Revelation 20:4 - Patamuna New Testament Revised

⁴ Màlàyau aponnok yamùk yeneppù uya, molopai mùkyamlo chichiu pe ipo tùwessan, tok lepasak wechippù meluntà ke ittuntoppe tok uya. I'mùlùkàssak kon yakkwalùppù yamùk yeneppù uya màlà masapùla ailon Jesus nenpoikappù molopai Katù Maimu yekamasak tok uya pàk. Àsà ene wapùla ikasa ikonekasak yapulànnanùssan pe pùla tok wechippù màlà wapùla àsà ene uya pattàntok yeposak tok uya pùla iwechippù tùpeyeppà kon pàk wapùla temyatù kon pàk. Tok wemapùppù molopai kin yamùk pe tok wechippù Christ pokonpe 1000 pe kilichimochi.

Revelation 20:4 ပူးပေါင်းရင်းမြစ်များ

Matthew 19:28

Jesus uya tok pàk, “Ailon kulu sàlà, Kàyik Mumu wechi chichiu pe wakù tapon po emennak pata weyu yattai yau, amyamlo 12 pan kon unenupassan wechi nàlà màlà chichiu pe aponnok yamùk po, 12 pan kon Israel mumu yamùk munkà yamùk ittutoppe auya'nokon.

Matthew 24:10

Màlà yattai tukkan kon uya ailon tetok tùuya'nokon upàk nonka màlà. Tùtonpa kon yeimippo tok uya màlà, molopai tok yeya'noma tok uya.

Mark 6:16

Yetasak tùuya pàk Herod uya, “John Enpataukanài mùkkàlà. Ippai yattàtoppe unkupùppù lùppù, tùse iwennappokasak màlà pàli'yau iwechi,” teppù.

Mark 6:27

Màlàyau asse'ne màlà Herod uya pata yelasu yeunokoppù, John ipaippù nesse. Patikichi tak iitàppù molopai John ippai yattàppù ya.

Mark 9:11

Tok uya Jesus yekamappoppù, “Yà'là peichi iwechi pàk Law pàk enupannan uya màlà Elijah uyàpù màlà wapiya te?” tukaik.

Luke 1:17

Katù yekale yekamanài pe iità màlà iwapiya, meluntà pe molopai apàikkek pe Katù Maimu yekamanài Elijah kasa. Papai yamùk molopai imunkà yamùk mùnappo ya màlà echippyak. Katù Maimu yawolon kon pen lattà ya màlà wakù iwalai pàk neken usenumenkantok yak. Itepulu ponalok kon kappon yamùk kupù ya màlà tok wekoneka toppe iponalok pe,” teppù ya.

Luke 14:14

Molopai àpùlema kon màlà, masapùla tok uya eye'ma yentai iwechi màlà. Eye'ma nen uchi màlà Katù uya, wakù ton kappon yamùk welichak kon wuluukasak yau,” teppù Jesus uya.

Luke 22:30

Auta'lettà kon molopai àwukukon inchi auya'nokon màlà Itepulu pe wettok patassek yau, molopai aponnok yamùk po ewechi kon màlà 12 pan kon Israel kok yamùk ittu kon pa,” teppù Jesus uya.

John 14:19

Tachin pe kulu sàlà wolù yawon kon uya uyene pen màlà. Tùse amyamlo uya màlà uyene. Masapùla wemapù pàk, ewemapù kon nàlà màlà.

Romans 11:15

Masapùla tok nulunpasak yau wolù yawon kon kappon yamùk wenappù màlà Katù pokonpe echiwechiyakonpe. Yà'là pe ken uchi iwechi tok yanùnsak yau? Iwelichak mùnappoka nulà we'nàtok yak kasaichi iwechi màlà.

Romans 8:17

Imunkà yamùk pe we'nà'nokon pàk, wakù inkupù tùponalok kon ponaloppe yesappe we'nà'nokon màlà Christ, imu, pokonpe. Masapùla Christ wettalumattàppù kasa wettalumattàn pàk alikyeppe we'nà'nokon yau, namantok nàlà yepolo màlà ipokonpe.

2 Timothy 2:12

yà'làlà pàlika pàk we'nà'nokon iponalok pe yau, itepulu pe nàlà we'nà'nokon màlà ipokonpe. ‘Ittunài pen Iulà,’ te'nokon yau, ‘Eyittunài pen Iulà,’ te ya nàlà màlà.

Revelation 1:2

John uya tamù'nawolon tùneneppù yekamasak man. Sàlàichi màlà inekamappù itekale Katù winàpaino, yenpoikasak Jesus Christ winà.

Revelation 1:9

Iulà mùkkàlà John, àtonpa kon, molopai Jesus ponalok Iulà àpokon pan kon, wettalumattàntok yau molopai pàlikantok yau itepulu pe iwettok yau. Pata lùkkwà tuna iwoino Patmos po wechippù màlà masapùla Katù Maimu molopai ailon Jesus nenpoikappù yekamasak uya pàk.

Revelation 11:11

Màlà tùpo, àsolùwau wei molopai iwemassappe inakattapailà wei wenatok yattai we'netukantok uyàpùppù màlà Katù winàpai molopai tok yak iwewomùppù. Molopai tok we'wuluukappù, tamù'nawolon kon tok yennài nan nùssan wettalipappù kulu màlà.

Revelation 11:15

Màlàyau 7 pe iku'nài inchelù uya tùwayi tàulùnpappù, molopai eke pe mayin yamùk uya epùn poi, “Itepulu pe we'nàtok non pon kon yepoi Kùyepulu kon Katù molopai ineunokoppù Christ ponaloppe nen uchi man, molopai itepulu pe iwechi màlà tàwàlàlà molopai tàwàlàlà!” teppù.

Revelation 11:3

Asa'lon kon uyekamanan yapàikketù ke tok lepa uya màlà. Tok wepontàsak wechi màlà usewankono'man yattaino pon yak, molopai Katù yekale yekama tok uya màlà 1,260 pe wei,” teppù màlà upàk.

Revelation 11:7

Tùnekama kon yekamakassak tok uya yau, àsà ene tùuyàssen i'nawon iteuta yapai uya tok panta'ma màlà. Tok yentaika ya màlà molopai tok wànà ya.

Revelation 12:11

“Tok uya yentaikasak man Kalinilu Mule mùnù winà, molopai ailon tùnekamappù kon Katù yekale winà, tok uya tùwemattok kon pùnùmappù pen màlàpàk tùwelikù kon pàk tok usenalippa pùla iwechippù.

Revelation 14:11

“Tok talumattàtok apok kelechin wechi màlà tùwenuku pàk tàwàlàlà molopai tàwàlàlà. Wàlàkka'nàtok pùla iwechi màlà weinai wapùla ewalupàttau, mùkyamlo àsà ene molopai ikasa ikonekasak yapulà pàk iwessak kon, molopai ànù'là itesek ke ipattàsak lùppù ponaloppe,” teppù ya nàlà.

Revelation 15:2

Molopai awai'nan pottolo walai palau yeneppù uya, yoi'masak apok ke. Yeneppù uya tu'ma mùkyamlo àsà ene yentaikannan nùssan molopai ikasa ikonekasak, molopai mùkkàlà itesek nonpayi itùsak lùppù yentaikannan nùssan. Satippe tok wechippù palau wanamali kasa tùusensen piyau, tewa ke'nan tùwayi kon yachi pàk tok wechippù màlà Katù uya tùlepatok kon.

Revelation 17:8

Àsà ene menpàssai'nùk wechippù màlà molo, tùse molo pùla nen uchi iwechi màlà. Iiyàpù i'nauwon iteuta yapai winàkàik man molopai iità màlà tùmattanùttoppe. Kappon yamùk non po tùwemassan itesek imenukasak kon pen wema'nàtok yapon kaleta yau, non wepyattà motapai, usenumenka kulu màlà tamù'nawàlà, àsà ene yene tùuya'nokon yau. Masapùla nulà iwechippù màlà, tùse nulà pùla nen uchi iwechi, molopai ichenpoika tu'ma màlà.

Revelation 2:26

Mùkyamlo entaikannan nùssan molopai uwotokoyi ku'nàinan nùssan iwenukapù ponalà, yemyak itepulu pe we'nàtok yapàikketù pata yamùk yepoi tùlù uya màlà.

Revelation 20:6

Tùutauchinpasan molopai esukenan kon mùkyamlo wapiyalok weli'nàsak wuluukatok pùkkù pe tùwessan. Yakon itekkwa pe weli'nàtok meluntàlù pùla iwechi màlà tok yepoi, paatele yamùk pe tok wechi màlà Katù ponaloppe molopai Christ ponaloppe nàlà. Molopai tok wechi itepulu pe màlà ipokonpe 1000 pe kilichimochi.

Revelation 22:5

Ewalupà pùla nen uchi iwechi màlà, molopai tok wechi lanppu wapùla wei yakkwayi iche pen màlà, masapùla Itepulu Katù wechi màlà tok weyu pe, molopai itepulu pe tok wechi màlà kin yamùk pe, tàwàlàlà molopai tàwàlàlà.

Revelation 3:21

Mùkyamlo àli yentaikannan nùssan kupù uya màlà upyau tok weleuta toppe uyapon po. Àli yentaikasak uya molopai sàlà pe weleutasak Ukàipùnù piyau yapon po kasa làma.

Revelation 4:4

Sàlà aponnok woi 24 pe tùulon kon aponnok yamùk wechippù. Màlà yamùk po 24 pan kon eke ton tùnamasan wechippù chichiu pe. Tok wepontàsak aimu'nan yak, molopai kolù alok yau'ne tok wechippù.

Revelation 6:9

Màlàyau Kalinilu Mule uya 5 pe iku'nài yachittok ikkwàtùppù takkokase. Altar yo'no mùkyamlo iwàsak kon nùssan yakkwalù yeneppù uya, masapùla Katù Maimu yekamasak tok uya pàk, molopai ailon pe tok wessak yekamatok tùuya'nokon yau pàk.

Revelation 7:3

Inchelù uya, “Non wapùla tuna, wapùla yei yamùk kù'mattanùttàu, kùkatùyi yapyoto ton pàk tok yentok ipàkàlà Katù winàpaino tùlù tok peyeppà pàk ponalà,” teppù.