Revelation 19:12 - Patamuna New Testament Revised

¹² Itenu wechippù màlà apok ulenpansak kasa, molopai tukkan alok yamùk wechippù ippai po. Itesek menukasak wechippù ipàk, tùse ànù'là uya ittu pùla iwechippù, tùse mùkkàlà uya neken yà'là pe là iwechi ittu.

Revelation 19:12 ပူးပေါင်းရင်းမြစ်များ

Matthew 11:27

“Ukàipùnù uya ulepasak màlà tamù'nawolon yà'làlà ke. Ànù'là pùla iwechi màlà Imu ittunài tùse Ikàipùnù neken, molopai ànù'là pùla iwechi màlà Ikaipùnù ittunài tùse Imu neken, molopai mùkyamlo ipàk Imu wettok enenpoikapai,” teppù ya.

Matthew 21:5

“Pata Zion yawon pàk yekamakà. Ekinù nùyàssan apyak, tenpan mùkkàlà molopai tonki po nùyàssan, tonki mule po,” {ZEC 9.9} tawon.

Matthew 28:18

Jesus uyàpùppù màlà mei pùla molopai tok pàk, “Ulepasak man tamù'nawolon apàikkek ke epùn yau molopai non po.

Luke 10:22

“Tamù'nawolon tùsak ukàipùnù uya man uyemyak, ànù'là uya ànùk pe là Imu ittu pùla iwechi màlà, tùse Ikàipùnù neken, molopai ànù'là uya ànùk pe là Ikàipùnù ittu pùla iwechi màlà tùse Imu neken, molopai mùkyamlo Imu uya tùkàipùnù yenpoikatok itemyak ton nàlà,” teppù ya.

John 17:11

Wolù yau wechi pe pùla man talàpai, apyak uyàpù sàlà. Tùse pùsamlo wechi lùppù màlà wolù yau. Wakù Ukàipùnù, tok imainanpakà eyesek meluntàlù yau, uyesek ulepatok auya winà. Tewin tok wettoppe tùtonpa kon pokonpe, tewin we'nà àpokonpe nai'nùk kasa.

John 17:12

Tok piyau wechi yau, tok mainanpappù uya uyesek ulepatok auya winà. Ànù'là we'lachimappù pen tok kùlottapai, tùse tewinannà mùkkàlà tùumattasen yek, màlà Katù Maimu yau iwe'menukasak lùppù wekkuttoppe.

Ephesians 1:21

Christ Itepulu wechi màlà molo tamù'nawolon kon epùn pon kon itepulu yamùk yepoi, apàikketton, meluntà ton, molopai tamù'nawolon kon tùulon kon itepulu yamùk yepoi. Tamù'nawolon eke ton esek yamùk wolù yawon kon yepoino mùkkàlà molopai ewanawolok tùuyàssen pata yepoino.

Hebrews 2:9

Tùse Jesus yene'nokon man, malalà inchelù yamùk ma'le imasak lùppù, sàlà pe nen uchi apulàntok molopai namantok ke yalùkottàsak man, masapùla weli'nàtok yau iwettalumattàsak pàk. Màlàpàk Katù wettok wakù pe winà, tamù'nawolon kon kappon yamùk ponaloppe weli'nàtok ittutoppe ya.

Revelation 1:14

Ippai wechippù aimu'ne kàtàkkwak yentai molopai itenu ulenpansak wechippù apok kasa.

Revelation 12:3

Tùulon yentok ipàkàlà usenpoikappù màlà epùn po. Molo iwechippù Eke, ichuweyu lùmà ulupelu, 7 pe ippai wechippù molopai 10 pe iletù yamùk, molopai alok wechippù ippai yamùk po.

Revelation 13:1

Màlàyau àsà ene usenpo palau kapai yeneppù uya. 10 pe iletù wechippù molopai 7 pe ippai, alok wechippù iletù yamùk pàk, ikaichalà. Àli esek Katù talumattàtok menukasak wechippù ikaichalà ippai yamùk pàk.

Revelation 19:16

Ipon pàk molopai ichi pàk esek menukasak wechippù, “Kin yamùk Kinù, molopai itepulu yamùk Yepulu,” tukaik.

Revelation 3:12

Mùkkàlà entaikanàippù kupù uya màlà wakapu pe Ukatùyi yùwùk tau, molopai inàntu'ma ya pen màlà. Ukatùyi yesek menuka uya màlà ipàk, molopai Ukatùyi patassek yesek emennak Jerusalem. Màlà nùyàssai'nùk epùn yapai Ukatùyi winàpai. Emennak uyesek menuka uya nàlà màlà ipàk.

Revelation 6:2

Uyenu tùlùppù uya, màlàyau aimu'nan kawale wechippù molo. Ipo tùwessen uya ulapa yachippù, molopai alok ke ilepasak wechippù. Entaikantok yau iitàppù màlà entaikanse tùmeluntàlù ke.