Revelation 20:14 - Patamuna New Testament Revised

¹⁴ Màlàyau weli'nàtok molopai iwelichak kon patassek yenu'mappù màlà eke kulu apok wettulukasak yak. Sàlà apok tùuyassen yen màlà yakon itekkwa pe weli'nàtok.

Revelation 20:14 ပူးပေါင်းရင်းမြစ်များ

1 Corinthians 15:26

Àkàmlà'no lùppù eyaton inmattanùpù woton màlà weli'nàtok.

1 Corinthians 15:53

Masapùla tùukàtasen pe nai'nùk wemyakanma màlà tùukàtasen pen yak, molopai tùwelichen pe nai'nùk wemyakanma màlà tùwelichen pen yak.

Revelation 1:18

“Nulà nan Iulà! Welikùppù màlà, tùse yenkà, nulà wessaik tàwàlàlà molopai tàwàlàlà. Tapàikketù ke wechi nai'nùk weli'nàtok yepoi molopai iwelichak kon patassek yepoi.

Revelation 14:10

Mùkkàlà uya nàlà màlà Katù we'naikatok yeuku inchi. Meluntà kulu tùwe'naikatok kokù yak inmappù esukenan yà'là yekkwa là ke yoi'mappù pùn. Ewaik, mùkkàlà sàlà ku'nàippù talumattà màlà apok molopai kulupala kasa tùkà'nùnsen yau, wakù ton inchelù yamùk molopai Kalinilu Mule yemloto po,” teppù ya eke pe.

Revelation 19:20

Àsà ene yachippù màlà, tamùkke iwalai pen itekale yekamanàippù pokonpe, mùkkàlà tensan pen yamùk ku'nàippù itemlotopo. (Màlà tensan pen yamùk winà màlà mùkyamlo àsà ene uya pattàntok yesak ton yennakappù ya, molopai àsà ene kasa ikonekasak yapulànnan nùssan.) Àsà ene molopai iwalai pen itekale yekamanàippù tawonnan yenu'mappù màlà asakklàma, nulà apok yak kulupala kasa tùkà'nùnsen pokonpe tùuyassen yak.

Revelation 2:11

“Tàwà tùpana ke nai'nùk netai, Wakù Akkwalù uya sochi yamùk yelupatok.” “Mùkyamlo entaikan nan nùssan umatta yakon itekkwa pe weli'nàtok ke pen màlà.”

Revelation 20:10

Màlàyau Makui tok yennakanàippù, yenu'mappù màlà eke kulu apok molopai kulupala kasa tùkà'nùnsen yak, àsà ene molopai iwalai pen itekale yekamanàippù tawonnan yenu'mappù yak, molopai tok talumattà màlà weinai molopai ewalupàttau tàwàlàlà molopai tàwàlàlà.

Revelation 20:13

Màlàyau palau uya iwelichak kon yenpakkappù tùkapai. Weli'nàtok molopai iwelichak kon patassek uya iwelichak kon tùnachippù kon yenpakkappù. Molopai tamù'nawolon kon ittuppù màlà tewinpàk tok nùkupùppù yawàlà.

Revelation 20:15

Ànù'là itesek imenukasak pen wema'nàtok kaletayi yau, yenu'mappù màlà eke kulu apok wettulukasak yak.

Revelation 20:6

Tùutauchinpasan molopai esukenan kon mùkyamlo wapiyalok weli'nàsak wuluukatok pùkkù pe tùwessan. Yakon itekkwa pe weli'nàtok meluntàlù pùla iwechi màlà tok yepoi, paatele yamùk pe tok wechi màlà Katù ponaloppe molopai Christ ponaloppe nàlà. Molopai tok wechi itepulu pe màlà ipokonpe 1000 pe kilichimochi.

Revelation 21:4

Tamù'nawàlà tok yenu palu ya'munakka ya màlà tok yenu poi. Weli'nàtok pùla nen uchi iwechi màlà, usewankono'mantok pùla iwechi, kalannàtok wapùla i'ninàtok pùla. Masapùla penalok kon waliwomùppù man,” tukaik.

Revelation 21:8

Tùse tùusenalippasan molopai ailon tawonnan pen, mùkkyamlo àli pe tùwessan, wànnan, tesak ke àli ku'nàinan, mùkyamlo piyassan yeselu ku'nàinan molopai ikonekasak katù yapulànnan, molopai tamù'nawàlà kasei ton uya tùnepolo kon yepolo màlà eke kulu apok tùuyassen patassek molopai kulupala kasa tùkà'nùnsen yau, màlà yakon itekkwa pe weli'nàtok,” teppù ya nàlà.

Revelation 6:8

Uyenu tùlùppù uya, màlàyau tenkoloimu'nan kawale wechippù molo. Ipo tùwessen yesettàsak wechippù Weli'nàtok pe, molopai iwelichak kon patassek wechippù màlà ite'mappù pàk mei pùla. Apàikkek ke tok lepasak wechippù màlà ipùkkù pe là (1/4 pe) non yepoi, wàntoppe wepanta'mantok yai, iwan ke, palan ke, molopai àsà ton kamo yamùk non pon kon ke.