Revelation 16:1 - Patamuna New Testament Revised

¹ Màlàyau eke mayin uselupa Katù yùwùk tapai 7 pan kon inchelù yamùk pokonpe yetappù uya, “Itàtàk kon molopai 7 pan pùsau yawon Katù we'naikatok ikkwantantàk non pona!” tukaik.

Revelation 16:1 ပူးပေါင်းရင်းမြစ်များ

Revelation 11:19

Katù yùwùk epùn pon utakkokasak wechippù, molopai wakù ikupù tùuya tetok Katù uya yen useneppù Katù yùwùk tau. Màlàyau pata wekamlipù yakkwayi wechippù molo, yà'làlànan tàwù, wala'napi wettoippàtù, tùlùpùnù molopai tukke eme'nek ton tuna pun.

Revelation 14:15

Molopai nàlà tùulon inchelù wepakkappù Katù yùwùk tapai molopai iwentaimeppù eke pe mùkkàlà katuppluk po chichiu pe tùwessen pàk, “Akasupalayi yapulàkà molopai ipànsak ipilikkà, masapùla ipilittok yattai uyàssak man, non wappùsak man ipànsak pilittoppe!” tukaik.

Revelation 14:18

Molopai tu'ma tùulon inchelù apok yesak uyàpùppù, Katù lepatok pottàtok patassek winàpai. Iwentaimepù màlà eke pe mùkkàlà inchelù yàkek kasupala woyoi pan yesak pàk, “Akasupalayi yapulàkà molopai tamùkke'ne nai'nùk grape yamùk ipilikkà non pon itek poi, masapùla iwappùsak man,” tukaik.

Revelation 15:1

Màlàyau tùulon eke molopai enumenkanài, tensan yekkwa pen yeneppù uya màlà epùn yau, 7 pe inchelù yamùk wechippù màlà, 7 pan talumattàntok pokon pan kon. Sàlà yamùk màlà tewinanùppù talumattàntok, masapùla màlà yamùk ke Katù we'naikatok wenukapù màlà.

Revelation 16:17

Màlàyau 7 pe iku'nài uya tùssawù yawon ikkwamùppù kakàik. Eke mayin uyàpùppù aponnok Katù yùwùk tawon winàpai, “Nenukapàssan!” tukaik.