Revelation 17:8 - Patamuna New Testament Revised

⁸ Àsà ene menpàssai'nùk wechippù màlà molo, tùse molo pùla nen uchi iwechi màlà. Iiyàpù i'nauwon iteuta yapai winàkàik man molopai iità màlà tùmattanùttoppe. Kappon yamùk non po tùwemassan itesek imenukasak kon pen wema'nàtok yapon kaleta yau, non wepyattà motapai, usenumenka kulu màlà tamù'nawàlà, àsà ene yene tùuya'nokon yau. Masapùla nulà iwechippù màlà, tùse nulà pùla nen uchi iwechi, molopai ichenpoika tu'ma màlà.

Revelation 17:8 ပူးပေါင်းရင်းမြစ်များ

Matthew 25:34

Màlàyau nen uchi Kin uya kappon yamùk tùkamikù pen winon kon pàk, ‘Àittàk kon! Ukàipùnù nùpùlemassan. Àittàk kon itepulu pe ewettok kon patassek yepotanùttàk kon, ikonekasak lùppù àponalok kon pe wolù wekonekappù motapai.

Luke 10:20

Katauchinpatàu àli akkwalù yamùk wechi amaimu kon yawàlà pàk. Tùse atauchinpatàk kon eyesek kon we'menukasak làkku epùn po pàk,” tukaik tok yeikuppù ya.

Luke 8:31

Jesus pawanattàppù àli akkwalù yamùk uya, i'nawon aiko yak teunoko kon ya tukaik.

John 17:24

“Ukàipùnù, pùsamo ulepatok kon auya wechi upyau iche wessaik yau wettok yau, namantok ulepatok auya yentoppe tok uya, masapùla u'nùnmappù auya màlà wolù wekoneka wapiya.

Yeunossak kon Wotokoyi 15:18

te Itepulu Katù uya, mùkkàlà sàlà ittutoppe pena iku'nàippù.’

Ephesians 1:4

Katù uya kùyanùnkassak kon wechippù màlà tùponaloppe Christ yau, wakù pe esuken we'nàtokkonpe temloto po. Pena wolù wessepolo wapiya pùnùnmantok tùuya pàkàlà,

Titus 1:2

màlà enpen we'nàtok, tàwàlàlà wema'nàtok po iwekkusak. Katù, kasei pe tùwessen pen uya, kùlepa kon tùuya teppù lùppù sàlà wema'nàtok, sàlà non molopai yawon kon wepyatà wapiya,

1 Peter 1:20

Katù nanùmùppù mùkkàlà wolù wekoneka wapiya, molopai ichenpoikappù sàlà yamùk iwenukattok weyu yattai àpàkànsau'nokon.

Revelation 11:7

Tùnekama kon yekamakassak tok uya yau, àsà ene tùuyàssen i'nawon iteuta yapai uya tok panta'ma màlà. Tok yentaika ya màlà molopai tok wànà ya.

Revelation 17:11

Molopai àsà ene nulà iwessak lùppù, tùse molo pùla nen uchi nai'nùk, mùkkàlà 8 pe iku'nài kin wapiyalok kon 7 pan kon tonpa, molopai tùutàsen woton tùmattanùttok yak.

Revelation 17:2

Non pon kon kin yamùk uya àli kupùppù tùwekumase mùkkàlà eke nossan kàyik yamùk yemyak tùwechilanmasen pokonpe, molopai non pon kon kappon yamùk wetùmùppù, màlà wain kàyik yamùk pokonpe iwettok yeuku tinchise,” teppù ya.

Revelation 20:10

Màlàyau Makui tok yennakanàippù, yenu'mappù màlà eke kulu apok molopai kulupala kasa tùkà'nùnsen yak, àsà ene molopai iwalai pen itekale yekamanàippù tawonnan yenu'mappù yak, molopai tok talumattà màlà weinai molopai ewalupàttau tàwàlàlà molopai tàwàlàlà.

Revelation 20:12

Molopai yeneppù uya iwelichak kon lùssan eke ton molopai echikili ton, ekkaichalà, satippe aponnok yemloto po. Kaleta yamùk yakkokasak wechippù, molopai tùulon kaleta yakkokasak wechippù, wema'nàtok kaletayi. Iwelichak kon ittuppù màlà tok nùkupùppù yawàlà imenukasak kaleta yamùk yau pàkàlà.

Revelation 20:15

Ànù'là itesek imenukasak pen wema'nàtok kaletayi yau, yenu'mappù màlà eke kulu apok wettulukasak yak.

Revelation 3:10

Umaimu yawàlà ewessak man pàlikanài pe. Màlàpàk wakù pe nàlà àkupù uya màlà talumattàntok yattai. Nùyàssai'nùk tamù'nawolon non pona tamù'nawà kappon yamùk sàlà non pon kon ittuse.

Revelation 3:5

Mùkyamlo entaikannan nùssan wepontà màlà tok kasa aimu'nan yak, molopai tok yesek yama uya pen màlà wema'nàtok kaletayi yapai. Ukàipùnù molopai itinchelùyi yamùk yemloto po uponalok kon mùkyamlo te uya màlà.”