Revelation 20:2 - Patamuna New Testament Revised

² Ulupelu, mùkkàlà penalok àkài Tepùlù, wapùla Settan yachippù ya molopai yaulonsak ya wechippù 1000 pe kilichimochi.

Revelation 20:2 ပူးပေါင်းရင်းမြစ်များ

Matthew 19:29

Molopai tamù'nawolon kon tùwùk kon nànnàinannùssan, wapùla tùlunan yamùk tùpachi ton, wapùla tùkàipùnù kon, tùsan kon, tùmunkà kon yamùk wapùla tù'mà kon nànnàinannùssan upàkànsau uya, 100 pe itekkwa yepolo màlà molopai tàwàlàlà wema'nàtok yepolo ya.

Matthew 8:29

Asse'ne kulu tok wentaimeppù, “Yà'là pe ina wechi iche messan, Katù Mumu? Ina talumattàse na' àuyàssak màlà ina weyu wapiya?” tukaik.

Mark 4:15

Tùulon kon nà kapon yamùk wechi màlà kùyali yek asanta yena polo iwessolokasak kasa Katù Maimu yetasak tok uya pe Settan, uyàpù màlà asse'ne Katù Maimu mokkase tok yewan yapai.

Mark 5:7

Màlàyau iwentaimeppù eke pe, “Jesus, Àmàlà Eke Katù Mumu! Yà'là pe ken ukupù auya màlà? Katù ponaloppe tàwà eyekamappo uya sàlà, kùtalumattài!” tukaik.

John 12:31

Sàlàichi màlà sàlà wolù yawon kon kappon yamùk ittutok weyu. Molopai sàlà peichi sàlà wolù yepulu yenpakka màlà,” teppù.

John 16:11

Tok usenumenkatok ikasa pùla man talumattàntok pàk, masapùla sàlà wolù yepulu talumattàsak pàk.

Romans 16:20

Molopai Katù, echitonpa pe we'nàtok yesak uya sàlà peiwa Settan yamokklopù màlà atta kon yo'no. Wakù pe we'nàtok kùyepulu Chisek winàpaino wechi apyau'nokon màlà.

Hebrews 2:14

Kùmyamlo kappon yamùk wechi màlà tùpun ke molopai tùmùnù ke, màlàpàk Jesus wenappù nàlà màlà kùkasa'nokon. Iwelikùppù màlà Makui mattanùttoppe tùuya, mùkkàlà, weli'nàtok meluntàlù yesak.

1 Peter 5:8

Tùttuik ettàk kon enpen ettàk! Masapùla eyeyaton kon, Makui, tùusalà pàk man, tùtàwùsen palauya kasa, ànù'là iwa pàk tùneuno'ma woton.

2 Peter 2:4

Masapùla inchelù yamùk àli pe iwessak kon yenpàtù Katù uya pùn tok wepetoppe Ittuntok winàpai, tùse tok yenu'mappù ya, màlà motau tok wechi màlà yaulonsak pe ewalupàttau, Ittuntok Weyu màmuku pàk.

Jude 1:6

Inchelù yamùk ittutàk kon wapiyalok tùpatassek kon yau iwessak kon pen, tùse tùpatassek kon nànnài nan nùssan. Katù uya tok kussak màlà ewalupà yau, tok taulonse tàwàlàlà Eke Wei ponalà, tok talumattà toppe.

Revelation 12:13

Ulupelu uya tenu'masak non pona ittusak yau, nossan mùkkàlà walawok muleppù ke iwentusak lùppù wenaimappù imattanùsse.

Revelation 12:15

Màlàyau àkài uya tuna ikkwamùppù tùnta yapai tùwu'masen tuna kasa nossan ye'mappù pàk, tuna'ma uya yatoppe.

Revelation 12:17

Màlàyau ulupelu we'naikasak kulu wechippù màlà nossan pàk. Molopai iitàppù imle tonpassan panta'mase, tamù'nawolon kon Katù uya enupantok maimu yawolon kon, molopai ailon Jesus winà yenpoikasak lùppù pàk ailon pe tùwessan panta'mase.

Revelation 12:3

Tùulon yentok ipàkàlà usenpoikappù màlà epùn po. Molo iwechippù Eke, ichuweyu lùmà ulupelu, 7 pe ippai wechippù molopai 10 pe iletù yamùk, molopai alok wechippù ippai yamùk po.

Revelation 12:4

Taukù ke itonpa pe chilùkà yamùk pàlàkappù ya kak poi 1/3 pe, molopai icholokappù ya non pona. Nossan mule ke iwentu winàkài'no yemlotopo iwechippù, imle yantoppe tùuya iwentukapù pe.

Revelation 12:9

Eke ulupelu lùmà yenu'mappù màlà, mùkkàlà penalok àkài, Makui wapùla Settan itesek, tamù'nawolon kon kappon yamùk non pon kon yennakanàippù. Yenu'mappù màlà non pona tamù'nawàlà itinchelùyi yamùk pokonpe.

Revelation 13:2

Mùkkàlà, uneneppù wechippù eke kaikuchi kasa. Itta wechippù bear pùta kasa molopai palauya mùta kasa inta. Ulupelu uya ilepasak wechippù tùmeluntàlù ke, tapon ke, molopai eke tapàikketù ke.

Revelation 13:4

Kappon yamùk uya ulupelu yapulàppù, masapùla tapàikketù tùsak ya itemyak pàk. Tok uya nàlà yapulàppù, “Ànùk ken pùsàlà àsà ene walai? Ànùk wepanta'ma ken iwinàkàik?” tukaik.

Revelation 20:10

Màlàyau Makui tok yennakanàippù, yenu'mappù màlà eke kulu apok molopai kulupala kasa tùkà'nùnsen yak, àsà ene molopai iwalai pen itekale yekamanàippù tawonnan yenu'mappù yak, molopai tok talumattà màlà weinai molopai ewalupàttau tàwàlàlà molopai tàwàlàlà.

Revelation 20:7

1000 pan kilichimochi wenukassak tùpo, Settan yaulonka màlà yachitok yapai.

Revelation 9:11

Eke kin yesappe tok wechippù tepoi'nokon, mùkkàlà inchelù i'nauwon iteuta yennài. Hebrew maimu yau itesek màlà Abaddon, Greek maimu yau Apollyon, (“Mattanù'nài” teya pe iwechi).