Revelation 14:6 - Patamuna New Testament Revised

⁶ Màlàyau tùulon inchelù wainùnsak kau kak yau yeneppù uya. Tàwàlàlà tùwemassen Wakù Itekale yesappe. Inekama non pon kon kappon yamùk pàk, tamù'nawolon kappon yamùk pata yamùk yawolon kon, pata kok molopai tùpatalo'nan mayin yamùk molopai kappon yamùk pàk.

Revelation 14:6 ပူးပေါင်းရင်းမြစ်များ

Matthew 10:27

Ewalupà yau tekamayai'nùk mekamatàik wei nai, molopai enetappù kon amak yai, mekamatàik tapùi ipu poi.

Mark 16:15

Màlàyau, “Itàtàk kon tamù'nawolon pata yawàlà. Wakù Itekale yekamatantàk kon tamù'nawàlà kappon yamùk pàk,” teppù ya tok pàk.

Romans 16:25

Katù yapulatàk kon! Meluntà pe ewechi kon pa àkupù kon ya màlà tapàikketù ke, Wakù Itekale unekama Jesus Christ yekale yai. Tachinpe pena sàlà itekale kupùppù màlà tonantau.

Colossians 1:23

Tùse ailon tetok auya'nokon wechi meluntà pe molopai i'nak kulu ikala iche we'nà man. Enpen ewettok kon ananùmùppù kon wakù itekale enetappù kon kan uchi kù'nonkatàu tà. Sàlà Wakù Itekale yekamappù màlà sàlà non pon kon tamù'nawolon kon kappon yamùk pàk. Molopai Iulà, Paul, wenappù màlà sàlà Wakù Itekale yapyoto pe.

2 Thessalonians 2:16

Tàwà Kùyepulu kon Jesus Christ tùmàlà pe, molopai Katù Kùkàipùnù kon, kù'nùnmanàippù'nokon molopai wakù pe tùwettok yau kùlepanàippù'nokon tàwàlàlà meluntà ke molopai wakù enpen we'nàtok ke,

Hebrews 13:20

Katù mùkkàlà lepanài echitonpa pe we'nàtok ke molopai Kùyepulu kon Jesus Christ wuluukanàippù weli'nàtok yapai. Jesus wechi nen uchi nai'nùk Eke Kalinilu yesak kasa, imùnù yapulàsak lùppù tàwàlàlà tùuko'mansen Katù wekkuttok ikupù pàk konekanài pe imunkà yamùk pàk.

1 Peter 1:25

tùse Katù Maimu tùwemassen tàwàlàlà,” tesak kasa. {sa 40.6-8} Molopai sàlàichi màlà mayin àpàkù'nokon yekamasak lùppù.

Revelation 10:11

“Tewin itekkwaloppe tu'maichi Katù Maimu menpoikatukkaik tukkan kon kappon yamùk pàk, pata yamùk non pon yawolon kon pàk, tùpatalo'nan mayin yamùk, molopai kin yamùk pàk,” teppù màlà upàk.

Revelation 10:7

“Tùse 7 pe iku'nài inchelù uya tùwayi tàulùnpasak yau nen uchi màlà, Katù uya màlà tonantau tùnkupù yenuka'nùpù màlà, tapyoto ton tùmaimu yenpoikannan pàk yekamappù tùuya kasa,” teppù ya nàlà.

Revelation 13:7

Katù ponalok kon kappon yamùk pokonpe iwepanta'matoppe ikussak wechippù molopai tok yentaikatoppe ya. Apàikkek ke ilepasak wechippù tamù'nawàlà tùpatalo'nan ikkok yamùk, tùpatalon kon kappon yamùk, tùpatalo'nan mayin molopai kappon yamùk pata yamùk non pon yawolon kon yepoi.

Revelation 3:10

Umaimu yawàlà ewessak man pàlikanài pe. Màlàpàk wakù pe nàlà àkupù uya màlà talumattàntok yattai. Nùyàssai'nùk tamù'nawolon non pona tamù'nawà kappon yamùk sàlà non pon kon ittuse.

Revelation 5:9

Tok uselenpappù emennak elen pàk: “Wakù pe messaik sàlà kaleta yekkwa'nài yeppe, molopai yachittok yamùk ikkwà'nài pe. Masapùla àwànàppù màlà, molopai àmùnù winà kappon yamùk ye'mappù auya man Katù ponaloppe, tamù'nawolon kon kappon yamùk kùlottapai, tùpatalo'nan kon imaimu, tùpatalo'nan kon ikkok, molopai tùpatalo'nan kon kappon yamùk.

Revelation 8:13

Màlàyau uyenu tùlùppù uya, molopai umuchimà wainùnsak kau, màlà wentaime yetappù uya eke pe, “Entuppak man! Entuppak talumattàntok wechi màlà molo! Àsà pe kulu iwechi kupù pe man mùkyamlo tamù'nawolon kon tùwemassan non po pona, mùkyamlo tùulon kon àsolùwawon kon inchelù yamùk uya paka letù walai tùwayi kon tàulùnpa yau!” tukaik.