Revelation 2:26 - Patamuna New Testament Revised

²⁶ Mùkyamlo entaikannan nùssan molopai uwotokoyi ku'nàinan nùssan iwenukapù ponalà, yemyak itepulu pe we'nàtok yapàikketù pata yamùk yepoi tùlù uya màlà.

Revelation 2:26 ပူးပေါင်းရင်းမြစ်များ

Matthew 10:22

Tamù'nawolon kon uya eyeya'noma kon màlà upàkànsau. Tùse mùkkàlà ailon pe tùwessen iwenukapù tepose wepùikattà màlà,” teppù Jesus uya.

Matthew 19:28

Jesus uya tok pàk, “Ailon kulu sàlà, Kàyik Mumu wechi chichiu pe wakù tapon po emennak pata weyu yattai yau, amyamlo 12 pan kon unenupassan wechi nàlà màlà chichiu pe aponnok yamùk po, 12 pan kon Israel mumu yamùk munkà yamùk ittutoppe auya'nokon.

Matthew 24:13

Tùse mùkkàlà meluntà pe nai'nùk tùwemapù yawàlàiwenukatok tepose wepùikattà màlà.

John 6:29

Jesus uya tok maimu yeikuppù, “Sàlà màlà Katù wotokoyi, ailon te auya'nokon ineunokoppù pàk,” tukaik.

Romans 2:7

Tùulon kon kappon yamùk wakù kupù pàk tùwessan, apulàntok, namantok molopai tàwàlàlà wema'nàtok iwannan. Mùkyamlo yemyak Katù uya tàwàlàlà wema'nàtok tùlù màlà.

Romans 8:37

Kane, sàlà yamùk yau tamù'nawolon yentaikatok yesappe we'nà'nokon man mùkkàlà Kùlaik kù'nùnmanàippù'nokon yau!

1 Thessalonians 3:5

Màlàpàk, màlà yentak ipàlika uya yentai iwechipàk Timothy teunottai, ailon tetok auya'nokon wechi atta là yense. Yattai pùla Makui uya eyittusak kon tei'ma, molopai tamù'nawàlà ina wotokoyi wechi yà'là woton pe pùla là pe tei'ma

Hebrews 3:6

Tùse Christ mùkkàlà ailon, paatele, imu. Molopai kùmyamlo mùkyamlo itùwùk, meluntà pe tùusenalippaik pùla molopai enpen we'nàtok kon pàk tùutachiik we'nà'nokon yau.

James 2:20

Pakko kappon! Yekama na' àpàk iche messan ailon tetok wechi iwelaikatok pùla là tapulàsen pe pùla?

1 John 2:19

Pùsamlo kappon yamùk wechippù kùkklottawon kon pe kulu pùla màlà, màlàpàk màlà tok uya kùnàmàppù kon. Kùkklotawon kon pe tok wessak yau, tok wechippù kùpyau'nokon eppaino sàlà. Tùse tok uya kùnàmàppù kon tok wechi kùkklottawon kon pe kulu pùla ittutoppe.

1 John 3:23

Sàlàichi màlà Katù uya suwa ekkà tetok: ailon tetoppe Tùmu Jesus Christ yesek pàk, molopai uchi'nùnmantoppe, Christ uya suwa ekkà tetok kasa.

1 John 5:5

Ànùk uya ken wolù yeselu yentaika? Mùkkàlà neken ailon tawon Jesus wechi Katù Mumu pe pàk uya yentaika màlà.

Revelation 2:11

“Tàwà tùpana ke nai'nùk netai, Wakù Akkwalù uya sochi yamùk yelupatok.” “Mùkyamlo entaikan nan nùssan umatta yakon itekkwa pe weli'nàtok ke pen màlà.”

Revelation 2:17

“Tàwà tùpana ke nai'nùk, Wakù Akkwalù uya sochi yamùk yelupatok yetai. Mùkyamlo entaikan nan nùssan lepa uya màlà tonantau tùwessen kùyali manna ke. Aimu'nan tàk ke nàlà tok lepa uya màlà. Sàlà wechi màlà emennak esek menukasak ipàk, ànù'là nùttu pen tùse yeponàippù neken nùtttu.”

Revelation 2:7

“Tàwà tùpana ke nai'nùk Wakù Akkwalù uya Sochi yamùk yelupatok yetai. Mùkyamlo entaikannannùssan uya, nulà ku'nài kùyali yepelu nattoppe ikupù uya màlà, màlà iwattasak Katù tumà yau,” teppù ya.

Revelation 20:4

Màlàyau aponnok yamùk yeneppù uya, molopai mùkyamlo chichiu pe ipo tùwessan, tok lepasak wechippù meluntà ke ittuntoppe tok uya. I'mùlùkàssak kon yakkwalùppù yamùk yeneppù uya màlà masapùla ailon Jesus nenpoikappù molopai Katù Maimu yekamasak tok uya pàk. Àsà ene wapùla ikasa ikonekasak yapulànnanùssan pe pùla tok wechippù màlà wapùla àsà ene uya pattàntok yeposak tok uya pùla iwechippù tùpeyeppà kon pàk wapùla temyatù kon pàk. Tok wemapùppù molopai kin yamùk pe tok wechippù Christ pokonpe 1000 pe kilichimochi.

Revelation 21:7

Ànù'là entaikanàippù uya sàlà yamùk wakù ton yepolo màlà uwinàpai. Ikatùyi pe wechi màlà molopai umu pe iwechi màlà.

Revelation 22:5

Ewalupà pùla nen uchi iwechi màlà, molopai tok wechi lanppu wapùla wei yakkwayi iche pen màlà, masapùla Itepulu Katù wechi màlà tok weyu pe, molopai itepulu pe tok wechi màlà kin yamùk pe, tàwàlàlà molopai tàwàlàlà.

Revelation 3:12

Mùkkàlà entaikanàippù kupù uya màlà wakapu pe Ukatùyi yùwùk tau, molopai inàntu'ma ya pen màlà. Ukatùyi yesek menuka uya màlà ipàk, molopai Ukatùyi patassek yesek emennak Jerusalem. Màlà nùyàssai'nùk epùn yapai Ukatùyi winàpai. Emennak uyesek menuka uya nàlà màlà ipàk.

Revelation 3:21

Mùkyamlo àli yentaikannan nùssan kupù uya màlà upyau tok weleuta toppe uyapon po. Àli yentaikasak uya molopai sàlà pe weleutasak Ukàipùnù piyau yapon po kasa làma.

Revelation 3:5

Mùkyamlo entaikannan nùssan wepontà màlà tok kasa aimu'nan yak, molopai tok yesek yama uya pen màlà wema'nàtok kaletayi yapai. Ukàipùnù molopai itinchelùyi yamùk yemloto po uponalok kon mùkyamlo te uya màlà.”