Revelation 16:9 - Patamuna New Testament Revised

⁹ Kappon yamùk pottàppù a'neppe iwa'mintasak uya, molopai Katù yesek pa'nùpùppù tok uya, mùkkàlà sàlà yamùk talumattàntok kon yapàikketù yesak. Tùse tok welattàppù pen tùmakuyi kon winàpai, molopai eke pe iwettok yapulàppù tok uya pen.

Revelation 16:9 ပူးပေါင်းရင်းမြစ်များ

Luke 13:3

Kane! Tekamayaik àpàkù'nokon. Amakuyi kon winàpai ewelattà kon pùla iwechi yau, màlà kasa nàlà aumatta kon màlà tamù'nawàlà,” teppù Jesus uya.

Luke 13:5

Kane! Tekamayaik àpàkù'nokon. Amakuyi kon winàpai ewelattà kon pùla iwechi yau, màlà kasa nàlà aumatta kon màlà tamù'nawàlà,” teppù Jesus uya.

2 Corinthians 12:21

Usenalipayaik uyàttumasak yau Ukatùyi uya ukuli'ma yeselùkek iwechi pàk eyemloto kon po. Ukalawù màlà tukkan kon, mùkkyamlo iwemakuimasak kon nùssan pena molopai iwelattàsak kon àli ton winàpai pen wenai, àli pe tùwemattok kon yau tùwessan, tesak kon ke àli pe tùwessan molopai esak wettok ànkuppai ku'nàinan.

Revelation 11:13

Màlà yattai là àsà pe kulu tùlùpùnù wechippù molo, ipùkkù pe là 1/10 pe pata umattappù màlà, molopai tamù'nawàlà tùlùpùnù nùtùkkassan kappon yamùk wechippù 7,000 pe. Tok tonpassan wettalipasak wechippù kulu molopai epùn pon Katù wettok eke pe yapulàppù tok uya.

Revelation 14:7

Eke pe wateppù ya, “Katù inamatàk kon, molopai eke pe iwettok yapulàtàk kon! Masapùla kappon yamùk ittutok ya yattai uyàssak man. Molopai epùn, kak, non, palau, molopai non yapai tùwepakkasan tuna yamùk konekanàippù yapulàtàk kon!” teppù ya.

Revelation 16:21

Eke ton tàk tuna usa'mansak, 100 pounds pan iteme'netù, wepukappù kaupai kappon yamùk pona. Molopai kappon yamùk uya Katù pa'nùpùppù màlà, tuna usa'mansak ke talumattàntok wenai, masapùla àsà pe kulu talumattàntok wechippù màlà.

Revelation 2:21

Tùmakuyi winàpai iwelattàtok yattai ke ilepasak uya man, tùse elattàpai pùla man tesak ke tùwemakuimatok winàpai.

Revelation 9:20

Tok tonpassan apok, ikelechin molopai sulfur ke iwàsak kon pen, welattàppù pen màlà tùnkonekappù kon winàpai. Àli akkwalù pàk, molopai ikonekasak kon katù yamùk, kolù yapai, chilùpa, kalukuli walai, tàk, molopai yei yapai. Yà'làlà yennài nan pen, wapùla yà'làlà yetan nan pen, wapùla tùusasan pen pàk tùwepeimatok kon yeleutanùpùppù tok uya pen.