Revelation 2:10 - Patamuna New Testament Revised

¹⁰ “Yà'làlà ewettalumattàtok ike woton pàk kesenalippai! Masa yetakà! Makui uya eyittu màlà àtonpa yamùk tùlù tùuya patikichi tak winà 10 pe wei màlà ewettalumattà. Ailon pe mechiik, ewelikù ponalà, molopai wema'nàtok yalùko ke elepa uya màlà.

Revelation 2:10 ပူးပေါင်းရင်းမြစ်များ

Matthew 10:22

Tamù'nawolon kon uya eyeya'noma kon màlà upàkànsau. Tùse mùkkàlà ailon pe tùwessen iwenukapù tepose wepùikattà màlà,” teppù Jesus uya.

Matthew 10:28

Kesenalippatàu mùkyamlo esak wànnan tùse akkwalù wànnan pen pàk. Tùse làkku esenalippatàk kon, Mùkkàlà asakklàma esak molopai akkwalù mattanù'nài apok yau pàk.

Matthew 24:13

Tùse mùkkàlà meluntà pe nai'nùk tùwemapù yawàlàiwenukatok tepose wepùikattà màlà.

Mark 13:13

Kappon yamùk uya màlà tùtalumayi kon pe àkupù kon upàkànsau. Tùse mùkkàlà tùwemattok yawàlà tùwettalumatàtok pàlikanàippù tùwematok wenukappù tepose pùikattà Katù uya màlà,” tukaik.

Mark 8:35

“Ànù'là tùwemattok ichelok tùyiwalok pe neken uya màlà yenu'masak. Tàwàlàlà iwettalumattà. Tùse ànù'là tùwemattok yenu'manàippù upàkànsau molopai Wakù Itekale pàkànsau uya màlà tàwàlàlà wema'nàtok yepolo.

Luke 21:12

“Sàlà yamùk wekkupù wapiya ayachi kon màlà molopai atalumattà kon. Àtùlù kon màlà eyittu tok kon pe Jew yamùk wepili'nàtok itak tak, molopai patikichi tak, Kin yamùk molopai kopùna yamùk yemlotopona enepù kon màlà upàkànsau.

John 12:25

Ànù'là tùwemattok pùnùnmanài uya màlà ilachima. Tùse mùkkàlà sàlà non po tewanmape tùwemattok kussai'nùk uya màlà tàwàlàlà tùwemattok yepolo.

John 13:2

Jesus molopai inenupa ton wechippù màlà tùuta'lettà kon pàk ko'manpe. Makui uya Jesus yeimippotok ya tùkassak wechippù Judas Iscariot yewan yak. Pùsàlà mùkkàlà Simon mumu.

John 13:27

Pùlomù pusak yekkwassak Judas uya pe là Makui, wewomùppù yak. Jesus uya ipàk, “Màlà ikupù pàk ewekkussak nai'nùk, ikukkà asse'neiwa,” teppù.

Yeunossak kon Wotokoyi 20:24

Tùse wemattok tùkussaik yà'là pe pùla là, uwotokoyi yenuka'nùttoppe uya, molopai wotoko Itepulu Jesus uya ulepatok unkupùpe kutoppe uya, màlà Wakù Itekale tekamasen wakù pe Katù wettok yekama toppe uya.

Yeunossak kon Wotokoyi 21:13

Tùse yeikuppù ya, “Yà'là pe ewechi kon màlà, akalawù kon sàlà kasa molopai uyewan ikkwàtù auya'nokon,” tukaik. “Wekonekasak man uyaulonpà toppe neken nà Jerusalem po pùla, tùse welittok pe nàlà Itepulu Jesus ponaloppe,” tukaik.

1 Corinthians 9:25

Tamù'nawàlà aitun pe tùutàsan mùkyamlo tesak kon wotokomannan sa'man pe màlà ponaloppe. Màlà kupù tok uya màlà tùuko'mansen pen alok yepotoppe tùuya'nokon, tùse kùmyamlo uya ikupù màlà nai'nùk tàwàlàlà tùuko'mansen alok yepotoppe.

Ephesians 2:2

Màlà yattai wolù yawon kon yeselu kupùpppù auya'nokon màlà, kawon kon yepulu, Àli maimu yawàlà ewechippù kon, Katù Maimu yawàlà pùla tùwessan yepulu mùkkàlà.

Ephesians 6:12

Masapùla wepanta'man nokon kappon yamùk pokonpe pen sàlà, tùse àli ton akkwalù meluntàlù kak yawolon kon pokonpe, itepulu yamùk, apàikketton, molopai sàlà ewalupà yawon kon itepulu yamùk tensan pen meluntàlù pokonpe.

James 1:12

Tùutauchinpasen mùkkàlà kappon ailon pe tùwessen ittuntok kùlottawàlà. Masapùla ittuntok yentaika ya yau ilepa màlà wema'nà yalùko ke, e'mantok Katù uya itùlù tùuya tù'nùnmanài nan piyak teppù lùppù ke.

1 Peter 5:4

Molopai Eke Kalinilu Yesak usenpoika yau, enkek alok, tàwàlàlà enkek pe molopai akkwa pe tùwessen yanùmù auya'nokon màlà.

1 Peter 5:8

Tùttuik ettàk kon enpen ettàk! Masapùla eyeyaton kon, Makui, tùusalà pàk man, tùtàwùsen palauya kasa, ànù'là iwa pàk tùneuno'ma woton.

Revelation 13:14

Tamù'nawolon kon kappon yamùk non po tùwemassan yennakappù ya tensen yekkwa pen kuttok tùuya winà, tùlepatok ikuttoppe tùuya wapiyalok àsà ene yemloto po. Pùsàlà yakon àsà ene uya tamù'nawolon kon kappon yamùk non pon kon pàk yekamappù, wapiyalok àsà ene kasa ikonekatoppe tok uya, yapulà pe mùkkàlà iwàsak lùppù asa'lon yà kasupala ke tùse iwennasak lùppù.

Revelation 13:2

Mùkkàlà, uneneppù wechippù eke kaikuchi kasa. Itta wechippù bear pùta kasa molopai palauya mùta kasa inta. Ulupelu uya ilepasak wechippù tùmeluntàlù ke, tapon ke, molopai eke tapàikketù ke.

Revelation 13:7

Katù ponalok kon kappon yamùk pokonpe iwepanta'matoppe ikussak wechippù molopai tok yentaikatoppe ya. Apàikkek ke ilepasak wechippù tamù'nawàlà tùpatalo'nan ikkok yamùk, tùpatalon kon kappon yamùk, tùpatalo'nan mayin molopai kappon yamùk pata yamùk non pon yawolon kon yepoi.

Revelation 17:14

Tok wepanta'ma màlà Kalinilu Mule winàkàik, tùse Kalinilu Mule molopai inkà'massan, inanùmùssan molopai ailon pe iwessak kon ya'lon kon uya tok yentaika màlà, masapùla itepulu yamùk Yepulu mùkkàlà molopai kin yamùk Kinù,” teppù ya.

Revelation 2:13

“Ewemattok yau tùttuyaik, molo Settan yapon wettok imotau. Ailon pe lùppù messaik uyesek pàk, molopai ailon tetok auya upàk nonka auya pùn, Antipas yattai, ailon kulu upàk tùuselupasen iwàsak lùppù apata yau, molo Settan wemattok motau.

Revelation 2:9

Atalumattàtok molopai entuppak ewechi tùttuyaik. Tùse itemaminkek kulu àmàlà. Àli ton uselupantok kon ewinàkàik tùttuyaik Jew yamùk pe tùusesassan winà tùse Jew yamùk pe pùla echii'ma. Settan ponalok kon mùkyamlo.”