Revelation 14:13 - Patamuna New Testament Revised

¹³ Màlàyau mayin yetappù uya epùn poi, “Sàlà imenukakà, Tùutauchinpasan mùkyamlo sàlà motapai tùwelichan Itepulu Katù wotokoyi yau,” te ya. “Ewaik kulu nen,” nùkayan Wakù Akkwalù. “Wàlàkka'nàtok yepolo tok uya màlà sa'man pe tùwe'wotokomatok kon winàpaino, masapùla tùwe'wotokomatok kon yepeppù yalà tok uya màlà ta'là'nokon.”

Revelation 14:13 ပူးပေါင်းရင်းမြစ်များ

Matthew 3:17

Molopai nen uchi mayin uya epùn poi, “Pùsàlà mùkkàlà u'nùn kulu Umu, utauchinpatok kulu ipàk,” teppù.

Luke 16:25

“Tùse Abraham uya, ‘Umu, masa ittukà, ewemapù yau wakù ton yepoloppù auya, Lazarus uya àli ton yepolo tùse. Tùse nen uchi sàlà pe iichipittàsak man talà, e'nek pe ewechi tùse.

Luke 16:9

Jesus uya wateppù, “Màlàpàk tekamayaik àpà'kù'nokon, Echitonpa pe ettàk kon, wakù ikuttàk kon sàlà wolù yawon mamin ke, iwu'massak yau tùutauchinpaik ayanùntoppe tàwàlàlà wema'nà pata yak.

Romans 14:8

Molopai wema'nà'nokon yau, Itepulu ponaloppe wema'nà'nokon màlà. Weli'nà'nokon yau, Itepulu ponaloppe weli'nà'nokon màlà. Wema'nà'nokon wapùla weli'nà'nokon pe iwechi yau, Itepulu ponalok kon kùmyamlo.

1 Corinthians 15:18

Màlàyau nen uchi Christ yau iwelichak kon we'lachimasappe iwechi màlà.

1 Corinthians 15:20

Tùse ailon pe nen wapiyaloppe Christ wuluukappù màlà weli'nàtok yapai, mùkyamlo iwe'nùnsak kon weli'nàtok yau we'wuluukatok ipàkàlà pe.

1 Corinthians 15:58

Màlàpàk uchi, u'nùn ton utonpa yamùk, meluntà pe ettàk kon, katamatàu. Tamù'nawàlà tàwàlàlà Itepulu wotokoyi yak ettùtàk kon. Masapùla Itepulu yau àwotokoyi kon wechi iwoton pe pùla là pen màlà.

2 Corinthians 5:8

Meluntà pe molopai tùwettalipasan pe pùla we'nà'nokon man, molopai sàlà kùyesak kon nàntok pàk tùse kùpata kon po Itepulu piyau kulu eppai we'nà'tokkon pàk.

Philippians 2:17

Ailon tetok auya Itepulu yau molopai ewe'wotokomatok màlà lepantok walai Katù pona. Msolopai umùnù wekkwamù sàlà lepantok pona. Sàlà wekkupù yau utauchinpa màlà, molopai tamù'nawàlà àpokonpe' nokon utauchinpa.

1 Thessalonians 4:14

Ailon tawonnan ku kùmyamlo tà Jesus welikùppù pàk molopai iwe'wuluuka tu'mappù pàk. Màlàpàk nàlà nen uchi mùkyamlo iwelikchak kon ailon tei'ma Jesus pàk nepù Katù uya Jesus ya'là pàk ailon tawonnan kùmyamlo.

1 Thessalonians 4:16

Eke wentaimentok wechi màlà molo meluntà pe kan, inchelù yepotolù maimu useta màlà, Katù wayi tàwù màlà molopai nen uchi Itepulu uttù màlà epùn poi! Mùkyamlo iwelichak kon ailon tei'ma Christ pàk we'wuluuka màlà wapiya.

1 Thessalonians 5:10

Iwelikchak lùppù mùkkàlà kùponalok kon pe wema'nà tok kon pe tamùkke ipokonpe, weli'nàsak yau wapùla pàli'yau we'nà yau iyàssak yattai

1 Timothy 5:24

Tùulon kon kappon yamùk makuyi màlà tùusensen, molopai tok makuyi utà màlà tok wapiya ittuntok patassek yak, tùse tùulon kon makuyi usene màlà imasa iwa.

1 Timothy 5:25

Màlà kasa nàlà wakù eselu usene màlà, molopai màlà yamùk tùusensan kulu pen lànen uso'nantok pùla iwechi màlà.

Revelation 1:11

“Enene imenukakà, molopai kaleta yeunokkà 7 pan pata yamùk yawon kon sochi yamùk piyak: Ephesus, Smyrna, Pergamum, Thyatira, Sardis, Philadelphia molopai Laodicea pon kon yemyak,” teppù ya.

Revelation 10:4

Tok uselupa pe, kaleta menuka pàk wekkupùppù. Tùse mayin uselupa epùn poi yetappù uya, “7 pan kon wala'napi yamùk nekamappù ikukkà tùttusen pe pùla, molopai kù'menukai!” tukaik.

Revelation 11:15

Màlàyau 7 pe iku'nài inchelù uya tùwayi tàulùnpappù, molopai eke pe mayin yamùk uya epùn poi, “Itepulu pe we'nàtok non pon kon yepoi Kùyepulu kon Katù molopai ineunokoppù Christ ponaloppe nen uchi man, molopai itepulu pe iwechi màlà tàwàlàlà molopai tàwàlàlà!” teppù.

Revelation 11:19

Katù yùwùk epùn pon utakkokasak wechippù, molopai wakù ikupù tùuya tetok Katù uya yen useneppù Katù yùwùk tau. Màlàyau pata wekamlipù yakkwayi wechippù molo, yà'làlànan tàwù, wala'napi wettoippàtù, tùlùpùnù molopai tukke eme'nek ton tuna pun.

Revelation 16:17

Màlàyau 7 pe iku'nài uya tùssawù yawon ikkwamùppù kakàik. Eke mayin uyàpùppù aponnok Katù yùwùk tawon winàpai, “Nenukapàssan!” tukaik.

Revelation 19:9

Màlàyau inchelù uya upàk, “Sàlà imenukakà, Tùutauchinpasan mùkyamlo ikà'masak kon, Kalinilu Mule wemali'matok yattai uta'lettàtok yak,” teppù. Molopai inchelù uya tùmaimu pùkkùttàppù, “Sàlà yamùk màlà ailon Katù Maimu,” tukaik.

Revelation 2:1

“Ephesus pon Sochi inchelùyi piyak sàlà imenukakà: “Sàlàichi màlà mùkkàlà 7 pan chilùkà yamùk yachinài kamik pen temyatù yau winàpaino itekale, mùkkàlà 7 pan kolù yapai ikonekasak lanppu yapon kùlottawà tùusasen,” teppù ya.

Revelation 2:7

“Tàwà tùpana ke nai'nùk Wakù Akkwalù uya Sochi yamùk yelupatok yetai. Mùkyamlo entaikannannùssan uya, nulà ku'nài kùyali yepelu nattoppe ikupù uya màlà, màlà iwattasak Katù tumà yau,” teppù ya.

Revelation 20:6

Tùutauchinpasan molopai esukenan kon mùkyamlo wapiyalok weli'nàsak wuluukatok pùkkù pe tùwessan. Yakon itekkwa pe weli'nàtok meluntàlù pùla iwechi màlà tok yepoi, paatele yamùk pe tok wechi màlà Katù ponaloppe molopai Christ ponaloppe nàlà. Molopai tok wechi itepulu pe màlà ipokonpe 1000 pe kilichimochi.

Revelation 21:5

Màlàyau mùkkàlà chichiu pe tùwessen aponnok po uya, “Molopai nen uchi sàlà pe tamù'nawolon koneka uya sàlà emennappe!” “Sàlà imenukakà, masapùla sàlà mayin màlà ailon molopai ailon tetok ipàk,” teppù ya nàlà.

Revelation 22:17

Wakù Akkwalù molopai Ema'non, inoppù woton, “Àikkà!” nùkayan. Tamù'nawolon kon sàlà yetan nan nàlàichi tàwà, “Àikkà!” nùkai. Àikkà, ànù'là iwe'naklipasak nai'nùk, wema'nàtok palu tuna yanùnkà lepantok kasa, ànù'là iche tùwessen.

Revelation 6:11

Tamù'nawà tok lepappù màlà aimu'nan pon ke. Molopai tok pàk yekamappù tok wàlàkkattoppe malalà tu'ma, tamù'nawolon kon tok tonpa lùssan molopai apyoto ton nùssan tùwàsan pe tùwessan, tùkka, tok tùkkappù kasa ponalà.”