Revelation 16:14 - Patamuna New Testament Revised

¹⁴ Mùkyamlo wechippù màlà makui yakkwalù yamùk tensen pen ku'nàinan pe. Pùsamlo àsolùwawon kon àli akkwalù yamùk mùkyamlo tùutàsan tamù'nawolon kon kin yamùk non pon kon piyak, tok nesse tamùkke wepanta'mantok ponaloppe Eke wei, tewinan Katù, Mùkkàlà neken Meluntà weyu yattai.

Revelation 16:14 ပူးပေါင်းရင်းမြစ်များ

Matthew 24:14

Molopai sàlà Wakù Itekale itepulu pe we'nàtok yekale yekama màlà tamù'nawàlà wolù yawàlà pata yamùk yawolon kon pàk, molopai nen uchi iwenukatok uyàpù màlà,” teppù Jesus uya.

Matthew 24:24

Masapùla ailon pen Christ molopai ailon pen itekale yenpoikannan usenpoika màlà. Eke ton wotoko molopai enumenkanài kupù tok uya màlà yanùnsak kon yennakatoppe tùuya'nokon, tok yennaka tùuya'nokon pe iwechi yau.

Mark 13:22

Masapùla Christ pe tukaik, molopai Katù Maimu yenpoikannan pe tukaik tùusennakasan ailon ton pen uyàpù màlà molopai yentok ipàkàlà woton, eke ton enumenkanài molopai enalippanài kupù tok uya màlà. Ikupù tùuya'nokon yau Katù nanùmùssan yennakaiche tok wechi màlà.

Luke 2:1

Màlà yattai Ceasar Augustus uya tùmaimu yeunokoppù màlà tamù'nawolon kon uya tesek kon menuka toppe.

John 8:44

“Àkàipùnù kon Makui, ponalok kon amyamlo, molopai iche iwettok ku'nàinan. Iweppyattàppù motapai wànài pe iwessak màlà molopai kasei pe, masapùla ailon pùla iwechi màlà, yau. Kasei pe iichelupa yau iteselu màlà, masapùla kasei mùkkàlà molopai kasei kàipùnù.

Romans 1:8

Wapiya, tenki tawon Iulà ukàipùnù Katù pàk Jesus Christ yai, tamù'nawàlà àpàkànsau'nokon. Masapùla tamù'nawolon kon wolù yawon kon kappon yamùk uya ailon tetok auya'nokon yekale yetasak pàk.

2 Thessalonians 2:9

Katù yeyaton non yesak uyàpù màlà Settan meluntàlù yau, molopai tamù'nawolon yà'là yekkwa ton nà tùkkussan yek pen kupù ya màlà, enumenkannan, molopai enalippan nan. Tùse, ennakantok pe iwotokoyi wechi màlà.

1 Timothy 4:1

Wakù Akkwalù uya yekamasak man ailon pe, tùulon kon kappon yamùk uya ailon tetok nonka pata wenukapù peiwa; ailon ton pen, kasei ton akkwalù maimu yawàlà tok wechi màlà molopai àliton akkwalù yamùk uya enupantok maimu yawàlà tok wechi màlà.

James 3:15

Sàlà yekkwa pukkek màlà epùn poino pen; wolù yawon yeselu màlà, iwekkuppù màlà àli eyeselu kon winàpai, Makui, winàpaino pe iwechi.

1 John 5:19

Ittu'nokon man Katù munkà pe we'nà, tamù'nawàlà lànen wolù wechi Mùkkàlà Ene Makui wettok itepulu pe yo'no tùse.

Revelation 12:9

Eke ulupelu lùmà yenu'mappù màlà, mùkkàlà penalok àkài, Makui wapùla Settan itesek, tamù'nawolon kon kappon yamùk non pon kon yennakanàippù. Yenu'mappù màlà non pona tamù'nawàlà itinchelùyi yamùk pokonpe.

Revelation 13:3

Molopai ippai tonpa wàsak wechippù telikkase kasa, tùse àsà iwàsak elikkanài yek uchipittàsak wechippù. Tamù'nawolon kon non pon kon kappon yamùk usenumenkasak kulu wechippù molopai iwenaimappù tok uya.

Revelation 16:16

Màlàyau akkwalù yamùk uya kin yamùk nepùppù tamùkke patassek Hebrew Maimu yau tesassen Armageddon tukaik yak.

Revelation 16:7

Màlàyau mayin Katù ponalok pottà patassek winàpaino yetappù uya, “ Ewaik, Itepulu tewinan Katù, Mùkkàlà neken Meluntà! Ailon molopai iwalai màlà talumattàntok auya!” te ya.

Revelation 17:14

Tok wepanta'ma màlà Kalinilu Mule winàkàik, tùse Kalinilu Mule molopai inkà'massan, inanùmùssan molopai ailon pe iwessak kon ya'lon kon uya tok yentaika màlà, masapùla itepulu yamùk Yepulu mùkkàlà molopai kin yamùk Kinù,” teppù ya.

Revelation 20:8

Molopai iità màlà tamù'nawàlà pata yawon kon non po iwetta'nùssak kon yennakase, Gog molopai Magog tawon. Settan uya màlà tok nepù tamù'nawàlà tamùkke epanta'mase, wepanta'mantok yak, tukke wàssàk palau yena pon kasa.

Revelation 3:10

Umaimu yawàlà ewessak man pàlikanài pe. Màlàpàk wakù pe nàlà àkupù uya màlà talumattàntok yattai. Nùyàssai'nùk tamù'nawolon non pona tamù'nawà kappon yamùk sàlà non pon kon ittuse.

Revelation 6:17

Masapùla eke tok we'naikatok weyu talà man, ànùk uya ken ipàlika?” teppù tok uya.