Revelation 13:6 - Patamuna New Testament Revised

⁶ Katù pa'nùpù pàk iwepyattàppù, molopai itesek nàlà, molopai patassek iwemattok yau, molopai tamù'nawolon kon epùn po tùwemassan.

Revelation 13:6 ပူးပေါင်းရင်းမြစ်များ

Matthew 12:34

Àkài yamùk, atta ken uchi wakù pe euselupa kon àli pe echii'ma'nokon? Masapùla ewan yawon yekamanài màlà mùta.

Matthew 15:19

Masapùla itewan yapai àli pe usenumenkantok uyàpù màlà, wàntoppe ya iku'nài, tùulon noppù pokonpe iwettoppe, molopai tùulon kon àli ton imakuyichan kuttoppe ya tesak ke, amappe iwettoppe, molopai kasei pe molopai àli pe ichelupatoppe tùulon kon pàk.

John 1:14

Mayin wenappù màlà kappon pe, kùklottau'nokon iwemapùppù. Ailon, wakù pe iwettok yeneppù ina uya, mùkkàlà neken tewinan yapulàtok, iyàssak lùppù tùkàipùnù winàpai wakù pe tùwettok molopai ailon pokonpe.

Romans 3:13

Tok pùmù yeuta màlà iwu'nattàsak pen uluwaik walai. {Psa 5.9} Tok yani màlà eke pe kasei yapon, molopai tok maimu maik àkài ulaliyi walai. {Psa 140.3}

Colossians 1:19

Masapùla tamù'nawàlà tùmàlà pe Tùmu yau eppai Katù wechippù màlà.

Colossians 2:9

Masapùla tamù'nawolon Katù yau nai'nùk wechi màlà Christ yau.

Hebrews 9:2

Sàlà tappulin tau iwakkàsak wechippù màlà asa'là patassek. Wapiyalok màlà 'Wakù Patassek' tukaik tesassen, màlà tau lanppu yapon, kùyali yapon, molopai pùlomù pusak yamùk Katù yemyak itùsak lùssan wechippù.

Hebrews 9:24

Masapùla Christ utàppù màlà Katù yùwùk kappon yamùk nùkonekappù pen yak molopai epùn pon kasa neken nà nai'nùk pen. Iitàppù màlà epùn pona molopai sàlà pe nen uchi Katù piyau iwechi màlà kùpùikattàtok kon pe tùuya.

Revelation 11:12

Màlàyau asa'lon kon Katù Maimu yenpoikannan uya eke mayin yetappù epùn poi tùpàkù'nokon wate ya, “Enuttàk kon sàlà motak!” teya. Teyaton kon uya yene tùse tok wenukuppù katuppluk yau epùn pona.

Revelation 12:12

Màlàpàk uchi atauchinpakà epùn, molopai amyamlo tamù'nawolon kon molo yau tùwemassan! Tùse àsà pe iwechi màlà non molopai palau pona! Masapùla Makui uttàsak man apyakù'nokon molopai iwanùssak man we'naikantok ke, masapùla mala kulu tùweyu wà'nànsak ittuyan,” teppù ya.

Revelation 15:5

Sàlà tùpo epùn pon Katù uya ikupù uya màlà tetok yen patassek yeneppù uya màlà.

Revelation 18:20

Atauchinpatàk kon, imattanùttok pàk epùn! Atauchinpatàk kon, Katù ponalok kon kappon yamùk, yeunossak kon, molopai Katù Maimu yenpoikannan! Masapùla Katù uya italumattàsak man inkupùppù àpàkù'nokon wenai!

Revelation 21:3

Eke mayin uselupa yetappù uya aponnok winàpai, “Katù patassek nen uchi kappon yamùk piyau man! Tok pokonpe iwemapù màlà, molopai iponaloppe tok wechi màlà. Katù wechi màlà tùmàlà pe tok piyau, molopai tok Katùyi pe iwechi màlà.

Revelation 4:1

Sàlà yamùk tùpo tùulon we'neppà'nàtok walai yeneppù uya, manatta utakkokasak epùn po. Molopai mayin, paka letù walai wai tàwù kasa uyelupa ya unetappù wapiya uya, “Àikkà, enukkà upyak sàlà motak molopai yekama uya màlà àpàk sàlà ye'mappùtak tùwekkupù woton,” teppù.

Revelation 4:4

Sàlà aponnok woi 24 pe tùulon kon aponnok yamùk wechippù. Màlà yamùk po 24 pan kon eke ton tùnamasan wechippù chichiu pe. Tok wepontàsak aimu'nan yak, molopai kolù alok yau'ne tok wechippù.

Revelation 5:13

Molopai tamù'nawolon kon epùn pon kon, non pon kon, non yo'non kon, tamù'nawolon palau pon kon. Tamù'nawàlà nulànan kon uselenpa yetappù uya, “Tàwà mùkkàlà chichiu pe tùwessen aponnok po molopai Kalinilu Mule piyak apulàntok, namantok, molopai meluntà pe we'nàtok nechii, tàwàlàlà molopai tàwàlalà!” tukaik.

Revelation 7:15

Màlàpàk Katù yapon yemlotopo satippe tok wechi màlà nai'nùk molopai iponaloppe tok we'wotokoma weinai molopai ewalupàttau tukaik itùwùk tau. Mùkkàlà chichiu pe nai'nùk tapon po wechi tok yelasu pe màlà molo tùwechi ke.

Revelation 7:9

Sàlà tùpo uyenu tùlùppù uya molopai tukkan kon kulu kappon yamùk yeneppù uya. Ànù'là uya yà'là kaichalà là tok wechi ittu yentainokon. Pùsamlo wechippù màlà tamù'nawolon pata yawon kon pe, tùpatalonan kon ikkok yamùk, tùpatalo'nan kon kappon yamùk molopai tùpatalo'nan imaimu ton. Satippe aponnok yemloto po tok wechippù molopai Kalinilu Mule yemloto po. Tok wepontàsak wechippù aimu'nan pon yak, molopai kumya yale yachipppù tok uya temyau'nokon.