Revelation 21:3 - Patamuna New Testament Revised

³ Eke mayin uselupa yetappù uya aponnok winàpai, “Katù patassek nen uchi kappon yamùk piyau man! Tok pokonpe iwemapù màlà, molopai iponaloppe tok wechi màlà. Katù wechi màlà tùmàlà pe tok piyau, molopai tok Katùyi pe iwechi màlà.

Revelation 21:3 ပူးပေါင်းရင်းမြစ်များ

John 1:14

Mayin wenappù màlà kappon pe, kùklottau'nokon iwemapùppù. Ailon, wakù pe iwettok yeneppù ina uya, mùkkàlà neken tewinan yapulàtok, iyàssak lùppù tùkàipùnù winàpai wakù pe tùwettok molopai ailon pokonpe.

John 14:23

Jesus uya yeikuppù, “Ànù'là tù'nùn pe uku'nài wechi yau, enupantok uya maimu yawàlà iwechi màlà. Molopai Ukàipùnù uya tù'nùn pe ikupù màlà, molopai ina uyàpù màlà ipyak, ipyau emasse.

2 Corinthians 6:16

Atta ken tamùkke Katù yùwùk wechi ailon pen katù yamùk pokonpe? Masapùla tàwàlà tùwemassen Katù yùwùk kùmyamlo! Katù uya tùyiwalà, “Tok piyau wemapù màlà molopai tok kùlottawà wechi màlà, tok Katùyi pe wechi màlà, molopai upemonkonù pe tok wechi màlà,” teppù màlà. {Lev 26.12; Jer 32.38; Ezk 37.27}

2 Corinthians 6:18

“Àkàipùnù kon pe wechi màlà, molopai umu yamùk pe molopai uyenchi ton pe ewechi kon, te Itepulu Katù Mùkkàlà neken Meluntà uya màlà.” {Sam 7.14; 2 Sam 7.8}

1 Thessalonians 3:11

Masaichi tàwà kùkatùyi kon, Kùkàipùnù kon tùmàlà pe molopai Kùyepulu kon Jesus asanta konekai ina uyàttoppe apyakù'nokon.

Hebrews 11:16

Tùse làkku wakùiwa pata iche kulu tok wechippù sàlà non po pùla. Màlàpàk Katù wekkuli'ma pùla iwechi màlà tok Katùyi pe tesatù pàk, masapùla pata konekasak ya màlà tok ponaloppe.

Hebrews 8:10

“Sàlàichi màlà ikupù pàk wekkutok, kappon yamùk Israel pon kon pokonpe màlà yamùk wei tùpo. Law tùlù uya màlà tok usenumenkatok yak, molopai imenuka uya màlà tok yewan pàk. Tok Katùyi pe wechi màlà, molopai uponaloppe tok wechi,” te.

Hebrews 8:2

Tùwe'wotokomasen mùkkàlà Katù yùwùk tau, Tappulin Katù ponalok kulu tau. Sàlàichi màlà tapùi Itepulu namùppù, kappon namùppù pen.

Revelation 10:4

Tok uselupa pe, kaleta menuka pàk wekkupùppù. Tùse mayin uselupa epùn poi yetappù uya, “7 pan kon wala'napi yamùk nekamappù ikukkà tùttusen pe pùla, molopai kù'menukai!” tukaik.

Revelation 10:8

Màlàyau mayin iichelupa unetappù epùn poi uya uyelupa tu'mappù, “Itàkà molopai màlà yakkokasak kaleta yekkwatta inchelù satippe nai'nùk palau po molopai non po yemyapai,” tukaik.

Revelation 12:10

Màlàyau nen uchi eke mayin yetappù uya epùn po. “Sàlà pe Katù winàpaino wepùikattàntok molopai meluntà uyàssak man! Molopai Kùkatùyi wettok Itepulu pe! Molopai Kùlaik, ineunokoppù wettok apàikkeppe! Masapùla kùtonpa kon yamùk winàkàik àli pe ichelupasak kon Katù yemloto po wei kaichalà molopai ewalupà kaichalà, yenu'mappù man epùn yapai,” te ya.

Revelation 21:7

Ànù'là entaikanàippù uya sàlà yamùk wakù ton yepolo màlà uwinàpai. Ikatùyi pe wechi màlà molopai umu pe iwechi màlà.

Revelation 22:3

Yà'làlà Katù uya pa'nù'nàtok wessepotukka pen nen uchi màlà pata yau. Katù yapon molopai Kalinilu Mule yapon wechi màlà pata yau, molopai itapyoto yamùk uya yapulà màlà.

Revelation 7:15

Màlàpàk Katù yapon yemlotopo satippe tok wechi màlà nai'nùk molopai iponaloppe tok we'wotokoma weinai molopai ewalupàttau tukaik itùwùk tau. Mùkkàlà chichiu pe nai'nùk tapon po wechi tok yelasu pe màlà molo tùwechi ke.