Revelation 15:1 - Patamuna New Testament Revised

¹ Màlàyau tùulon eke molopai enumenkanài, tensan yekkwa pen yeneppù uya màlà epùn yau, 7 pe inchelù yamùk wechippù màlà, 7 pan talumattàntok pokon pan kon. Sàlà yamùk màlà tewinanùppù talumattàntok, masapùla màlà yamùk ke Katù we'naikatok wenukapù màlà.

Revelation 15:1 ပူးပေါင်းရင်းမြစ်များ

Revelation 10:3

Molopai iwentaimeppù eke pe palauya tàwù useta kasa. Iwentaime tùpo, 7 pan kon wala'napi yamùk uya yeikuppù.

Revelation 11:14

Yakon àsà talumattàntok nenukappàsan, tùse yenkà! Icholùwano àsà talumattàntok uyàpù màlà tachin pe kulu tùpo pùla.

Revelation 14:10

Mùkkàlà uya nàlà màlà Katù we'naikatok yeuku inchi. Meluntà kulu tùwe'naikatok kokù yak inmappù esukenan yà'là yekkwa là ke yoi'mappù pùn. Ewaik, mùkkàlà sàlà ku'nàippù talumattà màlà apok molopai kulupala kasa tùkà'nùnsen yau, wakù ton inchelù yamùk molopai Kalinilu Mule yemloto po,” teppù ya eke pe.

Revelation 14:19

Màlàpàk inchelù uya tùkasupalayi wùuwùumappù non polo, kùyali yattàppù ya itek poi, molopai yenu'mappù ya eke Katù we'naikatok muluyi yak.

Revelation 16:1

Màlàyau eke mayin uselupa Katù yùwùk tapai 7 pan kon inchelù yamùk pokonpe yetappù uya, “Itàtàk kon molopai 7 pan pùsau yawon Katù we'naikatok ikkwantantàk non pona!” tukaik.

Revelation 17:1

Màlàyau 7 pan kon inchelù yamùk tonpa mùkkàlà 7 pan pùsau yamùk yesak uyàpùppù upyak, molopai, “Àikkà, molopai yà'là kasa là kàyik yamùk yemyak tùwechilanmasen nossan talumattàtok yekama uya màlà, mùkkàlà chichiu pe tùwessen tukkan tuna yamùk po.

Revelation 19:15

Yàkek asa'lon yà kasupala wepakkappù intapai, màlà ke eke pata yamùk non pon kon yentaika ya màlà. Meluntà ke itepulu pe iwechi màlà tok yepoi, molopai so'li tinchisen Tewinan, mùkkàlà neken Meluntà Katù we'naikatok àsà pe yeuku kakklà ya màlà mulu yai.

Revelation 21:9

7 pan kon inchelù yamùk tonpa mùkkàlà 7 pan pùsau yamùk yanùkkasak 7 pan iwenukatok talumattàntok ke, yesak uyàpùppù upyak molopai, “Àikkà, molopai Ema'non Kalinilu Mule noppù woton yekama uya màlà àpàk,” teppù ya.

Revelation 8:13

Màlàyau uyenu tùlùppù uya, molopai umuchimà wainùnsak kau, màlà wentaime yetappù uya eke pe, “Entuppak man! Entuppak talumattàntok wechi màlà molo! Àsà pe kulu iwechi kupù pe man mùkyamlo tamù'nawolon kon tùwemassan non po pona, mùkyamlo tùulon kon àsolùwawon kon inchelù yamùk uya paka letù walai tùwayi kon tàulùnpa yau!” tukaik.

Revelation 8:2

Màlàyau 7 pan kon inchelù yamùk Katù yemloto po satippe tùwessan yeneppù uya, tok lepasak wechippù 7 pan paka letù lùppù walai wai ke.

Revelation 8:6

Màlàyau 7 pan kon inchelù yamùk wekonekappù 7 pan paka letù walainon wai yamùk tàulùnpa pàk.

Revelation 9:20

Tok tonpassan apok, ikelechin molopai sulfur ke iwàsak kon pen, welattàppù pen màlà tùnkonekappù kon winàpai. Àli akkwalù pàk, molopai ikonekasak kon katù yamùk, kolù yapai, chilùpa, kalukuli walai, tàk, molopai yei yapai. Yà'làlà yennài nan pen, wapùla yà'làlà yetan nan pen, wapùla tùusasan pen pàk tùwepeimatok kon yeleutanùpùppù tok uya pen.