Revelation 15:3 - Patamuna New Testament Revised

³ Moses, Katù yapyoto, yelemu pàk tok uselenpappù, molopai Kalinilu Mule yelemu, “Itepulu Katù, Mùkkàlà neken Meluntà, eke pe molopai wakù kulu kupùppù auya man! Tamù'nawolon pata yamùk Kinù, ikasa molopai ailon pe eyeselu man!

Revelation 15:3 ပူးပေါင်းရင်းမြစ်များ

John 1:17

Katù uya Law tùlùppù màlà Moses yai, tùse wakù pe iwettok molopai ailon uyàpùppù màlà Jesus Christ yai.

1 Timothy 1:17

Tàwàlàlà Kin pe tùwessen, tùumatta woton pen molopai yensak pen, tewinan Katù piyak, namantok molopai apulàntok tùlù màlà tàwàlà molopai tàwàlàlà! Emen.

Hebrews 3:5

Molopai Moses wechippù màlà ailon pe apyoto pe Katù yùwùk tau tamù'nawàlà tùwettok yau. Ichelupappù màlà Katù uselupatok yenpoika pàk, ailon pe sàlà pe tùwekkupù woton yekama pàk.

Revelation 1:8

“Alpha Iulà molopai Omega iweppyattàtok molopai iwenukattok,” tawon mùkkàlà Itepulu Katù, sàlà pe nai'nùk, iwechippù nai'nùk, molopai tùuyàpù woton, Mùkkàlà neken Meluntà.

Revelation 11:17

“Tenki nùkayan ina àpàk Itepulu Katù Meluntà, Mùkkàlà sàlà pe nai'nùk molopai iwechippù nai'nùk! Masapùla eke emeluntàlù yapulàsak auya pàk, molopai ewepyattàsak man itepulu pe ewechi pàk!

Revelation 14:3

Satippe tok wechippù màlà aponnok yemloto po, asakùlà'nan kon nulànan kon ànùkyan nànan molopai Katù ponalok kon wapiyalok kon kappon yamùk 24 pan kon yemlotopo. Molopai emennak elen yelenpappù tok uya ànù'là usenupatok ipàk pen tùse mùkyamlo 144,000 pan kon neken ye'masak kon non poi.

Revelation 14:8

Yakon inchelù uyàpùppù ite'mappù pàk, “Iwekkawai'masak man! Eke Babylon wekkawai'masak man! Meluntà tùwuku inchitoppe tamù'nawolon pata yamùk yawon kon kappon yamùk uya ikupùppù ya. Sàlàichi wechippù màlà meluntà tinchisen àli pe tùtayappù pen pokonpe iwettok yeuku!” tei'ma.

Revelation 17:14

Tok wepanta'ma màlà Kalinilu Mule winàkàik, tùse Kalinilu Mule molopai inkà'massan, inanùmùssan molopai ailon pe iwessak kon ya'lon kon uya tok yentaika màlà, masapùla itepulu yamùk Yepulu mùkkàlà molopai kin yamùk Kinù,” teppù ya.

Revelation 19:16

Ipon pàk molopai ichi pàk esek menukasak wechippù, “Kin yamùk Kinù, molopai itepulu yamùk Yepulu,” tukaik.

Revelation 19:2

“Ailon molopai iwalai màlà ittutok ya! Masapùla eke nossan kàyik yamùk yemyak tùwechilanmasen talumattàsak ya man, mùkkàlà non mattanù'nàippù lùppù àli kuttok tùuya kàyik yamùk pokonpe tùwettok ke. Katù uya ye'masak man, masapùla tapyoto yamùk wàsak ya pàk,” tukaik.

Revelation 4:8

Tamù'nawàlà asakùlà'nan kon nulànan kon ànùkyan nànan wechippù 6 pe'ne yapàli, molopai en yamùk wechippù tok polo, tok yapàli yo'nolo nàlà. Tùuselenpatok kon yeleutanùpùppù tok uya pen weinai wapùla ewalupàttau. “Wakù esukenan, Wakù esukenan, Wakù esukenan Itepulu Katù, Mùkkàlà neken Meluntà, iwechippù nai'nùk, sàlà pe nai'nùk, molopai tùuyàpù woton,” tukaik.