Revelation 17:17 - Patamuna New Testament Revised

¹⁷ Masapùla Katù uya tok yewan yak itùsak wechi màlà iche tùwettok kuttoppe tok uya, tewin ichenumenkatok tùwelaikatok kon yau, molopai àsà ene yemyak tùmeluntàlù kon tùlù tùuya'nokon itepulu pe iwettok pe yau, Katù uselupatok lùppù wekkupù ponalà.

Revelation 17:17 ပူးပေါင်းရင်းမြစ်များ

Luke 22:22

Masapùla Kàyik Mumu welikù màlà Katù uya ikupùppù kasa. Tùse àsà pe kulu iwechi màlà mùkkàlà kàyik neimippoyai'nùk pona!” teppù Jesus uya.

Luke 22:3

Màlàyau Settan wewomùppù Judas yak, 12 pan kon Jesus ya'lon kon tonpa Iscariot tetok ipàk yak.

Luke 22:37

“Sàlà tekamayaik àpàkù'nokon, Katù Maimu uya, ‘Àli ton kùlottau iwechippù màlà,’ tesak wekkupù màlà ailon pe upàk. Masapùla iwe'menukasak upàk nekkussan ailon pe.” teppù ya.

John 10:35

“Ittu'nokon man Katù Maimu yau iwe'menukasak wechi ailon pe tàwàlàlà. Molopai tok yesatùppù ya, ‘katù yamùk,’ tukaik, mùkyamlo Katù Maimu wettùlùppù itemyak lùssan.

John 13:18

“Tamù'nawolon kon amyamlo pàk uselupa pen nai'nùk, tùttuyaik nen unanùmùssan. Tùse Katù Maimu uya, ‘Mùkkàlà pùlomù pussak nassai'nùk upyak welattàsak man uwinàkàik,’ teppù kasa iwechi màlà.

John 13:2

Jesus molopai inenupa ton wechippù màlà tùuta'lettà kon pàk ko'manpe. Makui uya Jesus yeimippotok ya tùkassak wechippù Judas Iscariot yewan yak. Pùsàlà mùkkàlà Simon mumu.

John 19:24

Sousa yamùk uya, “Ikalapàtù pen sàlà, tùse tàk walai lùkkwà tenu'mapàsse wenkalunàpai ànù'là uya ipon yassan nùppù yepolo yentoppe,” teppù. Sàlà wekkupùppù màlà Katù Maimu yau iwe'menukasak kasa iwettoppe. “Tok uya upon pantakapàtùppù tùkklottau'nokon, molopai upon yassan nùppù yepolo ànù'là uya yentoppe tùuya'nokon tàk walai lùkkwà tenu'mapàsse tok wenkaluppù,” tawon. Sàlà yamùk kupùppù màlà sousa yamùk uya.

John 19:28

Sàlà tùpo Jesus uya tamù'nawolon wenukassak ittuppù màlà. Katù Maimu yau iwe'menukasak lùppù kasa iwekkuttoppe, “We'nakklipayaik,” teppù ya.

2 Corinthians 8:16

Ina tenki nùkayan Katù pàk Titus kussak ya alikyeppe àpùikattàpai'nokon ina kasa kulu pàk.

Revelation 10:7

“Tùse 7 pe iku'nài inchelù uya tùwayi tàulùnpasak yau nen uchi màlà, Katù uya màlà tonantau tùnkupù yenuka'nùpù màlà, tapyoto ton tùmaimu yenpoikannan pàk yekamappù tùuya kasa,” teppù ya nàlà.

Revelation 15:1

Màlàyau tùulon eke molopai enumenkanài, tensan yekkwa pen yeneppù uya màlà epùn yau, 7 pe inchelù yamùk wechippù màlà, 7 pan talumattàntok pokon pan kon. Sàlà yamùk màlà tewinanùppù talumattàntok, masapùla màlà yamùk ke Katù we'naikatok wenukapù màlà.

Revelation 17:13

Pùsamlo 10 pan kon wechi màlà tamù'nawàlà tewin ichenumenkatok, molopai tùmeluntàlù kon molopai tapàikketù kon tùlù màlà tok uya àsà ene yemyak.

Revelation 19:9

Màlàyau inchelù uya upàk, “Sàlà imenukakà, Tùutauchinpasan mùkyamlo ikà'masak kon, Kalinilu Mule wemali'matok yattai uta'lettàtok yak,” teppù. Molopai inchelù uya tùmaimu pùkkùttàppù, “Sàlà yamùk màlà ailon Katù Maimu,” tukaik.

Revelation 6:11

Tamù'nawà tok lepappù màlà aimu'nan pon ke. Molopai tok pàk yekamappù tok wàlàkkattoppe malalà tu'ma, tamù'nawolon kon tok tonpa lùssan molopai apyoto ton nùssan tùwàsan pe tùwessan, tùkka, tok tùkkappù kasa ponalà.”