Revelation 15:2 - Patamuna New Testament Revised

² Molopai awai'nan pottolo walai palau yeneppù uya, yoi'masak apok ke. Yeneppù uya tu'ma mùkyamlo àsà ene yentaikannan nùssan molopai ikasa ikonekasak, molopai mùkkàlà itesek nonpayi itùsak lùppù yentaikannan nùssan. Satippe tok wechippù palau wanamali kasa tùusensen piyau, tewa ke'nan tùwayi kon yachi pàk tok wechippù màlà Katù uya tùlepatok kon.

Revelation 15:2 ပူးပေါင်းရင်းမြစ်များ

Matthew 3:11

Eyenpataukanài'nokon Iulà tuna ke, amakuyi kon winàpai ewelattàsak kon pàk. Tùse mùkkàlà uye'mappù pàk tùuyàssen uya màlà eyenpatauka kon Wakù Akkwalù ke molopai apok ke. Eke mùkkàlà uyentaino, ichapattuyi yalà uya yentaino.

1 Peter 1:7

Sàlà màlà meluntà pe ailon tetok auya'nokon wechi ittunài. Kolù, tùumattasen pe lànen nai'nùk màlà ittusak lùppù apok ke; màlàpàk uchi ailon tetok auya'nokon, wakù kolù yentai nai'nùk, ittu nàlà màlà meluntà pe iwettoppe. Màlàyau apulàntok wakù pe itekale we'nàtok molopai namantok yepolo auya'nokon màlà màlà Wei yattai Jesus Christ usenpoikasak yau.

1 Peter 4:12

Utonpa yamùk, kesenumenkatàu àsà ituntok mettalumattà yatài'nùk ipàkànsau pàk, yà'làlà tùwekkussen pen wekkupù kasa àpàkù'nokon.

Revelation 12:11

“Tok uya yentaikasak man Kalinilu Mule mùnù winà, molopai ailon tùnekamappù kon Katù yekale winà, tok uya tùwemattok kon pùnùmappù pen màlàpàk tùwelikù kon pàk tok usenalippa pùla iwechippù.

Revelation 13:1

Màlàyau àsà ene usenpo palau kapai yeneppù uya. 10 pe iletù wechippù molopai 7 pe ippai, alok wechippù iletù yamùk pàk, ikaichalà. Àli esek Katù talumattàtok menukasak wechippù ikaichalà ippai yamùk pàk.

Revelation 13:14

Tamù'nawolon kon kappon yamùk non po tùwemassan yennakappù ya tensen yekkwa pen kuttok tùuya winà, tùlepatok ikuttoppe tùuya wapiyalok àsà ene yemloto po. Pùsàlà yakon àsà ene uya tamù'nawolon kon kappon yamùk non pon kon pàk yekamappù, wapiyalok àsà ene kasa ikonekatoppe tok uya, yapulà pe mùkkàlà iwàsak lùppù asa'lon yà kasupala ke tùse iwennasak lùppù.

Revelation 13:17

Ànù'là uya yà'làlà ye'ma wapùla ichilanma yentai iwechippù, sàlà pattàntok, màlà àsà ene yesek wapùla inonpayi pùla echii'ma.

Revelation 21:18

Iwe'na konekasak wechippù wakù tàk jasper yapai, molopai pata konekasak wechippù esuken kolù pe, akkwa pe kulu.

Revelation 4:6

Aponnok yemloto po wanamali walai palau useneppù awai'ne crystal kasa. Aponnok woi ilatoi winà'ne, asakùlà'nan kon nulànan kon ànùkyan nànan wechippù en yamùk ipolon kon tok yemloto polo molopai tok mùpoi polo.

Revelation 5:8

Kaleta yekkwassak ya yau, asakùlà'nan kon nulànan kon ànùkyan nànan molopai 24 pan eke ton tùnamasan wepeimappù Kalinilu Mule yemloto po. Tùkaichalà' ne'nokon tùwayi ke'ne tok wechippù. Molopai kolù pùsau yamùk appoi'nan tùpottàsen ke yanùkkasak yesappe'ne. Sàlà yamùk màlà Katù munkà yamùk wàpùlematok.