Revelation 20:13 - Patamuna New Testament Revised

¹³ Màlàyau palau uya iwelichak kon yenpakkappù tùkapai. Weli'nàtok molopai iwelichak kon patassek uya iwelichak kon tùnachippù kon yenpakkappù. Molopai tamù'nawolon kon ittuppù màlà tewinpàk tok nùkupùppù yawàlà.

Revelation 20:13 ပူးပေါင်းရင်းမြစ်များ

Matthew 11:23

Amyamlo nen, Capernaum pon kon! Anama kon peichi mekamayatàu? Eyenu'ma kon màlà i'nawon aiko yak! Masapùla tensan yekkwa ton pen ikussak lùppù àkklottau'nokon kussak Sodom po yau, molo sàlà iwechippù eppaino sàlà tepose!

Matthew 16:27

Masapùla Kàyik Mumu uyàpù màlà tùkàipùnù yakkwayi molopai yapulàtok yau tùyinchelùyi yamùk pokonpe, molopai nen uchi tamù'nawolon kon ye'ma ya màlà tok nùkupùppù yawàlà.

1 Corinthians 15:26

Àkàmlà'no lùppù eyaton inmattanùpù woton màlà weli'nàtok.

Revelation 1:18

“Nulà nan Iulà! Welikùppù màlà, tùse yenkà, nulà wessaik tàwàlàlà molopai tàwàlàlà. Tapàikketù ke wechi nai'nùk weli'nàtok yepoi molopai iwelichak kon patassek yepoi.

Revelation 2:23

Imunkà yamùk tùkka uya nàlà màlà, màlàyau nen uchi tamù'nawolon sochi yamùk uya Iulà pe iwechi ittu màlà, kappon yamùk yewan molopai tok usenumenkatok ittunài pe. Tamù'nawàlà amyamlo ye'ma uya màlà ànkupùppù yawàlà tewinpàk.

Revelation 20:12

Molopai yeneppù uya iwelichak kon lùssan eke ton molopai echikili ton, ekkaichalà, satippe aponnok yemloto po. Kaleta yamùk yakkokasak wechippù, molopai tùulon kaleta yakkokasak wechippù, wema'nàtok kaletayi. Iwelichak kon ittuppù màlà tok nùkupùppù yawàlà imenukasak kaleta yamùk yau pàkàlà.

Revelation 20:14

Màlàyau weli'nàtok molopai iwelichak kon patassek yenu'mappù màlà eke kulu apok wettulukasak yak. Sàlà apok tùuyassen yen màlà yakon itekkwa pe weli'nàtok.

Revelation 21:4

Tamù'nawàlà tok yenu palu ya'munakka ya màlà tok yenu poi. Weli'nàtok pùla nen uchi iwechi màlà, usewankono'mantok pùla iwechi, kalannàtok wapùla i'ninàtok pùla. Masapùla penalok kon waliwomùppù man,” tukaik.

Revelation 6:8

Uyenu tùlùppù uya, màlàyau tenkoloimu'nan kawale wechippù molo. Ipo tùwessen yesettàsak wechippù Weli'nàtok pe, molopai iwelichak kon patassek wechippù màlà ite'mappù pàk mei pùla. Apàikkek ke tok lepasak wechippù màlà ipùkkù pe là (1/4 pe) non yepoi, wàntoppe wepanta'mantok yai, iwan ke, palan ke, molopai àsà ton kamo yamùk non pon kon ke.