Revelation 17:2 - Patamuna New Testament Revised

² Non pon kon kin yamùk uya àli kupùppù tùwekumase mùkkàlà eke nossan kàyik yamùk yemyak tùwechilanmasen pokonpe, molopai non pon kon kappon yamùk wetùmùppù, màlà wain kàyik yamùk pokonpe iwettok yeuku tinchise,” teppù ya.

Revelation 17:2 ပူးပေါင်းရင်းမြစ်များ

John 2:10

Molopai ipàk, “Tamù'nawolon kon mùkyamlo wapiya wakù wain ne'nàinan, molopai nen uchi ikà'masak kon uya yeuno'makasak yau àkàmlàk lùppù àli lùiwa nepù tok uya, tùse wakù mainanpappù auya man sàlà tepose,” teppù ya.

Revelation 14:8

Yakon inchelù uyàpùppù ite'mappù pàk, “Iwekkawai'masak man! Eke Babylon wekkawai'masak man! Meluntà tùwuku inchitoppe tamù'nawolon pata yamùk yawon kon kappon yamùk uya ikupùppù ya. Sàlàichi wechippù màlà meluntà tinchisen àli pe tùtayappù pen pokonpe iwettok yeuku!” tei'ma.

Revelation 17:13

Pùsamlo 10 pan kon wechi màlà tamù'nawàlà tewin ichenumenkatok, molopai tùmeluntàlù kon molopai tapàikketù kon tùlù màlà tok uya àsà ene yemyak.

Revelation 17:17

Masapùla Katù uya tok yewan yak itùsak wechi màlà iche tùwettok kuttoppe tok uya, tewin ichenumenkatok tùwelaikatok kon yau, molopai àsà ene yemyak tùmeluntàlù kon tùlù tùuya'nokon itepulu pe iwettok pe yau, Katù uselupatok lùppù wekkupù ponalà.

Revelation 17:5

Ipeyeppà pàk esek menukasak wechippù tùttusen pen, “Eke Babylon, tamù'nawolon kon kàyik yamùk yemyak tùwechilanmasan molopai àli ku'nàinan non pon kon yan,” tawon.

Revelation 17:8

Àsà ene menpàssai'nùk wechippù màlà molo, tùse molo pùla nen uchi iwechi màlà. Iiyàpù i'nauwon iteuta yapai winàkàik man molopai iità màlà tùmattanùttoppe. Kappon yamùk non po tùwemassan itesek imenukasak kon pen wema'nàtok yapon kaleta yau, non wepyattà motapai, usenumenka kulu màlà tamù'nawàlà, àsà ene yene tùuya'nokon yau. Masapùla nulà iwechippù màlà, tùse nulà pùla nen uchi iwechi, molopai ichenpoika tu'ma màlà.

Revelation 18:23

Yà'là yattai tu'ma là lanppu yakkwayi usene ayau pen màlà, tùwemali'masan ema'non molopai umoine tawonnan maimu useta ayau pen. Mamin chilanman nan molopai ye'mannan, àponalok kon wechippù kulu màlà eke pe tamù'nawàlà sàlà non po, molopai epiyassanù ke tamù'nawàlà kappon yamùk non pon kon yennakappù auya,” teppù ya nàlà.

Revelation 18:3

Masapùla tamù'nawolon kon kappon yamùk pata yamùk non pon yawolon kon uya àli italumayippù pe iwettok yeuku inchippù màlà. Meluntà, àli pe eppai iwettok tesak ke yeuku. Non pon kon kin yamùk uya àli kussak man ipokonpe itayappù pe pùla echii'ma. Molopai kàyik yamùk mamin chilanmannan molopai ye'mannan non pon kon wenasak man eke pe mamin yesappe, tùuseka'nonkaik àli kuttok ya winàpai,” tukaik.

Revelation 18:9

Kin yamùk non pon kon iwekumasak kon nùssan molopai wakù pe temamin ke iwechipàk iitapulà tonpa pe iwessak kon nùssan kalawù màlà molopai tok usewankono'ma kulu màlà pata wenai iyatù kelechin yene tùuya'nokon yau.

Revelation 2:22

Màlàpàk uchi yenu'ma uya màlà yapon po. Molo eke pe iwettalumattà màlà mùkyamlo tùtayappù ton pen tùpokonpe àli ku'nàinan nùssan pokonpe. Sàlà kupù uya màlà, tok welattà imakuyi yeselu winàpai pùla iwechi yau.

Revelation 3:10

Umaimu yawàlà ewessak man pàlikanài pe. Màlàpàk wakù pe nàlà àkupù uya màlà talumattàntok yattai. Nùyàssai'nùk tamù'nawolon non pona tamù'nawà kappon yamùk sàlà non pon kon ittuse.

Revelation 9:21

Wàntok tùuya'nokon nonkappù tok uya pen nàlà, tipiyassanù kon nà, àli imakuyippù kuttok tùuya'nokon tesak kon ke nossan yamùk pokonpe wapùla kàyik yamùk pokonpe, wapùla amappe tùwettok kon nonkappù tok uya pen.