Revelation 17:16 - Patamuna New Testament Revised

¹⁶ Àsà ene molopai 10 pan iletù yamùk meneinùk uya, nossan, kàyik yamùk yemyak tùwechilanmasen yeya'noma màlà, tok uya tamù'nawà itesak pe iwettok yalà màlà molopai tok uya inàmà ipon pùla, tok uya ipun yanù màlà molopai imattanùpù tok uya apok ke.

Revelation 17:16 ပူးပေါင်းရင်းမြစ်များ

Revelation 12:3

Tùulon yentok ipàkàlà usenpoikappù màlà epùn po. Molo iwechippù Eke, ichuweyu lùmà ulupelu, 7 pe ippai wechippù molopai 10 pe iletù yamùk, molopai alok wechippù ippai yamùk po.

Revelation 16:12

Màlàyau 6 pe iku'nài inchelù uya tùssawù yawon ikkwamùppù eke tuna Euphrates pona. Tuna wa'munappù màlà, wei wepakkatok winàpaino kon kin yamùk uyàpù ye'ma koneka pe.

Revelation 17:10

5 pe tok we'nonkasak man, tewinan tok tonpa kin pe lùppù man, molopai tùulon nùppù molo man iyàssak pùla, iyàssak yau tachin pe pùla iko'mamù màlà.

Revelation 18:19

Non sululukkappù tok uya tùppai kon pona, tok kalawùppù molopai tok usewankono'mappù. “Entuppak! Entuppak kulu man eke pata pona! Eke pata màlà tamù'nawàlà mùkyamlo kanau yamùk palau polo tùwessan yesak ton wenappù temamin ke itemamin pàk lùppù! Molopai tachin pe pùla kulu tamù'nawàlà itesappe tùwettok lachimappàssan!” tukaik.

Revelation 18:8

Sàlà wenai tamù'nawàlà italumattàtok uyàpù màlà ipona tewin wei yau, Weli'nàtok, usewankono'mantok, molopai iwan, ipottà màlà apok ke. Masapùla Itepulu Katù italumattànài mùkkàlà apàikkek,” teppù ya.

Revelation 19:18

Àittàk kon, kin yamùk pun yanse, eke ton pun, soicha yamùk yepulu yamùk pun, kawale yamùk molopai tok po tùwessan pun, tamù'nawolon kon kappon yamùk pun, apyoto yamùk molopai apyoto yamùk pen, eke ton molopai echikili ton,” tukaik.