Revelation 2:3 - Patamuna New Testament Revised

³ Pàlikanài àmàlà. Ewettalumattàppù man uyesek pàkànsau, molopai ewe'nonkasak pùla man.

Revelation 2:3 ပူးပေါင်းရင်းမြစ်များ

Mark 15:21

Màlàyau Simon itesek kàyik uyàpù yepoloppù tok uya asantau, iyàpù màlà pata yak. Màlàyau soicha yamùk uya yapyontàppù teka'nonkaik pulusuk ya toppe ya. (Saimon wechippù màlà Cyrene poino pe, Alexander molopai Rufus tawonnan kàipùnù.)

Luke 14:27

Ànù'là tùtalumattàtok pulusuk yanài pen molopai uya'là tùuyàssen pen wechi màlà unenupa pe pùla.

Luke 18:1

Jesus uya tok pàk sàlà panton yekamappù màlà, tok yenupatoppe tùuya tàwàlà là tok wàpùlematoppe, molopai ailon tetok tùuya'nokon nonka tok uya tukaik.

Luke 21:19

Meluntà pe ettàk kon, masapùla sàlà kasa ewepùikattà kon màlà, ” teppù Jesus uya.

Luke 5:5

“Uyepulu, sa'man pe ina ne'wotokomai ewalupàttawà molopai ànù'là yachi ina uya pùn. Tùse wa te auya yau, punwe yamùk yeulanka uya sàlà,” tukaik Simon uya yeikuppù.

Luke 8:15

Tùpànsen iwepukasak lùppù wakù non yak màlà uya yekama nai'nùk, mùkyamlo itekale yetan nan, iku'nài nan wakù pe, yawolon kon nà tewan kon yau, ailon pe tùwessan tùwepeta kon ponalà,” teppù Jesus uya.

John 15:21

Tùse sàlà yamùk kupù tok uya màlà ewinàkài'nokon uyesek pàkànsau. Masapùla uyeuno'nàippù ittu tùuya'nokon pùla iwechi pàk.

Romans 12:12

Tàwà enpen ewettok kon àkuttàu tùutauchinpaik, ewettalumattàtok kon ipàlikatàk, molopai àpùlematàk kon tàwàlà.

Romans 16:12

“Wakù pe na' messatàu?” te uya Tryphena molopai Tryphosa tawonnan, nossan yamùk sa'man pe tùwe'wotokomasan Itepulu wotokoyi yau pàk, molopai Persis pàk nàlà unùn kulu uwechiyakon pe tùwessen nossan pàk “Wakù pe na' messan?” katàk kon, mùkkàlà eke pe kulu iwe'wotokomasak lùppù Itepulu ponaloppe.

Romans 2:7

Tùulon kon kappon yamùk wakù kupù pàk tùwessan, apulàntok, namantok molopai tàwàlàlà wema'nàtok iwannan. Mùkyamlo yemyak Katù uya tàwàlàlà wema'nàtok tùlù màlà.

Romans 8:25

Tùse enpen we'nà'nokon kùnene kon pen pàk yau, imàmu'nàinan kùmyamlo tùusetakaik pùla.

1 Corinthians 13:7

Tamù'nawolon pàlikanài, ailon tawon tàwàlàlà, enpen tùwessen tàwàlàlà, tùweleutasen pen.

1 Corinthians 16:16

Apawanattàyatàu Iulà utonpa yamùk, pùsamlo yekkwa yo'no mettàik molopai ànù'là tùwe'wotokomasan tok pokonpe yo'no.

2 Corinthians 10:15

Màlàpàk ina utapulà tùulon kon nùkupùppù wotoko pàk pùla man. Tùse làkku enpen ina man ailon tetok auya'nokon wekatù pàk, molopai eke peiwa ina wotokoyi wettoppe àkklottau'nokon.

2 Corinthians 11:23

Christ yapyoto yamùk ken na' mùkyamlo? Itayaupasak kappon kasa uselupayaik, tùse wakùiwa nen apyoto Iulà! Sa'man peiwa nen we'wotokomasak màlà, patikichi tau wessak tukkeiwa itekkwa. Uyippoppàssak màlà tukke itekkwa. Molopai weli'nàtok piyau mei pùla wessak màlà echipalà'ne.

2 Corinthians 4:1

Katù uya, tùusentuppatok yau ina lepasak man sàlà wotoko ke. Màlàpàk ina we'nonka pen.

2 Corinthians 4:16

Màlàpàk ina we'nonka pen màlà. Polopo lànen ina ukàta tùse, tau'nokon ina wena màlà emennappe wei kaichalà.

2 Corinthians 5:9

Màlàpàk uchi kùnkupù kon kuppai'nokon kulu man yauchinpa pe, sàlà motawon kùpata kon yau wapùla epùn po là Itepulu pokonpe we'nà yau.

2 Corinthians 6:5

Ippopà'nàtok yau, patikichi tau we'nàtok yau, molopai kappon yamùk we'naikasak yenpatau, sa'man wotoko yau, we'nùnnà pùla we'nàtok yau molopai wapàkka'nàtok yau.

Galatians 6:2

Àtonpa kon ipùikàttàtàk kon inalà yalà pàk. Molopai sàlà kasa màlà Christ law yawàlà ewechi kon.

Galatians 6:9

Màlàpàk wakù kupù pàk usetakkan' nokon kùsettak, masapùla iwalai iweyu yattai ipànsak lùppù mokka màlà usemya'nùnpansak pùla iwechi yau.

Philippians 2:16

Wema'nàtok yekale yekamai'ma tok pàk. Màlà pàkànsau àpàkù'nokon utauchinpatok yesappe wechi màlà Christ Weyu yattai; màlà uya yekama màlà yà'là woton pe pùla là we'wotokomappù pe pùla iwechi.

Philippians 4:3

Molopai àmàlà nàlà ailon we'wotokoma yakon, pùsamlo nossan yamùk pùikattà auya iche wessaik. Masapùla tok we'wotokomasak man sa'man pe upokon pe Wakù Itekale yekama pàk Clement pokonpe tamùkke. molopai tamù'nawolon kon tùulon kon we'wotokoma yakon non Katù kaletayi, wema'nàtok yapon yau itesek nai'nannùk.

Colossians 1:11

Imeluntàlùttàsappe tamù'nawolon itapàikketù ke, wakù imeluntalù yawàlà yà'làlà yentaika kon pa molopai ipàlika kon pa molopai tùutauchinpaik ewechi kon pa.

1 Thessalonians 1:3

Masapùla ina nùttuyan, Katù Kùkàipùnù kon yemloto po ailon tetok auya'nokon yai ewe'wotokoma kon sa’man pe uchi'nùnmantok ke. Molopai enpen ewettok kon Kùyepulu Jesus Christ pàk wechi melùntà pe ittuyan ina.

1 Thessalonians 2:9

Ewaik, mùttuyatàik, ina tonpa yamùk, sa'man pe ina we’wotokomappù. Ina we'wotokomappù wei kaichalà molopai ewalupàttawàlà, awanittàpa kon nà ina uya tukaik Wakù Itekale Katù winàpaino yekama tùuya’nokon yawàlà.

1 Thessalonians 5:12

Ina apawanattàyatàu, ina tonpa yamùk, mùkyamlo àkklottau'nokon tùwe'wotokomasan nama kon pa, mùkyamlo Itepulu Katù nanùmùssan eyepotolù kon pe molopai eyenupannan yamùk pe nama kon pa.

2 Thessalonians 3:13

Tùse amyamlo, ina tonpa yamùk, wakù kupù pàk kesetakkatàu.

2 Thessalonians 3:5

Tàwàichi Itepulu ayalài'nokon, Katù pùnùnma kon pa eke pe kulu, molopai Christ yau echii'ma yà'làlà pàlikatok auya'nokon màlà intùlùppù.

2 Thessalonians 3:8

Ànù'là winàpai te'maik pùla là kùyali yekkwatù ina uya pùn. Tùse ina we'wotokomappù sa'man pe; wei nai molopai ewalupàttawàlà. Ànù'là wotokoma ina uya tukaik.

1 Timothy 4:10

Màlàpàk uchi sàlà wakù pe wema'nà'nokon molopai sa'man pe we'wotokoman nokon iche we'nà, masapùla enpen we'nàtok kon nonkasak nulànan Katù pàk tamù'nawolon kappon yamùk Pùikattànài, molopai mùkyamlo kulu ailon tawonnan pe nai'nannùk pàk pàk.

1 Timothy 5:17

Sochi yepulu yamùk wakù pe wotoko yanàinan wechi màlà te'masan pe eke peiwa, mùkyamlo kulu tùwe'wotokomasan sa'man pe wakù itekale yekama pàk molopai kappon yamùk yenupa pàk.

Hebrews 10:36

Pàlikannan pe ettàk kon, Katù yeselu kupù kon pa, molopai ikupù tùuya tetok ya yepolo auya'nokon màlà.

Hebrews 12:1

Tukkan kon pùsamlo ennài nan kùwoi'nokon man. Màlàpàk tamù'nawolon kùwakkà'nài'nokon yenu'mapai'nokon. Màlà makui kùyachiyatài'nùk nàlà, molopai aitun pe utànpai'nokon pàlikantok pokonpe wapplùnnàtok kùyemloto kon po nai'nùk yak.

Hebrews 13:13

Màlàpàk uchi ipyak utànpai'nokon pata yena pona inpàlikappù wekkuli'mantok pàlikase.

Hebrews 6:10

Katù mùkkàlà ikasa nai'nùk ku'nài. Àwotokoyi kon lùppù puttàka'nùpù ya pen màlà. I'nùnmatok auya'nokon enenpoikappù kon ipemonkono yamùk pùikattà pe molopai tok pùikattà pàk lùppù messatài'nùk.

Hebrews 6:12

Emya'nek pe ewena kon iche pùla ina man, tùse mùkyamlo ailon tawonnan molopai pàlikannan, Katù uya ikupù tùuya teppù lùppù yeponnan kasa làkku mettàik.

Hebrews 6:15

Abraham wechippù màlà imàmuku pàk tùsetakkaik pùla, màlàpàk ikupù tùuya tetok Katù uya yepoloppù ya.

2 Peter 1:6

ittunài pe ewettok kon pona eyesak kon pe ewettok kon; eyesak kon pe ewettok kon pona pàlikantok; pàlikantok auya'nokon pona wakù pe esuken Katù kasa we'nàtok;

Revelation 1:9

Iulà mùkkàlà John, àtonpa kon, molopai Jesus ponalok Iulà àpokon pan kon, wettalumattàntok yau molopai pàlikantok yau itepulu pe iwettok yau. Pata lùkkwà tuna iwoino Patmos po wechippù màlà masapùla Katù Maimu molopai ailon Jesus nenpoikappù yekamasak uya pàk.

Revelation 3:10

Umaimu yawàlà ewessak man pàlikanài pe. Màlàpàk wakù pe nàlà àkupù uya màlà talumattàntok yattai. Nùyàssai'nùk tamù'nawolon non pona tamù'nawà kappon yamùk sàlà non pon kon ittuse.