ipàk. Molopai Itepulu Katù, mùkkàlà Takkwalù tùnài tùmaimu yenpoikannan piyak uya tùyinchelùyi yeunokoppù tapyoto yamùk pàk sàlà pe'ne là tùwekkupù woton yekamase,” teppù.

Revelation 22:6 ပူးပေါင်းရင်းမြစ်များ

Matthew 13:41

Kàyik Mumu uya tùyinchelùyi yamùk yeunoko màlà, molopai tok uya itepulu pe iwettok yapai tamù'nawolon kon kappon yamùk wemakuimatoppe tok ku'nài nan pilipù màlà, molopai tamù'nawolon kon àli ku'nài nan.

Luke 1:70

Wa teppù tùuya kasa penalok kon wakù ton tùmaimu yenpoikannan winà.

Luke 16:16

“ Law molopai Katù Maimu yenpoikannan nùmenukappù lùssan wechippù màlà tapulàsan pe John Enapataukanài wessepolo ponalà. Màlà motapai nen uchi Wakù Itekale Katù wettok itepulu pe yekama man, molopai tamù'nawolon kon nettùyan Katù yemyak tùuseka'nonkaik.

Yeunossak kon Wotokoyi 12:11

Màlàyau Peter uya iwekkussak lùppù tùpàk ittuppù, molopai, “Tùttuyaik nen uchi, Katù uya tùyinchelùyi yeunossak, molopai Herod meluntàlù winàpai umokkasak ya, molopai tamù'nawolon Jew yamùk wettok ànkuppai winàpai,” teppù ya.

Yeunossak kon Wotokoyi 3:18

Katù uya pùsàlà tùneunokoppù wettalumattàtok woton yekamappù màlà pena tùmaimu yenpoikannan winà. Molopai ailon pe màlà kasa iwekkuttoppe ikupùppù ya.

Romans 1:2

Wakù Itekale tùlù uya màlà teppù màlà pena Katù uya tùmaimu yenpoikannan yai, molopai imenukappù màlà Wakù Katù Maimu yau.

1 Corinthians 14:32

Tentai pùla, ipàlikannan pe takkwalù kon ku'nài pe Katù Maimu yenpoikannan wechi màlà.

1 Corinthians 7:29

Utonpa yamùk, tokkwen pata weyu man te uya nai'nùk. Sàlà motapai tàwà tùnoppù kenan kon wemapù màlà ipla tùwechi kon kasa.

2 Thessalonians 1:7

Molopai ewettalumattàtok kon yapai ewepùikattàtok kon ke elepa kon ya màlà, molopai ina lepa ya nàlà màlà. Sàlà kupù ya màlà Itepulu Jesus usenpoika epùn poi yau. Iyàpù màlà apok ulenpansak yau meluntà ton inchelù yamùk pokonpe, Katù ittunan pen talumattàik, molopai mùkyamlo Wakù Itekale Kùyepulu kon Jesus maimu yawolon kon pen talumattàik.

Hebrews 12:9

Kappon, kùkàipùnù kon yamùk mùkyamlo kùtalumattànnan molopai tok nama kùuya'nokon màlà. Màlà yentai nen uchi kùkàipùnù kon Katù yo'no we'nà nokon nechiik, mùkkàlà kùyakwalù kon Kàipùnù yo'no molopai wema'nàtok kon pe.

2 Peter 1:21

Masapùla Katù yekale yekamasak lùppù uyàpùppù kappon yeselu neken winàpai pùla, tùse Katù Maimu yekamannannùssan yau Wakù Akkwalù wechippù; màlàpàk tok uya itekale Katù winàpai iyàssak lùppù yekamappù.

2 Peter 3:2

Pena yekamasak kon wakù ton Katù Maimu yenpoikannannùssan winà ittu auya'nokon iche wessaik, molopai Itepulu Jesus Pùikattànài wettok ikupù iche yeunossak kon nekamappù àpàkù'nokon.

Revelation 1:1

Sàlà màlà Jesus Christ nenpoikassan. Sàlà yamùk tùlùppù màlà Katù uya itemyak, tapyoto ton pàk tùwekkupù woton tachinpe kulu tùpo pùla yenpoikatoppe ya. Christ uya tùyinchelùyi yeunokoppù màlà tapyoto John piyak, sàlà yamùk yenpoikase ipàk.

Revelation 18:20

Atauchinpatàk kon, imattanùttok pàk epùn! Atauchinpatàk kon, Katù ponalok kon kappon yamùk, yeunossak kon, molopai Katù Maimu yenpoikannan! Masapùla Katù uya italumattàsak man inkupùppù àpàkù'nokon wenai!

Revelation 19:9

Màlàyau inchelù uya upàk, “Sàlà imenukakà, Tùutauchinpasan mùkyamlo ikà'masak kon, Kalinilu Mule wemali'matok yattai uta'lettàtok yak,” teppù. Molopai inchelù uya tùmaimu pùkkùttàppù, “Sàlà yamùk màlà ailon Katù Maimu,” tukaik.

Revelation 21:5

Màlàyau mùkkàlà chichiu pe tùwessen aponnok po uya, “Molopai nen uchi sàlà pe tamù'nawolon koneka uya sàlà emennappe!” “Sàlà imenukakà, masapùla sàlà mayin màlà ailon molopai ailon tetok ipàk,” teppù ya nàlà.

Revelation 21:9

7 pan kon inchelù yamùk tonpa mùkkàlà 7 pan pùsau yamùk yanùkkasak 7 pan iwenukatok talumattàntok ke, yesak uyàpùppù upyak molopai, “Àikkà, molopai Ema'non Kalinilu Mule noppù woton yekama uya màlà àpàk,” teppù ya.

Revelation 22:1

Inchelù uya nàlà yenpoikappù upàk, tuna wema'nàtok palu crystal ulenpansak kasa tùusensen, Katù yapon molopai Kalinilu Mule winàpai tùuyàssen.

Revelation 22:16

“Iulà Jesus uya, uyinchelùyi yeunossak nai'nùk sàlà yamùk yekamase àpàkù'nokon sochi yamùk tau. David pa Iulà, akkwa Ko'làmalok Kaiwonok, Iulà,” teppù Jesus uya.

Revelation 22:7

“Yetatàk kon! Uyàpù màlà tachinpe kulu tùpo pùla! Tùutauchinpasan mùkyamlo Katù Maimu yenpoikannan nekamappù sàlà kaleta yawon kon maimu yawàlà tùwessan!” nùkayan Jesus.

Revelation 4:1

Sàlà yamùk tùpo tùulon we'neppà'nàtok walai yeneppù uya, manatta utakkokasak epùn po. Molopai mayin, paka letù walai wai tàwù kasa uyelupa ya unetappù wapiya uya, “Àikkà, enukkà upyak sàlà motak molopai yekama uya màlà àpàk sàlà ye'mappùtak tùwekkupù woton,” teppù.